लमजुङ । प्रथम भेट्रान फुटसल लमजुङ कपको पहिलो चरणका ९ खेल सकिएका छन् । तेस्रो दिन सोमबारसम्म ९ खेल सकिएका हुन् । बेंसीसहरस्थित सहजी खेल मैदानमा सोमबार पहिलो खेल खुदी युनाइटेड र हिमचुली क्लब भुलभुलेबीच भयो । जसमा ४–० गोलअन्तरले खुदी युनाइटेड क्लब विजयी भयो ।

लमजुङ मस्र्याङ्दी युवा क्लब विजयी भयो । उसले न्यू आदर्श युवा क्लबलाई ७–१ को फराकिलो गोलअन्तरले हरायो । तेस्रो खेलमा सेने ग्यादरिङले वाकओभर पायो ।

खासुर रोधिं टिम बेसीसहर–१० खासुर र छाउँदी हिमालयन युवा क्लब तनहुँबीच प्रतिस्पर्धामा २–० गोलअन्तरमा खासुर रोधिं टिम अघि बढेको आयोजक संस्था खेल संयोजक सूर्यमान गुरुङले बताए । चण्डीडाँडा भेट्रान र आयोजक लमजुङ फुटसल टिमबीच खेलमा ५–० गोलअन्तरले चण्डीडाँडा भेट्रानले जीत हासिल गरेको छ । बिबी व्याइज भेट्रान र सेभेन स्टार युवा क्लब डुम्रेबजारबीच खेलमा ४–० गोलअन्तरमा बिबि व्याइज विजयी भयो ।

विजेताले ५० हजार र उपविजेताले २५ हजार साथमा ट्रफी, मेडल र प्रमाणपत्र पाउने प्रतियोगिताका संयोजक इन्द्र रानाले बताए । उत्कृष्ट खेलाडी र सर्वाधिक गोलकर्तालाई जनही २५ सय र मायाको चिनो प्रदान गरिने आयोजकको भनाइ छ । साथै दोस्रो राउण्डबाट प्रत्येक खेलमा म्यान अफ दि म्याच घोषणा गरिने छ । अनुुमानित ३ लाख ६० हजार रुपैयाँ खर्च अनुुमान गरिएको आयोजक लमजुङ फुटसलका अध्यक्ष रानाले बताए ।

प्रतियोगितामा बागलुङ, कास्की, तनहुँ र मकवानपुरका १–१ गरी जिल्लाबाहिरका आमन्त्रित ४ टिमसहित २६ टिमले भाग लिएका छन् ।
प्रतियोगिताको सहायक प्रमुख जिल्ला अधिकारी गोकर्णराज सुयलले उद्घाटन गरेका थिए ।