वालिङ्मा भेटियो दुर्लभ सुँगुरे भालु

आदर्श समाज सम्वाददाता
जेठ ३२, २०७७
Sungure bhalu

स्याङजा, ३२ जेठ । स्याङ्जा जिल्लाको वालिङमा लोपोन्मुख सुँगुरे भालु भेटिएको छ । डिभिजन वन कार्यालय स्याङजाका अनुसार सुँगुरको जस्तै लामो थुतुनो, शरिरभरि बाक्ला, लामा काला र सेता धर्से रौं र लामा नङग्रा सहितको बन्यजन्तु बस्ती नजिक आएपछि गाउँलेले समाएर वन कार्यालयमा बुझाएका छन् ।

भालु वालिङ नगरपालिका ११ तल्लो पेखु ओराले भन्ने बारीमा भेटिएको हो । घर नजिकैको बारीमा हिडीरहेको अवस्थामा देखेपछि स्थानीयले घरमा ल्याएर हेरेपछि बन कार्यालयमा खबर गरेका थिए । स्थानीयबासी सुरेश अर्यालले कार्यालयमा खवर गरेका हुन ।

अनौठो प्रजातिको बन्यजन्तु देखेपछि गाउँलेले समाएर घरमा ल्याएर दुध खुवाएर राखे । उसले दुध खायो, त्यसपछि कार्यालयमा खबर गरेका हुन । जुन स्थानमा भालु भेटिएको थियो, सोही स्थान नजिकैको पेखु सामुदायिक वनमा सोही दिनको साँझ सुरक्षित छाडिएको डिभिजन वन कार्यालय स्याङ्जाका प्रमुख कोमलराज काफ्लेले जानकारी दिए ।सुँगुरे भालु स्याङ्जामा पहिलो पटक देखिएको हो । प्रमुख काफ्लेले भने ‘नेपालमा पाईने एक प्रकारको जनावर हो । अहिले यो दुर्लभ मानिन्छ ।’

Related News

सम्बन्धित समाचार

hero news full width

trending post

ट्रेन्डिङ्ग