लेकसिटीका विद्यार्थीले घार्मीडाँडामा रोपे बिरुवा

आदर्श समाज सम्वाददाता
जेठ २३, २०८१
lccrc plantation

पोखरा । लेकसिटी कलेज एण्ड रिसर्च सेन्टर पोखराका विद्यार्थीले विश्व वातावरण दिवसको अवसर पारेर बुधबार वृक्षरोपण गरेका हुन् । सामाजिक कार्य र आमसञ्चार तथा पत्रकारिता विषयका विद्यार्थीको अग्रसरतामा पोखरा १९ घार्मीस्थित ओमकारेश्वर मन्दिर आसपासमा विभिन्न ५१ वटा बिरुवा रोपिएको हो । पोखरा १९ का वडाध्यक्ष पुष्पेन्द्र पाण्डेसँगको समन्वयमा स्थान छनोट गरी वृक्षरोपण गरिएको बिएएसडब्लु प्रथम वर्षका विद्यार्थी विज्ञानराज सुवेदीले बताए । उनका अनुसार पैयुँ, एभोकाडो लगायत घार्मीको भूगोलका लागि उपयुक्त बिरुवा रोपिएको छ । बिरुवा डिभिजन वन कार्यालय कास्कीले उपलब्ध गराएको हो ।

नागरिकको स्वास्थ्य पहिलो प्राथमिकता रहेको र त्यसका लागि स्वच्छ वातावरण आवश्यक रहेकाले वृक्षरोपण गरिएको हो । यसका लागि डिभिजन वन कार्यालयले बिरुवाहरु उपलब्ध गराएको थियो । वडाध्यक्ष पाण्डेले ज्याकारन्डाको बिरुवा रोपेर कार्यक्रमको सुरुआत गरे । कार्यक्रममा पाण्डेले विद्यार्थीहरु सामाजिक कार्यमा संलग्न हुनु निकै प्रसंशनीय रहेको भन्दै स्वदेशमै बसेर मातृभूमिको सेवा गर्न आग्रह गरे । उनले भने, युवाहरु पलायन हुनुभन्दा देशमै सम्भावना खोज्नुपर्छ, तपाईंहरु नै देशको मेरुदण्ड हो, युवाहरुले चाहे भने देश परिवर्तन सम्भव छ ।’ मुलुकभित्रै सम्भावना पहिचान गरी देश विकासमा टेवा पु¥याउन उनको आग्रह थियो ।

कार्यक्रममा क्याम्पस प्रमुख नारायण श्रेष्ठ, आमसञ्चार तथा पत्रकारिताका उपप्राध्यापक केशवशरण लामिछाने, बिएसडब्लुकी उपप्राध्यापक रोशिना कुँवरसहित पहिलो, दोस्रो तेस्रो वर्षका विद्यार्थीको सहभागिता थियो । क्याम्पस प्रमुख श्रेष्ठले घार्मीमा रोपिएका बिरुवाको नियमित संरक्षणका लागि विद्यार्थीलाई प्रेरित गरिने बताए । कलेजका विद्यार्थीहरुले विभिन्न दिवस र अवसर पारेर निरन्तर सामाजिक कार्य गर्दै आएका छन् । २ महिना पहिला विद्यार्थीहरुकै अग्रसरतामा भएको रक्तदानमा ५० युनिटभन्दा बढी रगत संकलन भएको थियो ।

Related News

सम्बन्धित समाचार

  • गुरुङ ब्युटीपार्लरमा मेहेन्दी मेला

    आदर्श समाज सम्वाददाता श्रावण १, २०८१
    पोखरा । गुरुङ ब्युटीपार्लर एवं एकेडेमी, पोखरामा मेहेन्दी मेला सुरु भएको छ । एकेडेमीको न्यूरोडस्थित प्रागंणमा साउनलक्षित मेला ३० असारदेखि…
  • न्यायपालिकाको पञ्चवर्षीय रणनीतिक योजना सार्वजनिक

    रासस श्रावण १, २०८१
    काठमाडौं । न्यायपालिकाको पाँचौं पञ्चवर्षीय रणनीतिक योजना (२०८१/८२–२०८५/८६) सार्वजनिक गरिएको छ । प्रधानन्यायाधीश विश्वम्भरप्रसाद श्रेष्ठले मंगलबार योजना सार्वजनिक गर्दै न्यायपालिका…
  • गण्डकीका संस्थापक मुख्यमन्त्री बने सञ्चारमन्त्री

    आदर्श समाज सम्वाददाता श्रावण १, २०८१
    पोखरा । ओली नेतृत्वको मन्त्रिमण्डलमा सोमबार सञ्चारमन्त्री नियुक्त पृथ्वीसुव्वा गुरुङ नेपालको संसदीय राजनीतिमा सम्भवतः सबैभन्दा बढी निर्वाचनमा उम्मेदवार बनेका राजनीतिज्ञ…
  • कास्कीकी विद्या शिक्षामन्त्री

    आदर्श समाज सम्वाददाता श्रावण १, २०८१
    तत्कालीन पर्यटन मन्त्री रवीन्द्र अधिकारीको २०७५ फागुनमा हेलिकोप्टर दुर्घटनामा निधन भएसँगै कास्की क्षेत्र २ रिक्त हुन गयो । २०७६ सालको…
  • प्रधानमन्त्रीसहित नवनियुक्त १९ मन्त्रीद्वारा शपथ ग्रहण   

    आदर्श समाज सम्वाददाता असार ३१, २०८१
    काठमाडौं । राष्ट्रपति रामचन्द्र पौडेलले नवनियुक्त प्रधानमन्त्री र १९ मन्त्रीलाई आज पद तथा गोपनीयताको शपथ गराउनुभएको छ । नवनियुक्त प्रधानमन्त्री…

hero news full width