पोखरा । विश्व वातावरण दिवस अवसरमा अन्नपूर्ण गाउँपालिका आयोजनामा वृक्षरोपण गरिएको छ ।

पालिका परिसर, सडक पेटी, वडा. २ र ३ को कार्यालय वरिपरि तथा ढिकुरपोखरी क्षेत्रमा अशोका, कल्की, ज्यागेण्डा, गुलमर, पारिजात, वेलपत्र, रुद्राक्ष लगायत केही अन्य फूलका जातका बिरुवा रोपिएको हो ।

साथै, केही बगैँचा गोडमेल गरिनुका साथै सरसफाइ पनि गरिएको पालिका अध्यक्ष विष्णुबहादुर केसीले बताए । कार्यक्रममा उपाध्यक्ष चन्द्रकला देवकोटा अधिकारी, प्रमुख प्रशासकीय अधिकृत विष्णुप्रसाद पोखरेल, वडाध्यक्ष लगायतका जनप्रतिनिधि एवं कर्मचारी, अन्नपूर्ण २ स्थित महिला सञ्जाल, स्थानीय आवाज आमा समूह, दलका प्रतिनिधि एवं पत्रकार खटिएका थिए ।

पालिकाले आगामी दिनमा सडकपेटी तथा पार्क निर्माण गर्ने प्रमुख प्रशासकीय अधिकृत पोखरेलले बताए ।