पोखरा । पोखरा र मुक्तक पर्याय हुन् । पोखरालाई मुक्तकको सहरका रुपमा चिनाउने काम भने पोखरेली युवा सांस्कृतिक परिवार (पोयुसाप) ले ग¥यो । मुक्तकको सहर भनेर चिनिएको पोखरामा ३० को दशकबाट साहित्यिक गतिविधिले तीव्रता पायो । पोयुसापले २०३५ माघ २० मा पोखरामा पहिलो पटक टिकटमा मुक्तक आयोजना ग¥यो । हरिभक्त कटुवाललाई प्रमुख अतिथि बनाएर गरिएको कार्यक्रमको छाप पछिसम्म पनि परिरह्यो । माधव घिमिरे, तुलसी दिवसहरुलाई बोलाएर बर्सेनि यस्तो कार्यक्रम भइरहे । जसले मुक्तक लेख्नेहरुलाई हौस्यायो । पोयुसापले माघ २० लाई टिकटमा मुक्तक दिवसकै रुपमा स्थापित गरेको छ । ४५ वर्षअघिको दिनलाई स्मरण गर्दै पोयुसापले शनिबार ऐतिहासिक कार्यक्रम ग¥यो ।
पोखरा उद्योग वाणिज्य संघको खचाखच भरिएको प्रेक्षालयमा २९ जनाले गहकिला मुक्तक सुनाए । गैह्रापाटनको त्यही ठाउँमा ४५ वर्षअघि पोयुसापले पहिलो कार्यक्रम गरेको थियो । फरक त्यही हो, त्यतिबेला अहिलेको भवन थिएन । मञ्च बनाएर कार्यक्रम गरिएको थियो ।
युवादेखि अग्रजपुस्ताको उपस्थितिमा रहे पनि मुक्तकमा रमाइलो गर्नेमा युवाहरु नै अगाडि थिए । हुटिङ गर्नेदेखि वान्समोर भन्नेमा युवाकै आवाज सुनिन्थ्यो । मायापिरतिका कुरा मात्र हैन, रुस युक्रेन युद्ध अनि राजनीतिभित्रको विदू्रप रुपका बारेका मुक्तक कार्यक्रममा सुनिए । अमृता पोखरेलको दोस्रो गजलबाट सुरु भएको हुटिङ रामकाजी कोनेका २ वटा मुक्तकमा ‘वान्समोर’ को माग आयो । १ जना मुक्तककारलाई ३ वटा मुक्तक वाचन गर्न दिइएको थियो ।
३५ सालको कार्यक्रममा समेत सहभागी सरुभक्त, बुँद राना, उषा श्रेष्ठ, विश्वविमोहन श्रेष्ठले शनिबार पनि मुक्तक सुनाए । तीर्थ श्रेष्ठ स्वास्थ्यका कारण कार्यक्रममा सहभागी भएनन् । भैरहवाका रुद्र ज्ञवाली, रमेश श्रेष्ठ, सरस्वती प्रतीक्षा, डा. ईश्वरमणि अधिकारी, दीपक समीम, सुरेश रानाभाट, सरस्वती श्रेष्ठ सरु, मन क्षत्रीले मुक्तक सुनाए । यसैगरी, लक्ष्मण थापा, गौरी तमु, शिव त्रिपाठी, डा. भूमिराज बस्ताकोटी, जीवनसागर भण्डारी, सरला लामिछाने ‘सरु’ का चतुष्पदीय शैलीका मुक्तकमा दर्शक रमाए । प्राञ्जल, कपिल शर्मा, रुपिन्द्र प्रभावी ‘कटु’, सावित्री गिरी, कृष्ण सुवेदी, रामजीप्रसाद आचार्य, अमृत सुवेदी, सञ्जीव पौडेल र श्रीराम अधिकारीले मुक्तक वाचनका लागि मञ्च पाए ।
पोखरा महानगरपालिकाका मेयर धनराज आचार्यले भूपीको मुक्तक वाचन गरी कार्यक्रमको दैलो उघारे । भाषण नराखिएको कार्यक्रमबीच सरुभक्तलाई एक राष्ट्रिय पुरस्कार प्रदान गरियो । राष्ट्रिय मुक्तक प्रतिष्ठानले मुक्तक दिवसका अवसरमा प्रदान गरेको ५१ हजार राशिको पुरस्कार मेयर आचार्यले सरुभक्तलाई हस्तान्तरण गरे । पुरस्कार हस्तान्तरणका लागि माघ १८ गते काठमाडौंमा कार्यक्रम राखिएको भए पनि सरुभक्त जान पाएका थिएनन् । प्रतिष्ठान अध्यक्ष रामकाजी कोने सरुभक्तककै सहरमा आएर सम्मान गर्न पाउँदा खुसी लागेको बताए ।
पोखरेली युवा सांस्कृतिक परिवार आफ्नो स्थापनाकालदेखि नै साहित्य, कला र संगीतको उन्नयन, विकास र सम्वद्र्धनमा निरन्तर रूपले क्रियाशील रहँदै आएको नाफारहित संस्था हो । अध्यक्ष उपेन्द्र पौडेलका अनुसार पोयुसापले टिकटमा मुक्तक कार्यक्रम, सामूहिक साहित्य जयन्ती, तत्स्थानीय चित्रांकन कार्यक्रम, समता काव्य सन्ध्या, समता सांगीतिक कार्यक्रम, समता कला कार्यशाला, पुस्तक प्रकाशन लगायतका विभिन्न कार्यक्रम गर्दै आएको छ । शिरोमणि पुरस्कार, ललितकला पुरस्कार, सोम बज्राचार्य स्मृति संगीत पुरस्कार, अम्बर गुरुङ स्मृति पुरस्कारको स्थापना र सञ्चालन पनि गर्दै आएको छ ।
टिकटमा मुक्तक कार्यक्रम संस्थाको सर्वाधिक लोकप्रिय र ऐतिहासिक कार्यक्रम हो । २०३८ सालमा स्रोताको माग बमोजिम टिकटमा मुक्तक कार्यक्रम लगातार दुई दिनसम्म गरिएको स्मरण गर्छन्, सरुभक्त । अध्यक्ष पौडेल भन्छन्, ‘अहिले विश्वव्यापी रूपमा मुक्तक लेखन र सशुल्क कविता कार्यक्रममा जुन गति आएको छ, त्यसको पृष्ठभूमिमा टिकटमा मुक्तक कार्यक्रमको ठोस योगदान छ ।’
अभिव्यक्ति स्वतन्त्रता नभएको शासनकालभरि निडर र सफलतापूर्वक नियमितरूपले सञ्चालन भएको टिकटमा मुक्तक कार्यक्रमले देश र समाजमा अभिव्यक्ति स्वतन्त्रताको पक्षमा जनमत सिर्जना गरेको थियो । २०३५ सालमा २ रुपैयाँको टिकटबाट सुरु गरिएको कार्यक्रम अहिलेसम्म आइपुग्दा नेपाली साहित्यमा गौरवमय इतिहास नै बनाइसकेको दाबी छ, पोयुसाप उपाध्यक्ष रीता अधिकारीको । उनले भनिन्, ‘पञ्चायती शासनकालभरि नियमित र पछि पनि अनियमित रूपले सञ्चालित यस ऐतिहासिक कार्यक्रमलाई स्मरण गर्न र सम्मान गर्न यस संस्थाले पहिलोपल्ट टिकटमा मुक्तक कार्यक्रम भएकै दिन फेरि एक नयाँ शृंखला जोडेका हौं ।’
Related News
सम्बन्धित समाचार
सरकारको आगामी आर्थिक वर्ष २०८०/८१ को नीति तथा कार्यक्रम (पूर्णपाठ)
राष्ट्रपतिबाट सरकारको नीति तथा कार्यक्रम प्रस्तुत
लोकतान्त्रिक आन्दोलनका जिउँदा सहिद खगेन्द्र सर
वर्ष दिन नपुग्दै सरुवा भए गण्डकीका अर्थसचिव रिज्याल, पुरुषोत्तम शर्मा आउने
मन्त्रीपरिषदबाट १६ औँ पञ्चवर्षीय योजना पारित
hero news full width
मुख्य समाचार
गर्मीले भकाभक कुखुरा मर्दा मासु अचाक्ली महँगो
कांग्रेस नेता खगेन्द्रराज रेग्मीको निधन
जेठ १, २०८१पहिले छाती नाप्न गल्ला आउँथे, अहिले एजेन्ट
वैशाख ३१, २०८१जग्गाधनीले रोके रुपाताल परियोजनाको काम
वैशाख ३०, २०८१चेक बाउन्सको समस्याले व्यवसायी र प्रहरीलाई हैरान
वैशाख ३०, २०८१मातहतका कार्यालयको दैनिक प्रगति पेस गर्न मुख्यमन्त्री अधिकारीको निर्देशन
वैशाख ३०, २०८१