पोखरा । कृषि विकास बैंक गण्डकी प्रदेश पोखराको ५७ औं वार्षिकोत्सव तथा कर्मचारी पुनर्मिलन कार्यक्रम सम्पन्न भएको छ । पोखरा ९ का अध्यक्ष दीपेन्द्र मर्सानीनले कार्यक्रम उद्घाटन गर्दै बैंकले प्रविधिसँगै सुविधामा परिवर्तन भएको देख्दा खुसी लागेको बताए ।

बैंकका पूर्व प्रमुख हरिप्रसाद पराजुली, सेयर सदस्य, ग्राहक सबैको साथ लिएर काम गर्दा बैंकको पनि प्रगति हुने बताए । पूर्व शाखा प्रमुख कर्ण बसेलले पूर्व कर्मचारीको पनि बिमा गर्नुपर्ने बताए ।

कार्यक्रममा पूर्व निर्देशक ज्ञानप्रसाद अर्याल, शाखा प्रमुखका तर्फबाट बगर शाखाका भीमप्रसाद सुवेदी, कर्मचारी युनियन गण्डकी प्रदेश अध्यक्ष सोमबहादुर गुरुङ, नेपाल राष्ट्रिय कर्मचारी संगठन गण्डकीका अध्यक्ष शालिकराम पौडेल, कर्मचारी संघ गण्डकीका अध्यक्ष सन्तोष थापा, नेपाल वित्तीय संस्था कर्मचारी संघ गण्डकीका अध्यक्ष राजेन्द्र सुवेदीलगायतले शुभकामना मन्तव्य राखेका थिए ।

कृषि विकास बैंक गण्डकीका प्रमुख तथा निर्देशक घनेन्द्र अधिकारीको अध्यक्षतामा भएको कार्यक्रम वरिष्ठ शाखा प्रमुख महेश पौडेलले स्वागत र वरिष्ठ शाखा प्रमुख मोतिप्रसाद पौडेलले सञ्चालन गरेका थिए । निर्देशक अधिकारीले बैंकले आगामी दिनमा अझ सेवा सुविधालाई वृद्धि गर्दै लाने र ग्राहकहरुको कामलाई विशेष प्राथमिकता दिएर काम गर्ने बताए ।