सानिमाको १ सय ३१ औं शाखा स्याङ्जामा

आदर्श समाज सम्वाददाता
मंसिर १४, २०८०
sanima

पोखरा । स्याङ्जाको सदरमुकाममा सानिमा बैंकले आफ्नो नयाँ शाखा विस्तार गरेको छ । स्याङ्जाको पुतलीबजार नगरपालिका– १ स्थित बैंकरोडमा बैंकले आफ्नो १ सय ३३ औं शाखा विस्तार गरी बैंकिङ सेवा दिन सुरु गरेको हो ।

वरिष्ठ कलाकार मदनकृष्ण श्रेष्ठ, बैंकका सञ्चालक रमेशकुमार पोखरेल र प्रमुख कार्यकारी अधिकृत निश्चलराज पाण्डेले संयुक्त रुपमा बुधबार पुतलीबजार शाखाको उदघाटन गरेका थिए । समारोहमा वरिष्ठ कलाकार श्रेष्ठले बैंकले थप एक नयाँ शाखा विस्तार गरी बैंकिङ सेवाको सुरु गर्दै स्याङ्जाबासीलाई सेवा सुविधा प्रवाह गरेकोमा सफलताको शुभकामना व्यक्त गरेका थिए ।

उनले हरिवंश आचार्य आज विशेष कारणले उपस्थित हुन नसकेतापनि उनी साथमै भएको अनुभूति गर्दै आफूहरूको ४३ औं वर्षको सहयात्रालाई स्मरण गरेका थिए ।

सानिमा बैंकका प्रमुख कार्यकारी अधिकृत निश्चलराज पाण्डेले बैंकका ग्राहक साथै सरोकारवाला सम्पूर्णलाई साथ, सहयोग तथा सद्भावका लागि उक्त समारोहमा कृतज्ञता व्यक्त गरे ।

Related News

सम्बन्धित समाचार

hero news full width