पोखरा । पोखरा–१७ महतगौंडास्थित भण्डारी परिवारमा शोक परेको छ । समाजसेवी नारायणी भण्डारीको ८९ वर्षको उमेरमा शुक्रबार बिहान निधन भयो ।

उनको सीतापाइला घाटमा शुक्रबार नै दाहसंस्कार भएको छ । भण्डारीका ५ छोरा, ३ छोरी तथा नातिनातिना, पनातिपनातिनीहरू छन् ।

जेठा छोरा सूर्यराज भण्डारी राप्रपाका नेता, माहिला छोरा श्यामप्रसाद भण्डारी नेपाली कांग्रेस गण्डकी प्रदेश सदस्य हुन् ।

साइँला डा. पुष्पराज शर्मा त्रिभुवन विश्वविद्यालयका प्राध्यापक र काइँला छोरा ऋषिराम शर्मा मनकामना पुस्तक पसलका प्रोपाइटर र कान्छा दीपकराज भण्डारी नेपाली कांग्रेसका क्रियाशील सदस्य रहेका छन् ।