सामुदायिक वन उपभोक्ता महासंघ रुपा गाउँपालिमा तिलबहादुर खड्का

आदर्श समाज सम्वाददाता
चैत्र १७, २०७९
fecorun news 17 rupaf

पोखरा । सामुदायिक वन उपभोक्ता महासंघ (फेकोफन) नेपाल रुपा गाउँपालिको दोस्रो अधिवेशनले तिलबहादुर खड्काको अध्यक्षतामा १४ सदस्य नयाँ कार्य समिति सर्वसम्मत चयन गरेको छ ।

समितिको उपाध्यक्षमा गोपिनाथ सुवेदी, सचिव देवी सुवेदी न्यौपाने, कोषाध्यक्ष वन्दना पोख्रेल चयन भए । सदस्यहरूमा प्रज्वल शर्मा, सोम सुनारी, वद्री ओझा, सिर्जना ओझा, पवित्रा पुरी, रामराज घिमिरे, राजमी दर्जी, मोनिमाया गुरुङ, पूर्णिमा गुरुङ र सीतादेवी पौडेल निर्वाचित हुनु भएको छ ।

जिल्ला अधिवेशन प्रतिनिधि अप्सरा पंगेनी, विमना खनाल, शिवदेवी भुजेल, आरती भुजेल, बुद्धिबहादुर घिमिरे, तीर्थराज पौडेल, प्रेमबहादुर गुरुङ र यदुराज सिं र प्रदेश प्रतिनिधिमा पवित्रा गौली, सरिता कुमाल, विन्दु मल्ल, देवी खड्का, कालिदास सुवेदी, लालबहादुर विक, अमृतबहादुर आचार्य र सवाबक्स मिया छनोट भएका छन् ।

गाउँपालिका महासंघ गण्डकी प्रदेशका अध्यक्ष एवं रुपा गाउँपालिका अध्यक्ष नवराज ओझाले अधिवेशन उद्घाटन गर्दै वनको संरक्षण, प्रवद्र्धन र उपयोग गर्दै आएका सामुदायिक वन समूह स्थानीय तहमा आवद्ध हुने नीति आवश्यक भएको बताए ।

गाउँपालिकाले वन समूहलाई गरेको आर्थिक सहयोग कार्ययोजनाको कारण कार्यान्वयन हुन नसकेको उल्लेख गर्दै उनले प्राकृतिक स्रोतको व्यवस्थापन स्थानीय तहबाटै गरिनुपर्ने आवश्यकता औंल्याए ।

बाँदर आतंकले खेती नोक्नासमात्र होइन बस्ती नै खाली हुने अवस्थामा पुगेको बताए । उनले भने,‘उनले इकोसिस्टमलाई आवश्यकभन्दा बढी वन्यजन्तुको उपयुक्त व्यवस्थापन गर्नुको विकल्प छैन ।’

सामुदायिक वन उपभोक्ता महासंघ नेपाल केन्द्रीय सदस्य एवं जिल्ला समन्वय समिति कास्कीका उपप्रमुख सरिता कुमालले महिला नेतृत्व विकासमा वन समूहको महŒवपूर्ण भूमिका रहेको उल्लेख गरे ।

महासंघ केन्द्रीय सदस्य एवं प्रचार विभाग प्रमुख हरि बास्तोलाले प्राकृतिक स्रोतबाट समृद्धि प्राप्त गर्न वन नीति बाधक रहेको उल्लेख गरे ।
गण्डकी प्रदेशका अध्यक्ष कालिदास सुवेदीले मुलुकलाई विश्वसामु परिचित गराउन सफल सामुदायिक वनको माध्यमबाट हरित रोजगार सिर्जना गर्दै समृद्धिको अभियानमा जोडिनुपर्ने आवश्यकता औंल्याए ।

रुपमा गाउँपालिका महासंघका अध्यक्ष बुद्धिबहादुर घिमिरेको अध्यक्षतामा भएको कार्यक्रममा जिल्ला महासंघ कास्कीका अध्यक्ष विश्वनाथ लामिछाने, रुपमा ७ का वडाअध्यक्ष कृष्ण सुवेदी, गाउँ महासंघ सदस्य विमला खनाललगायतले वन्यजन्तु व्यवस्थापनमा सम्बन्धित निकाय सचेत हुनुपर्नेमा जोड दिए ।

Related News

सम्बन्धित समाचार

  • अनुपम म्युजिकद्वारा १० हजारभन्दा बढीलाई तालिम

    आदर्श समाज सम्वाददाता असार १, २०८१
    पोखरा । अनुपम म्यूजिक पोखराले २०२ औं शृङ्खलाको उद्घोषण तथा भाषणकला तालिम सम्पन्न गरेको छ । शनिबार पोखरामा आयोजित समापन…
  • शिशु कल्याण र डेभिडफल क्लबद्वारा वातावरण सचेतना कार्यक्रम

    आदर्श समाज सम्वाददाता जेठ २३, २०८१
    पोखरा । शिशु कल्याण इङ्लिस स्कुल र डेभिडफल क्लब संयुक्त आयोजनामा वृक्षरोपण, सरसफाइ एवं जनचेतनामूलक कार्यक्रम भयो । विश्व वातावरण…
  • प्रहरी प्रवक्तामा डिआइजी कार्की

    आदर्श समाज सम्वाददाता जेठ २१, २०८१
    पोखरा । नेपाल प्रहरीको केन्द्रीय प्रहरी प्रवक्ता तथा सूचना अधिकारीमा प्रहरी नायव महानिरीक्षक दानबहादुर कार्की नियुक्त भएका छन्। नेपाल प्रहरीद्वारा…
  • रिमाल समाज गण्डकीमा गोकुल

    आदर्श समाज सम्वाददाता जेठ २०, २०८१
    पोखरा । रिमाल समाज गण्डकीको अध्यक्षमा गोकुल रिमाल निर्वाचित भएका छन् । पोखरामा भएको दोस्रो साधारण सभा तथा दोस्रो अधिवेशनले…
  • अन्नपूर्णको नीति कार्यक्रमका लागि सुझाव

    आदर्श समाज सम्वाददाता जेठ २०, २०८१
    पोखरा। अन्नपूर्ण गाउँपालिकाले आगामी वर्षको नीति कार्यक्रमका लागि राय, सुझाव संकलनलाई तीव्रता दिएको छ । आइतवार गाउँपालिका क्षेत्रका पत्रकार, कलाकार…

hero news full width