पोखरा । बेस्ट फाइनान्स कम्पनी लि.को २५ औं वार्षिक साधारणसभा शुक्रबार सम्पन्न भएको छ । संस्थाका संचालक समितिका अध्यक्ष खिमलाल पौडेलको अध्यक्षतामा बसेको सभाले
आव २०७७/०७८ को संचालक समितिको प्रतिवेदन तथा वार्षिक वित्तीय विवरण पारित गरेको छ । साथै आव २०७८÷२०७९ का लागि लेखापरिक्षकको नियुक्तिको प्रस्ताव समेत पारित गरेको छ ।
सभामा सेयरधनीले राखेका प्रश्न एवं जिज्ञासाको जवाफ संस्थाका अध्यक्ष खिमलाल पौडेलले दिएका थिए । संस्थाको भावी योजना सम्बन्धमा प्रमुख कार्यकारी अधिकृत उमेशसिंह भण्डारीले प्रकाश पारेका थिए ।
कार्यक्रममा संस्थाका मुख्य लगानीकतार्, एनआरएनका सचिव राजेन्द्र कुमार शर्मा, एशिया प्यासिफिक क्षेत्रका संयोजक रोविन्दप्रसाद श्रेष्ठ (गोविन्द)ले बोलेका थिए । कार्यक्रम संस्थाका कम्पनी सचिव राजसुन्दर श्रेष्ठले संचालन गरेका थिए ।
नारायणगढको सहिदचोकमा १५औं शाखा विस्तार गरेको सो फाइनान्सले निकट भविष्यमा बाग्लुङको गलकोट, प्रदेश २ को वीरगञ्ज तथा प्रदेश १ को इटहरी सहित अन्य जिल्लामा शाखा कार्यालय खोल्ने योजना रहेकोे बताइएको छ ।
कम्पनीले पछिल्लो वर्षमा उल्लेख्य वित्तीय विवरण सुधार गर्दै आफनो ग्राहकवर्गलाई उच्चतम प्रविधिका साथ सेवा उपलब्ध गराउँदै आएको छ । घरमै बसी अनलाइनमार्फत सहज तथा सरल तवरले खाता सञ्चालनको नयाँ सुविधासमेत संस्थाले हालसालै संचालनमा ल्याएको प्रमुख कार्यकारी अधिकृत उमेशसिंह भण्डारीले बताए ।