पूर्वी नवलपरासीको बुलिङटार गाउँपालिका वडा ४ का वडाध्यक्ष चेतबहादुर गोदामीका छोरा तुलाराज गोदामी श्रीमती हत्या आरोपमा पक्राउ परेका छन्।
जिल्ला प्रहरी कार्यालय नवलपरासी बर्दघाट सुस्ता पूर्वले उनलाई हत्या आरोपमा नियन्त्रणमा लिएर अनुसन्धान थालेको छ।
मृतक महिला बुलिङटार ४ निवासी १८ वर्षीया गोमति गोदामीमगरका आफन्तले मंगलबार कावासोतीमा पत्रकार सम्मेलन गर्दै गोमतीको हत्या भएको दाबी गरेका छन्।
गोमतीका बुबा गिरनबहादुर जर्गाहा मगरले आफ्नी छोरीको हत्या भए पनि राजनीतिक आडमा घटना लुकाउन खोजिएको दाबी गरे। उनले आफ्नी छोरीलाई ज्वाइँ तुलाराज गोदामी मगरले हत्या गरेको आरोप लगाए।
घटना २०७५ जेठ २० गतेको भए पनि घटना लुकाई आत्महत्याको रुपमा पुष्टि गर्न खोजिएको र पछि आफूहरु उच्च अदालत पोखरा गएर मुद्दा हालेपछि अदालतको आदेशमा मंसिर ८मा मृतकका श्रीमान्लाई पक्राउ गरिएको थियो।
प्रहरी नायव उपरीक्षक अर्जुन रानाभाटले अदालतको आदेश अनुसार मृतकका श्रीमान्लाई नियन्त्रणमा लिई म्याद थप गरी घटना अनुसन्धान गरिरहेको बताए।
मृतकका बुवा गिरनले छोरीलाई कुटपिट गरी हत्या गरिएको तर आफूहरुलाई भने झुण्डिएर आत्महत्या गरेको भनी वडाध्यक्ष र उनका परिवारले घटना लुकाएको आरोप लगाए।
जिल्ला अस्पताल भरतपुर चितवनले पोष्टमार्टम रिपोर्टमा झुण्डिएर आत्महत्या गरेको रिपोर्ट दिएपनि रिपोर्ट गलत भएको र त्यसमा पनि जालसाजी गरिएको मृतकका आफन्तले आरोप लगाएका छन्।
मृतकका आफन्तले नवलपुर प्रहरीमा पटक/पटक किटानी जाहेरी दिएकोमा अनुसन्धान अगाडि नबढाएपछि आफूहरु बाध्य भए उच्च अदालत गएको जनाए।
मृतकको शरीरमा नीलडाम रहेको र झुण्डिएको भनिएको स्थानमा आफूहरुलाई घटनाको जानकारी नगराइएको लगायत कारण घटना आत्महत्या नभई हत्या भएको उनीहरुको दाबी छ।
Related News
सम्बन्धित समाचार
डिजल चोर्ने पक्राउ
पाेखरामा सुकु हत्याकाण्ड, बागलुङका सञ्जय बिक ८ महिनापछि पक्राउ
पोखरामा जुवातास खेल्ने १० जना पक्राउ
बस ठक्करले पाेखरामा एक महिलाकाे मृत्यु
प्राइम सहकारी ठगी प्रकरणमा अधिवक्ता इन्द्र बराल १२ लाख धरौटीमा रिहा
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१