पोखरा । पार्किङमा राखेको ट्रकको डिजेल चोरी गरेको आरोपमा कास्की प्रहरीले २ जनालाई पक्राउ गरेको छ ।

गएराति पोखराको पस्र्याङमा पार्किङमा राखेको बा०१००६ख३८४० नं. को ट्रकको डिजल ट्यांकी चोरी गरेको आरोपमा उनीहरु पक्राउ परेका हुन् ।

पक्राउ पर्नेमा पोखरा २, फिर्केपुलका १९ वर्षीय रोहित नेपाली र बागलुङ बसपार्कका ४८ वर्षीय जीवन श्रेष्ठ हुन् । प्रहरी अनुसन्धानमा रोहितले ३ वटा पानीको जारमा ६० लिटर डिजेल चोरी गरी ग१ख ७१०२ नंको बसधनी जीवनलाई ४ हजारमा बेचेको पाइएको छ । उनीहरुलाई चोरी तथा डाँकासम्बन्धी मुद्दामा ७ दिनको म्याद थप गरी अनुसन्धान प्रक्रिया बढाइएको कास्की प्रहरीले जनायो ।