प्रदेश ५ र सुदूरपश्चिमले अंक बाँडे : प्रधानमन्त्री कप क्रिकेट

एजेन्सी
जेठ १७, २०७६

प्रधानमन्त्री कप एकदिवसीय क्रिकेट प्रतियोगितामा वर्षाले खेल प्रभावित हुँदा सुदूरपश्चिम र प्रदेश ५ ले अंक बाँडेका छन्।

कीर्तिपुरस्थित त्रिवि क्रिकेट मैदानमा सुदूरपश्चिमले दिएको १ सय ८९ रनको लक्ष्य पछ्याएको प्रदेश ५ ले १९ ओभरमा ४ विकेटको क्षतिमा ५६ रन बनाएर खेल्दा पानी परेको थियो। त्यसपछि खेल नसक्दा दुवै टिमले अंक बाँडे।

प्रदेश ५ का लागि सुभेन्दु पाण्डेले सबैभन्दा बढी २९ रन जोडेका थिए। अन्य ब्याट्सम्यान दोहोरो अंकमा रन जोडन नपाई आउट भएका थिए। सौरभ खनाल ४ रन र सुरज दराल ८ रन बनाएर खेलिरहेका थिए।

बलिङमा सुदूरपश्चिमका विनोद लामाले २ विकेट लिए। त्यसअघि टस जितेर पहिले ब्याटिङ गरेको सुदूरपश्चिम १ बल खेल्न बाँकी छदाँ १ सय ८८ रनमा अलआउट भयो।

सुदूरपश्चिमका लागि खडक बोहोराले ६२ रन र नरेश बोहराले ३१ रन जोडे। बलिङमा प्रदेश ५ का कृष्ण कार्की र सिद्धान्त शाहीले २–२ विकेट लिए।

समूह ‘ए’ मा रहेका दुवै टिमले समान १ अंक जोडेका छन्। शीर्षस्थानको प्रदेश ३ को ४ अंक र दोस्रो स्थानको एपीएफको पनि समान ४ अंक छ।

Related News

सम्बन्धित समाचार

hero news full width