बेलबोटको उपाधि टी गाइज् हेमजालाई

आदर्श समाज सम्वाददाता
वैशाख २, २०७६

पोखरा, १ बैशाख। बेलबोट युवा क्लब पोखरा – १५ द्वारा आयोजित यु –२३ सेभन ए साइड बेलबोट कप फुटबल प्रतियोगिताको उपाधि टि गाईज् हेमजाले हात पारेको छ।

आइतबारको फाईनल खेलमा स्यानीपाटन एफसीलाई २–० ले हराउँदै टि गाईज् हेमजाले उपाधि हात पारेको हो। उपाधिसँगै टि गाईज्ले नगद ४० हजार सहित ट्रफि जितेको छ। उपबिजेता स्यानीपाटन एफसीले नगद २५ हजार सहित ट्रफि प्राप्त गरेको छ। फाईनल खेलमा टि गाईज् हेमजाका लागि समिर कार्की र विश्वास कार्कीले एक /एक गोल गरेका थिए।

प्रतियोगितामा टि गाईज् हेमजाका सन्देश दाहाल बेष्ट प्लेयर, स्यानीपाटन एफसीका महेन्द्र थापा बेष्ट किपर, नयाँगाउँ युथ क्लबका सोम थिङ हाई स्कोरर र आदर्श मार्ग फेयर टिम घोषित भए। ती समूहलाई नगद एक हजार पाँच सय/एक हजार पाँच सय सहित ट्रफि प्रदान गरिएको थियो।

कार्यक्रमका प्रमुख अतिथि गण्डकी प्रदेशसभा सदस्य बिन्दु थापा, पोखरा महानगरपालिका वडा नं १५ का अध्यक्ष प्रकाश पौडेल, जिल्ला समन्वय समिति कास्कीका सदस्य तोरणबहादुर बाँनिया, नेपाल प्रेस युनियन कास्कीका अध्यक्ष नवीन सिग्देल, थ्रि एञ्जल्स रेडियोका स्टेशन म्यानेजर गणेश श्रेष्ठले पुरस्कार तथा प्रमाणपत्र वितरण गरेका थिए। चैत २७ गतेदेखि शुरु भएको प्रतियोगितामा ४७ टिमको सहभागिता थियो। प्रतियोगिताको संयोजन संजय गुरुङले गरेका थिए। कार्यक्रममा गण्डकी प्रदेशसभा सदस्य बिन्दु थापाले खेलकुदले स्वास्थ्यसँगै आपसी सद्भाव विकासमा समेत योगदान दिने बताए। उनले खेलको माध्यमबाट मुलुकले गौरव समेत गर्न सक्ने उल्लेख गरे।

बेलबोट युवा क्लबका अध्यक्ष सरोज पराजुलीको अध्यक्षतामा भएको कार्यक्रम सचिव किरण लम्सालले संचालन गरेका थिए।

Related News

सम्बन्धित समाचार

  • यु–२० चेसमा १०५ खेलाडी

    आदर्श समाज सम्वाददाता श्रावण ४, २०८१
    पोखरा । हिमालयन फ्रेन्ड्स चाइल्ड क्लब आयोजनामा शुक्रबारदेखि यु–२० चेस प्रतियोगिता सुरु भएको छ । प्रतियोगिताको गण्डकी प्रदेशका पूर्व मन्त्री…
  • सेभेन ए साइड फुटबल जारी

    आदर्श समाज सम्वाददाता श्रावण ४, २०८१
    लमजुङ । ११ औं विष्णु एन्ड मञ्जा गुरुङ रनिङ सिल्ड सेभेन ए साइड फुटबल प्रतियोगिताको पहिलो चरणका हालसम्म ८ खेल…
  • पोखरामा यु–२० चेस प्रतियोगिता हुने

    आदर्श समाज सम्वाददाता श्रावण ३, २०८१
    पोखरा । हिमालयन फ्रेन्ड्स चाइल्ड क्लब आयोजनामा पोखरामा यही ४–५ साउनमा यु–२० चेस प्रतियोगिता हुने भएको छ । अन्तर्राष्ट्रिय बुद्धिचाल…
  • इङ्ल्यान्ड र स्पेन युरो कप उपाधिका लागि भिड्ने

    आदर्श समाज सम्वाददाता असार २७, २०८१
    पोखरा । युरो कप उपाधिका लागि अन्ततः इङ्ल्यान्ड र स्पेन प्रतिस्पर्धा गर्ने भएका छन् । नेदरल्याण्डलाई २–१ गोलअन्तरले हराउँदै इङ्ल्यान्डले…
  • १० औं राष्ट्रिय खेलकुदमा प्याराग्लाइडिङ छुट्यो

    आदर्श समाज सम्वाददाता असार २७, २०८१
    काठमाडौं, २७ असार । राष्ट्रिय खेलकुद परिषद् (राखेप) का सदस्यसचिव टंकलाल घिसिङले कर्णाली प्रदेशमा हुने १० औं राष्ट्रिय खेलकुदमा ३५…

hero news full width