पोखरा, ११ चैत । स्व. रोटरीयन कृष्ण थापाको स्मृतिमा रोट्रयाक्ट क्लव अफ पोखरा मिडटाउनद्वारा आयोजित फुटसल प्रतियोगिता सम्पन्न भएको छ ।

रोटरी, रोट्रयाक्ट र ईनरह्विल क्लवहरु बीचको भातृत्व बिकास गर्ने हेतुले सञ्चालन गरिएको यो प्रतियोगितामा रोट्रयाक्ट पुरुष तर्फ रोट्रयाक्ट क्लब  हेम्जा बिजयी भएको छ, भने दोस्रो स्थान रोट्रयाक्ट क्लब अफ पोखरा लेकसाइडले हासिल गरेको छ । त्यसैगरी रोट्रयाक्ट महिला तर्फ रोट्रयाक्ट क्लब अफ पोखरा मिडटाउनले प्रथम स्थान एबम रोट्रयाक्ट क्लब अफ पोखरा फिसटेलले दोस्रो स्थान हासिल गरेको छ ।

रोटरी तर्फ रोटरी क्लब अफ पोखरा लेकसाइड बिजयी भएको थियो भने रोटरी क्लब अफ पोखरा मिडटाउनले दोस्रो स्थान प्राप्त गर्न सफल भएको थियो । रोटरी डिस्ट्रिक ३२९२ नेपाल भुटान रिजन ४ का रिजनल कमिटी चेयर रोटरीयन रबि प्रसाद बरालको प्रमुख आतिथ्यतामा सम्पन्न प्रतियोगितामा रोट्रयाक्ट पुरुषतर्फ रोट्रयाक्ट क्लब अफ हेम्जाका रो. सुनिल तामाङले उत्कृष्ट खेलाडीको उपाधि हासिल गर्न सफल भएका थिए । त्यस्तै रोटरी तर्फ उत्कृष्ट खेलाडी रोटरी क्लब अफ पोखरा लेकसाइडका कप्तान रो. हुम आलेले हासील गरे भने रोट्रयाक्ट महिलातर्फ उत्कृष्ट खेलाडी रोट्रयाक्ट क्लब अफ पोखरा मिडटाउनबाट रो. रुबिना कुँवर भएकी छिन ।

रोट्रयाक्ट क्लब अफ पोखरा मिडटाउनको आयोजना र रोट्रयाक्ट क्लब अफ पोखरा एबम रोट्रयाक्ट क्लब अफ मणिपालको सह–आयोजनामा सम्पन्न उक्त प्रतियोगितामा रोट्रयाक्ट पुरुषको बिजेता समुहले नगद पन्ध्र हजार पाँच सय पचपन्न, शिल्ड, मेडल र प्रमाण पत्र प्राप्त गरेका थिए । त्यस्तै उप बिजेताले नगद रुएघार हजार एक सय एघार ,शिल्ड, मेडल र प्रमाण पत्र हासिल गरेको थियो । त्यस्तै रोट्रयाक्ट महिला तर्फ बिजेताले नगद रु.एघार हजार एक सय एघार,शिल्ड, मेडल र प्रमाण पत्र प्राप्त गरे र रोटरी बिजयी समुहले नगद पन्ध्र हजार पाँच सय पचपन्न,शिल्ड, मेडल र प्रमाण पत्र हासिल गरेका थिए ।

कार्यक्रमको समापन समारोहमा बोल्दै अध्यक्ष रो. अच्युत पौडेलले आयोजक क्लब र सह आयोजक क्लबका सम्पूर्णलाई धन्यवाद ज्ञापन गरेका थिए । रोट्रयाक्ट पुरुषको ११ समुह , रोट्रयाक्ट महिलाको ५ समुह र रोटरीको ६ समुहको सहभागिता रहेको उक्त प्रतियोगितामा रोट्रयाक्ट डिस्ट्रिक ३२९२ नेपाल भुटानका एसिस्टेन्ट डिस्ट्रिक प्रतिनिधि रो. संजीव पौडेल र जोन ४ का जोनल रोट्रयाक्ट प्रतिनिधि रो. सुबास मल्लको बिशेष उपस्थिति रहेको थियो भने कार्यक्रमको संचालन जोन ४ का सचिब रो. प्रवेश गौतमले गरेका थिए ।