पोखरा, ६ फागुन । पर्यटन बर्ष सन् २०२० लाई लक्षितगरी पोखरामा ट्रेकिङ्ग पोटर गाईडलाई ६१ घण्टे तालिम प्रदान गरिएको छ ।

ट्रेकिङ्ग एजेन्सिज एसोशिएसन अफ नेपाल(टान) पश्चिमान्चल क्षेत्रीय संघ पोखराको आयोजना र नेपाल पर्यटन बोर्डको प्रबर्धन तथा नेपाल पर्यटन तथा होटल व्यवस्थापन प्रतिष्ठानको सहकार्यमा उनीहरुलाई उक्त तालिम प्रदान गरिएको हो । सामेवारदेखि सुरु उक्त तालिममा दुई सय २० जना सहभागी छन् ।

नेपाल पर्यटन वोर्ड गण्डकी प्रदेशका निर्देशक मणिराज लामिछानेले उक्त तालिमको उद्घाटन गरेका हुन् । कार्यक्रमको अध्यक्षता गर्दै टान पश्चिमाञ्चल क्षेत्रीय संघका अध्यक्ष हरि भुजेलले राज्यले सन् २०२० मा २० लाख पर्यटक भित्राउने उदघोष गरेसंगै पोर्टर गाईड तालिम संचालले थप सहयोग पुग्ने वताए ।

समग्र पर्यटन क्षेत्रका संघ संस्थाहरुको प्रतिनिधीत्व गर्दै पोखरा पर्यटन परिषद्का अध्यक्ष चिरिञ्जीवी पोखरेलले भ्रमण बर्ष २०२० सफल पार्न यस प्रकारका कार्यक्रमले सहयोग पुयाउने वताए । टान पश्चिमान्चल क्षेत्रीय संघका कार्यसमिति सदस्य एवं तालिम संयोजक प्रकाश बस्ताकोटीले टान पोखराले पहिलो पटक आयोजना गरेको यस कार्यक्रमको संचालन गर्न पाउदा अत्यान्तै गौरव महशुस भएको बताए ।
।