हेमजा, ३ माघ। पोखरा २५ हेमजास्थित गौरीशंकर खेल मैदानको स्तरोन्नति कार्य विहीवारदेखि शुरु भएको छ। पश्चिमाञ्चल खेलकुद विकास समिति अध्यक्ष सम्पन्न श्रेष्ठले सो कार्यको शिलान्यास गरे।

उनले गौरीशंकर खेलमैदानले राष्ट्रिय तथा अन्तराष्ट्रिय खेलाडी उत्पादन गरिसकेको चर्चा गर्दै मैदान स्तरोन्नतिका लागि खेलकुद मन्त्रीदेखि क्षेत्र र जिल्लाको समेत चासो रहेको औँल्याए।

उनले नाइन ए साइड खेल्न मिल्ने हालको मैदान स्तरउन्नति गरी इलाभन ए साइड खेल्ने मिल्ने बनाइने जनाए।

विगतमा खेलमैदान निर्माणका लागि बिनियोजित १० लाख काम नभई फिर्ता भएको तर्क संकेत गर्दै अध्यक्ष श्रेष्ठले अब त्यस्तो अवस्था नआओस् भनी हेमजावासीलाई सचेत पनि गराए। अन्तराष्ट्रिय मापदण्ड अनुसारको मैदान बनाउनुपनेर्मा उनको जोड थियो। मैदान निर्माण समिति अध्यक्ष कृष्णबहादुर कुँवरले सरोकारवालाको सदासयताबाट खेलमैदान स्तरउन्नति गर्न लागिएको जनाउँदै प्रारम्भिक चरणमा खेल मैदानको लेभलिङ साथै नाला निर्माण गरिने बताए।

उनले गुणस्तरीय काम गर्ने प्रतिबद्घता व्यक्त गर्दै पेश्कीस्वरुप १६ लाख निर्माण समितिको खातामा आइसकेको जानकारी दिए।हेमजा युनाइटेडको पहलमा मैदान स्तरउन्नति गर्न लागिएको हो। निर्माण समिति अध्यक्ष कृष्णबहादुर कुँवरको अध्यक्षतामा सम्पन्न उक्त कार्यक्रम सचिव विष्णुहरि पौडेलले संचालन गरेका थिए।