एसओएसमा ३६ औं वार्षिक खेलकुद शुरु

आदर्श समाज सम्वाददाता
पौष २७, २०७५
sos_Fotor

पोखरा, २६ पुस । एसओएस हरमन माइनर माध्यमिक विद्यालय गण्डकी रामबजारको ३६ औं वार्षिक खेलकुद कार्यक्रम शुरु भएको छ । तीन दिनसम्म चल्ने सो कार्यक्रम गण्डकी प्रदेशका सांसद कृष्ण थापाले उद्‍घाटन गरे ।

विद्यालयका अन्‍नपूर्ण, धौलागिरी, गौरीशंकर र माछापुच्छ्रे सदनका विद्यार्थीले विभिन्‍न ट्रयाक र फिल्ड इभेन्टमा सहभागी छन् ।

कार्यक्रममा प्रमुख अतिथि थापाले एसओएस गण्डकी प्रदेशकै गहना भएकोले यसको संरक्षण, विकास तथा स्थायित्वका लागि स्थानीय, प्रदेश र संघीय सरकारले विशेष रूपमा सोच्नु पर्ने बताए । उनले आफ्नोतर्फबाट भरपूर सहयोग रहने दृढता व्यक्त गरे ।

एसओएस बालग्राम गण्डकीका योजना निर्देशक भगतकुमार श्रेष्‍ठले खेलकुदले बालबालिकाको सर्वाङ्गीण विकासमा टेवा पुर्याउने बताए।

विद्यालयका प्रधानाध्यापक राजेन्द्रकुमार श्रेष्‍ठको अध्यक्षतामा सम्पन्‍न भएको उक्त कार्यक्रमको संचालन सहायक प्रधानाध्यापक किरण सापकोटाले गरेका थिए।

Related News

सम्बन्धित समाचार

hero news full width