हेमजा, १५ साउन। विष्णुपादुका माध्यमिक विद्यालयको स्वर्णमहोत्सव अवसरमा आयोजित अन्तरमाध्यमिक तह छात्र सेभेन ए साइड नकआउट फुटबल प्रतियोगितामा मंगलवार प्रिक्वाटर फाइनलका खेल सम्पन्न भए।
जसमा बालकल्याण, इमानुयल, स्नो भ्यू, अम्बिका, बेसलाइन, हेमजा बोर्र्डिङ, प्रतिभा र धवलागिरी विजयी भए ।
पहिलो खेलमा बालकल्याणले तालवाराहीलाई १-० गोलअन्तरले हरायो भने दोस्रो खेलमा इमानुयलले डाइनामिकलाई १-० गोलअन्तरमै पाखा लगायो ।
स्नो भ्यू र जनजागरणबीचको तेस्रो खेलमा ३-० गोलले स्नो भ्यू बोर्र्डिङ विजयी भएको हो ।
अम्बिका मावि र करुणानिधिबीचको चौथो खेलमा १-० ले अम्बिका, इन्द्रराज्यलक्ष्मी मावि तथा बेसलाइन बीच भएको पाँचौं खेलमा २-० गोलअन्तरले बेसलाइन, अमरसिंह मावि र हेमजा बोडिङबीचको छैटौं खेलमा ट्राइबेक्ररमा हेमजा बोर्र्डिङ विजयी भए।
प्रतिभा मावि र कास्की मोर्डनाइज्डबीच भएको सातौ खेलमा प्रतिभाले कास्की मोर्डनाइज्डलाई सडनडेथको शिकार बनायो । अन्तिम तथा आठौ खेलमा धवलागिरीले फिस्टेलको चुनौती १-० गोलअन्तरमा पन्छायो ।
बुधवार क्वाटरफाइनलका खेल हुनेछ । जसमा बिहान ११ बजे बेसलाइन र अम्बिका मावि बीच हुने खेल संयोजक शिक्षक शेरबहादुर कार्कीले जानकारी दिए।
यसैबीच विद्यालयले मंगलवार आधारभूत तह (कक्षा १-५) स्तरीय छात्र, छात्रा हिसाब दौड प्रतियोगिता सम्पन्न गरेको छ।
जसमा छात्रतर्फ हेमजा बोर्र्डिङका जितेन भण्डारी प्रथम, दीव्यज्योतिका झलक विक द्वितीय, ग्रामप्रकाशका सुमित मल्ल तृतीय भए।छात्रामा हेमजा बोर्र्डिङकी प्रनिशा दाहाल प्रथम, बालकल्याणकी सजिना हरमेल द्वितीय र दीव्यज्योतिकी सृष्टि नेपाली तृतीय भएको शिक्षक प्रकाश त्रिपाठीले जानकारी दिए ।
Related News
सम्बन्धित समाचार
गोदारको काठमाडौं–पोखरा दौड
अर्जुन कप्तानीमा १४ सदस्यीय टोली घोषणा
राइनो संरक्षण गोल्डकप
१८औं कन्यादेवी कप सयपत्री रिङटाङलाई
सहारा क्लब अष्ट्रेलियामा सिद्धार्थ पौडेल
hero news full width
मुख्य समाचार
रविलाई फेरि अदालत उपस्थित गराइँदै
को होला मिस पोखरा ?
कार्तिक ७, २०८१जेठोबुढो जोगाउँदै पोखरा महानगर
कार्तिक ७, २०८१नेसपाले नाम फेर्ने, महाधिवेशन माघमा
कार्तिक ७, २०८१विदेश छोडेर कागती खेती
कार्तिक ७, २०८१नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१