नेपालमा अष्टे्रलियन फुटबल

आदर्श समाज सम्वाददाता
श्रावण १३, २०७५

पोखरा, १२ साउन । अष्टे्रलियन फुटबल (फुटी) को नेपालमा विकासका लागि दुर्इ पक्षबीच पोखरामा सहमति भएको छ।

अष्टे्रलियामा रही नेपालमा शिक्षा क्षेत्रमा काम गर्दै आएको अष्ट्रेलियन इन्स्टिच्युट अफ हाइयर एजुकेसन र नेपालस्थित एकमात्रै फुटी क्लब, हिमालयन लियोपार्ड फुटी क्लबबीच सम्झौता भएको हो।

इन्स्टिच्युटका नेपाल प्रतिनिधि स्टेफन होफम्यान र लियोपार्ड क्लबका अध्यक्ष डिल्ली कोइरालाले सम्झौतापत्रमा हस्ताक्षर गरे।

सम्झौतामा इन्स्टिच्युटले आगामी कात्तिकसम्म क्लबलाई झण्डै १ लाख बराबरको जर्सीसहयोग गर्नेछ भने क्लबले उक्त जर्सीा इन्स्टिच्युटको लोगो प्रयोग गर्नेछ। खेलको विकासका लागि आगामी दिनमा दुवै पक्षले आपसमा सहयोग तथा सहकार्य पनि गर्नेछन्।

स्टेफनले अष्ट्रेलियाको लोकप्रिय खेल नेपालमा सञ्चालनार्थ सहयोग गर्न पाउँदा खुशी लागेको बताए।

लियोपार्ड क्लबका सल्लाहकार समेत रहेका अष्ट्रेलिया-नेपाल अर्गनाइजेशनका अध्यक्ष प्रोफेसर डा दामोदरप्रसाद पोखरेलले नेपालमा यो खेलको विकासका लागि काठमाडौ, पोखरा र उदयपुरमा समिति गठन गरिने बताए।

सल्लाहकार नारायण पहारीले सो खेल प्रचार-प्रसार र व्यापक बनाउन स्कूले कार्यक्रमहसञ्चालन गरिने बताए।

क्लब सल्लाहकार तथा पोखरा होटल संघका निवर्तमान अध्यक्ष भरत पराजुलीले पोखरामा फुटी मार्फत खेलपर्यटनको विकास गर्न सकिने जनाए।

कार्यक्रम सञ्चालन क्लब सचिव रामचन्द्र कोइरालाले गरेका थिए।

झण्डै ६ महिना अघि नेपाल भित्रिएको सो खेल कास्की जिल्ला खेलकुद विकास समितिमा क्लबका रुपमा दर्ता गरिएको छ। खेलमा हातखुट्टा दुवैको प्रयोग हुन्छ ।

Related News

सम्बन्धित समाचार

  • पोखरामा राष्ट्रिय स्नुकर प्रतियोगिता

    आदर्श समाज सम्वाददाता श्रावण ३०, २०७९
    पोखरा । पोखरामा प्रथम राष्ट्रिय खुल्ला स्नुकर प्रतियोगिता–२०७९ हुने भएको छ । देविज स्नुकर क्लब आयोजनामा भदौ १२ देखि १९…
  • क्रिकेटमा सेन्ट्रल क्रिकेट एकेडेमीको जीत

    आदर्श समाज सम्वाददाता श्रावण २८, २०७९
    पोखरा । सेन्ट्रल क्रिकेट एकेडेमीले ३ खेलको एकदिवसीय क्रिकेट श्रृंखला २–० सँगै जितेको छ । श्रृंखलाको अन्तिम खेल शनिबार पोखरा…
  • ‘स्वस्थ नागरिकका लागि खेलमैदान’

    धनबहादुर गुरुङ श्रावण २८, २०७९
    पोखरा । ‘खेलकुद मन्त्रालयको कामले स्वास्थ्य मन्त्रालयलाई घाटा हुन सक्छ किनभने मैले सुगरका बिरामी नहोलाजस्तो देखेको छु ।’ यो अभिव्यक्ति…
  • लोकतान्त्रिक खेलकुदको बधाई

    आदर्श समाज सम्वाददाता श्रावण २४, २०७९
    पोखरा । नेपाल लोकतान्त्रिक खेलकुद संघ कास्की जिल्ला शाखाले संघमा जनप्रतिनिधि तथा विभिन्न संघ संस्थामा निर्वाचित सदस्यलाई सम्मान तथा बधाई…
  • ‘नवौं राष्ट्रिय खेलको मिति परिवर्तन हुँदैन’

    आदर्श समाज सम्वाददाता श्रावण २४, २०७९
    पोखरा । राष्ट्रिय खेलकुद परिषद् (राखेप) का सदस्य सचिव टंकलाल घिसिङले पोखरामा आयोजना हुने नवौं राष्ट्रिय खेलकुद निर्धारित मितिमै हुने…

hero news full width