सर्द्धम सभा ब्याडमिन्टन शुरु

आदर्श समाज सम्वाददाता
श्रावण ६, २०७५
Saddharma Badminton

पोखरा, ५ साउन । पोखरामा शनिबारदेखि सर्द्धम सभा धर्म संघ बुद्ध विहार डबल्स ब्याडमिन्टन प्रतियोगिता शुरु भएको छ।

सर्द्धम सभाको २८ औं तथा धर्म संघ बुद्ध विहारको ६३ औं वाषिर्कोत्सवको अवसरमा दोस्रो पटक ब्याडमिन्टन प्रतियोगिता आयोजना गरिएको अध्यक्ष भरतराज शाक्यले जनाए।

उद्घाटन खेलमा निगम शाक्य र इश्वरमान शाक्यले वाकओभर पाएका छन्। शान्तमान बुद्धाचार्य र झलकमान शाक्यको जोडीसंग भिडेको निगम र इश्वरमानले पहिलो सेट १५-१३ ले जितेपछि दोस्रो सेटमा वाक ओभर पाएको थियो। प्रतियोगिताको दोस्रो खेलमा सोवितमान बुद्धाचार्य र विनोद शाक्यको जोडीले सुवास बुद्धाचार्य र दुर्गामान बुद्धाचार्यलाई १५-१० र १५-५ को सोझो सेटले हराएको थियो। त्यस्तै, शनिबार नै भएको तेस्रो खेलमा मंगलराज शाक्य र रवीन्द्रमान बज्राचार्यको जोडीले प्रितम शाक्य र अन्तुमान गुभाजुको जोडीलाई १५-१ र १५-४ को सोझो सेटमा हराएको थियो ।

प्रतियोगिताका विजेतालाई ६ हजार, उपविजेतालाई ४ हजार, तेस्रो हुनेलाई २ हजार र उत्कृष्ट जोडीलाई १ हजार नगद पुरस्कारसहित ट्रफी, मेडल र प्रमाणपत्र पुरस्कार रहेको आयोजकले जनाएको छ। प्रतियोगितामा ७ टिमको सहभागिता छ।

Related News

सम्बन्धित समाचार

hero news full width