सन्दिपलाई पोखरामा सम्मान

आदर्श समाज सम्वाददाता
जेठ १४, २०७५

पोखरा, १३ जेठ ।चर्चित युवा क्रिकेटर सन्दिप लामिछानेलाई पोखरामा नगद एक लाखसहित सम्मान गरिएको छ ।

पोखरा नदिपुरस्थित प्रतिभा माध्यमिक विद्यालयले इण्डियन प्रिमियर लिगमा खेल्ने पहिलो नेपाली क्रिकेटर सन्दिपले त्यहाँ गरेको उच्च प्रदर्शनको कदरस्वरुप पोखरामा आइतबार सम्मान गरेको हो । अटो वेज प्रालि पोखरा र प्रतिभा माविले संयुक्त रुपमा सन्दिपलाई नगद एक लाख सहित प्रशंसापत्र र दोसल्लाले सम्मान गर्‍यो ।

सम्मान ग्रहणपछि सन्दिपले पोखरेलीको सम्मानबाट आफू हषिर्त भएको बताए । उनले विद्यालयका विद्यार्थीहरुलाई पहिलो प्राथमिकता पर्ढाईलाई दिएर सँगसँगै आफ्नो रोजाइको खेललाई अघि बढाउन आग्रह गरे । उनले पोखरामा आफूलाई मिलेको सम्मानले भविष्यमा राम्रो गर्न प्रेरित गरेको समेत बताए ।

कार्यक्रमकी प्रमुख अतिथि प्रदेश नं. ४ सामाजिक विकास मन्त्री नरदेवी पुनले खेलक्षेत्रले राष्ट्रलाई नै चिनाउने भएकाले यसतर्फ पनि सोच्दै प्रदेश सरकार खेलकुदको विकासमा लागिपरेको बताइन् । उनले सन्दिप लामिछानेको प्रदर्शनबाट उनीसँगै सिंगो नेपालकै चर्चा भएको उल्लेख गरिन् ।

पत्रकार महासंघ कास्कीका अध्यक्ष दीपेन्द्र श्रेष्ठले प्रतिभा माविले उच्च प्रतिभाको मूल्यांकन गर्दै सम्मान गरेकोमा खुशी प्रकट गरे । सो अवसरमा विद्यालयका अध्यक्ष नारायण पौडेल, प्रिन्सिपल विश्व गोपाल पराजुली, कार्यक्रम संयोजक किरण सापकोटाले समेत बोलेका थिए । सम्मानअघि, क्रिकेटर सन्दिपले विद्यालय हातामै पुगेर विद्यार्थीहरुलाई हौसला प्रदान गरेका थिए ।

सम्बन्धित समाचार

पाठकलाई प्रदेश खेलकुद परिषद् गण्डकीको नि.सदस्यसचिव जिम्मेवारी

आदर्श समाज सम्वाददाता असाेज ५, २०८०

पोखरा, ५ असोज । प्रदेश खेलकुद परिषद् गण्डकीको निमित्त सदस्यसचिवको जिम्मेवारी पत्रकार केशव पाठकले पाएका छन् । सदस्यसचिव श्रीधर शर्मा…
राइनास–५ लाई भलिबल उपाधि

आदर्श समाज सम्वाददाता असाेज ५, २०८०

लमजुङ । जिल्लास्तरीय अन्तरवडा भलिबल प्रतियोगिताको उपाधि राइनास नगरपालिका–५ ले जितेको छ । फाइनलमा मध्यनेपाल नगरपालिका–५ लाई ३–२ सेटले पराजित…
हेमजा गोल्डकपको तयारी

आदर्श समाज सम्वाददाता असाेज ५, २०८०

पोखरा । हेमजामा सातौं संस्करणको अन्तर्राष्ट्रिय हेमजा गोल्डकपको तयारी थालिएको छ । हेमजा युनाइटेडको आयोजनामा आउँदो कात्तिक ११ देखि १८…
लामाचौर कप जारी : न्यु डायमन्ड र पुलिस शीर्षस्थानमा

आदर्श समाज सम्वाददाता भाद्र ३१, २०८०

पोखरा । नवआदर्श सामुदायिक विकास समाज (नाकोड्स) को आयोजनामा शुक्रबारदेखि सुरु भएको लामाचौर कप राष्ट्रिय महिला तथा पुरुष भलिबल जारी…
न्यु डायमण्ड २ खेलमा विजयी

आदर्श समाज सम्वाददाता भाद्र ३१, २०८०

पोखरा । न्यु डायमण्ड युथ स्पोर्टर्स क्लबले लामाचौर कप भलिबल प्रतियोगिताअन्तर्गत २ खेलमा जित दर्ता गरेको छ । नवआदर्श सामुदायिक विकास…