सांग्रिला क्रिकेट क्लब शीर्षमा

आदर्श समाज सम्वाददाता
जेठ २, २०७५
cricket

पोखरा, १ जेठ । कास्की जिल्ला क्रिकेट संघको आयोजनामा सञ्चालित क्लबस्तरीय राउण्ड रोविन क्रिकेट लिगमा सांग्रिला क्रिकेट क्लब २ जित र २ हारसँगै ४ अंक जोडेर लिगको शीर्षस्थानमा उक्लिएको छ।

पोखरा रंगशालामा मंगलबार भएको खेलमा सांग्रिलाले अरण्यज्योति क्रिकेट क्लबलाई ४४ रनले पराजित गर्‍यो ।

ओम डेभलपमेन्ट बैंकको मुख्य प्रायोजन तथा पोखरा राईनोजको सहप्रायोजनामा भएको खेलमा टस जित्दै व्याटिङ गरेको संाग्रिलाले ३०.४ ओभर खेल्दै १ सय १९ रनको योगफल तयार पार्‍यो। कप्तान विपीन खत्रीले विष्फोटक व्याटिङ गर्दै ६० रन जोडे। उनले ७० बल खेल्दै दुर्इचौका र ४ छक्का हान्दै सांग्रिलाको इनिङ सम्हाले। सुदीप पौडेलले १६ रनमा पेभिलियन फर्किए। उनले २१ बल खेल्दै दुर्इ चौका हिर्काए। राजु खनालले भने ११ रनको योगदान दिए। अरण्यज्योतिका हरि चौहानले ३ विकेट लिए। अब्दुल खालिदले २ विकेट आफ्नो नाममा लेखाए। मंगलबार ४० ओभरको खेल खेलाइएको थियो।

१ सय २० रनको लक्ष्य पछ्याएको अरण्यज्योति क्रिकेट क्लब भने ७५ रनमै समेटियो। कप्तान विधान श्रेष्ठ र हरि चौहानले समान २३ रन बनाए। चौहान नटआउट रहे। अन्य व्याट्सम्यान भने सस्तैमा क्रिजबाट बाहिरिए। विपीन खत्रीले ५ विकेट लिए। उनी पोखरा राईनोज म्यान अफ दि म्याच घोषित भए। उनलाई जिल्ला खेलकुद विकास समिति कास्कीका कार्यालय प्रमुख प्रकाश बरालले म्यान अफ दि म्याचको पुरस्कार प्रदान गरे।

अर्का खेलाडी मेघबहादुर सेनले ३ विकेट लिए। लिगअन्तर्गत बुधबार पोखरा क्रिकेट एकेडेमीले माछापुच्छ्रे क्रिकेट क्लबसँग खेल्ने छ। लिगको अन्तिम खेल भने पोखरा क्रिकेट क्लबले अरण्यज्योति क्रिकेट क्लबसँग खेल्ने छ।

Related News

सम्बन्धित समाचार

  • वडास्तरीय वडाध्यक्ष कप चापाकोट ४ लाई

    आदर्श समाज सम्वाददाता माघ २३, २०७९
    पोखरा।  माछापुच्छ्रे गाउँपालिका ८, ठाँटी ल्वाङघलेलमा आयोजित गण्डकी प्रदेश अन्तरवडास्तरीय पुरुष भलिबलको उपाधि चापाकोट वडा ४ ले जितेको छ ।…
  • जिएमसी स्पोर्टमा ११ कलेज सहभागी

    आदर्श समाज सम्वाददाता माघ २२, २०७९
    पोखरा । गण्डकी मेडिकल कलेजले आयोजना गरेको ‘जिएमसी स्पोर्ट फेस्ट २०२३’ सकिएको छ । ५ दिनसम्म चलेको उक्त स्पोर्ट मिटमा…
  • आजदेखि बिटी कप

    आदर्श समाज सम्वाददाता माघ २२, २०७९
    पोखरा । बुद्धटोल युवा क्लबको आयोजनामा आइतबारदेखि १६ औं बिटी कप छैटौं वीरेन स्मृति सेभेन ए साइड खुल्ला फुटबल प्रतियोगिता…
  • पोखरामा ९० हजार पुरस्कारको क्यारमबोर्ड प्रतियोगिता हुने

    आदर्श समाज सम्वाददाता माघ २१, २०७९
    पोखरा । पोखरामा ९० हजार पुरस्कार राशीको क्यारमबोर्ड प्रतियोगिता हुने भएको छ । फागुनको ५ र ६ गते हुने प्रतियोगिता…
  • फेन्सिङमा गण्डकीलाई स्वर्ण

    आदर्श समाज सम्वाददाता माघ २१, २०७९
    पोखरा । पोखरा महानगरपालिका खेलकुद विकास समितिले आयोजना गरेको राष्ट्रिय इपी फेन्सिङ प्रतियोगितामा जुनियर पुरुष र महिला विधामा गण्डकीले स्वर्ण…

hero news full width