पोखरा । गुरुकुल विद्यासदन, पोखरा आयोजनामा एसइई दिएर बसेका विद्यार्थीलक्षित गरी भएको फुटसल प्रतियोगिताको उपाधि लर्नर्स एफसी (एसओएस गण्डकी) ले उचालेको छ ।

फाइनलमा रतुवा एफसी गणेशटोललाई हराउँदै उपाधिसहित २० हजार, ट्रफी, मेडल र प्रमाणपत्र पुरस्कार प्राप्त गरेको हो । एवी–एलइडी पोखरा १३ तेस्रो भयो ।

द्वितीय र तृतीयले क्रमश १० र ५ हजार साथमा ट्रफी, मेडल र प्रमाणपत्र पुरस्कार प्राप्त गरे ।

लर्नस्का युनिक सुवेदीले सर्वाधिक गोलकर्ता (१६ गोल) को उपाधि जिते । रतुवा एफसीका अहमद राजा उत्कृष्ट गोलरक्षक, लर्नस्का विशाल दवाडी उत्कृष्ट खेलाडी हुन सफल भएको खेलकुद संयोजक हरि ढकालले बताए ।

फुटसल समापन गर्दै विद्यालय अध्यक्ष रवि कार्कीले प्रतियोगिता सञ्चालनमा सहयोग पु¥याउने सबैप्रति आभार प्रकट गर्दै विद्यार्थीको प्रतिभा पहिचान गर्न विद्यालय प्रयासरत रहेको बताए ।

प्रअ नारायण आचार्यले खेलकौशलका लागि फुटसलको भूमिका महत्वपूर्ण रहने धारणा राखे ।

सहप्रअ भुवन सुवेदीले प्रतियोगितामा उत्साहजनक सहभागिता पाइएको बताउँदै आगामी वर्षमा पनि प्रतियोगितालाई निरन्तरता दिने जाए । प्लस टु संयोजक शिक्षक वसन्तकुमार श्रेष्ठले स्वास्थ्यका लागि खेल महत्वपूर्ण रहेको बताए । प्रतियोगितामा कास्की, स्याङ्जा, लमजुङका समेत कुल ७३ समूहले प्रतिष्पर्धा गरेका थिए ।