हेमजा भेट्रान्समा वडा ६, १० र २५ क्वाटरफाइनलमा

आदर्श समाज सम्वाददाता
असार ३, २०८१
Football hemja vetrans

हेमजा । हेमजा युनाइटेडको आयोजना तथा पोखरा महानगरको संरक्षणमा पोखराको हेमजामा शनिबारदेखि सुरु भएको अन्तरवडा स्तरीय हेमजा भेट्रान्स कप २०८१ को दोस्रो दिन ३ खेल सम्पन्न भएका छन् ।

वडा नं. ६ ले वडा नं. १५ लाई २–० र वडा न.१० ले वडा नं २० लाई ३–१ र वडा नं २५ ले वडा नं २९ लाई ५–२ को गोल अन्तरले अग्रता निकाल्दै वडा ६, १० र २५ क्वाटरफाइनलमा प्रवेश गरेका हुन् ।

सोमबार हुने पहिलो खेल वडा न. ११ र १७ र दोस्रो खेल वडा नं.४ र वडा नं.१३ बीच हुनेछ । असार ७ गतेसम्म जारी रहने अन्तर वडास्तरीय हेमजा भेट्रान्स कप २०८१ को प्रथम पुरस्कार १ लाख ११ हजार १ सय ११ र द्वितीय पुरस्कार ५५ हजार ५ सय ५५ रुपैयाँका साथमा ट्रफी, मेडल र प्रमणपत्र रहेको छ ।

सर्वोकृष्ट खेलाडीलाई नगद ५ हजार, सर्वाधिक गोलकर्ता, गोलरक्षक, डिफेन्डर, मिडफिलड, फरवार्डलाई समान २ हजार नगदका साथमा ट्रफी प्रदान गरिनेछ । क्वाटरफाइनलदेखिका खेलहरुमा म्यान अफ दि म्याच घोषित गरी ट्रफी प्रदान गरिने आयोजकले जनाएको छ ।

Related News

सम्बन्धित समाचार

hero news full width