पोखरा । पर्यटन व्यवसायी महिला संघ नेपाल (टेवान) टोली पोखराको पर्यटन प्रवद्र्धनको कार्यक्रम लिएर विदेशतर्फ लागेको छ । टेवान अध्यक्ष कमला गिरी नेतृत्वको टोलीमा संस्थााक सदस्य तथा पत्रकारसहित १९ जना छन् ।

१० दिने भ्रमण कार्यक्रममा टोलीले थाइल्याण्ड, सिंगापुर र मलेसियाको भ्रमण गर्नेछ । टोलीलाई सोमबार पोखरा महानगरपालिकाका प्रमुख धनराज आचार्यले बिदाइ गर्दै पोखराको समग्र पर्यटन प्रवद्र्धनमा यो कार्यक्रम सफल हुने विश्वास लिए । पोखरा प्रवद्र्वनका लागि टेवानको कार्य सराहनीय भएको बताउँदै भ्रमणको शुभकामन व्यक्त गरे । उनले भ्रमण टोलीलाई खादा लगाएर बिदाइ गरे ।

अध्यक्ष गिरीका अनुसार भ्रमणक्रममा थाइल्याण्डको राजदूतावास तथा एनआरएनए मलेसियासँग औपचारिक भेटघाट गर्ने कार्यक्रम छ । भ्रमणका क्रममा नेपाली संघसंस्थाका प्रतिनिधिसँग पनि भेटघाट गरी पोखराको पर्यटन प्रवद्र्धनबारे छलफल गरिने बताइन्।

टोलीमा अध्यक्ष गिरीसहित सचिव शोभा अधिकारी पौडेल, पूर्व सदस्य सरिता बराल क्षत्री, शारदा लम्साल, सदस्य उर्मिला थापा पन्थी, संगीता अधिकारी, संगीता बराल, नीशा बुढा, भगवती खत्री, विनिता अधिकारी बराल, सीता अधिकारी पौडेल, ज्ञानु श्रेष्ठ, सीता कोइराला, रेजिना आचार्य, तारा गिरी, स्पन्दन गिरी र पत्रकार युवराज श्रेष्ठ, युनिस गुरुङ र दुर्गा राना मगर छन् ।