पोखरा । गणतन्त्र दिवसको अवसरमा मंगलबार माछापुच्छ्रे गाउँपालिका वडा २ मा सार्दिखोला बचत तथा ऋण सहकारी संस्थाको आयोजनामा रक्तदान कार्यक्रम भएको छ ।
वडाध्यक्ष गणेश आचार्यले पहिलो रक्तदातालाई ब्लड ब्याग हस्तान्तरण गरी कार्यक्रम उद्घाटन गरेका हुन् ।

उनले संस्थाले गर्दै आइरहेको संस्थागत सामाजिक उतरदायित्व अन्तर्गतका कार्यक्रमले यस क्षेत्रका वासिन्दामा सकारात्मकता फैलाएको बताए ।

उनले रगत अभावमा देशभरका कोही पनि ब्यक्तिको निधन नहोस् भन्ने हेतुले कार्यक्रम आयोजना गरेकोमा संस्थालाई धन्यवाद दिए ।

उद्घाटन सत्र संस्थाका सचिव रामप्रसाद आचार्यले सञ्चालन गरेका थिए । कार्यक्रममा ५३ युनिट रगत संकलन गरी प्रादेशिक रक्तसञ्चार सेवा, पोखरालाई हस्तान्तरण गरिएका संस्थाका अध्यक्ष सर्वजित गुरुङले बताए ।