पोखरा । माघ २० गतेदेखि प्रदर्शनमा आउन लागेको सिनेमा ‘ह्यारीकी प्यारी’ टोली प्रमोसनका लागि पोखरा आएको छ ।
राजधानी बाहिर प्रोमोसन टुरमा रहेको टोलीले सोमबार पोखराका पत्रकारहरुसँग साक्षात्कार गर्दै टोलीले फरकधारको सिनेमा भएको दाबी गरेको छ । निर्देशक डा.कपिल रिजालले सिनेमा नेपाली परिवेशलाई समेट्ने गरी बनेको अभिव्यक्ति दिए । उनले भने, ‘ह्यारीकी प्यारी नेपाली कल्चरलाई समेट्ने सिनेमा हो । नेपालको संस्कृतिलाई सिनेमामार्फत् अन्तर्राष्ट्रिय स्तरमा प्रचारप्रसार गर्न मद्दत पुग्ने विश्वास लिएका छौं ।’
ह्यारीकी प्यारी सिनेमालाई नेपाली, बंगाली, हिन्दी, मराठी भाषामा डबिङ गरिएको जानकारी उनले गराएका छन् । ३० वर्षदेखि युकेमा डेन्टिसको डाक्टरको कर्म गर्दै आएका रिजालको सिनेमाप्रतिको लगाव सानैदेखि भएकाले पनि उनलाई यसतर्फ आकर्षण बढेको बताए । उनका बुबा डा.भोला रिजालले पनि नेपाली सिनेमा क्षेत्रमा काम गरिसकेका छन् । लक्ष्मी पूजा, साथी, पाखे लगायत सिनेमा भोला रिजालले नै लेखेका हुन् ।
पर्वतको भुकदेउरालीमा ४५ दिनसम्म छायाँकन गरिएको सिनेमामा जितु नेपाल, साम्राज्ञी राज्यलक्ष्मी शाह, विजय बराल, लक्ष्मी गिरी, सुभाष गजुरेल, रञ्जना भट्टराई, सरला रिजाल लगायतको अभिनय रहेको छ । बिआर प्रोडक्सनको प्रस्तुति सिनेमाको कथा सुदीप बराल, गिरिराज घिमिरे, अभिमन्यु निराबी र डा.कपिल रिजालले लेखका हुन् । सिनेमाका ४ गीत सार्वजनिक भइसकेका छन् । जसमा कोरियोग्राफी कविराज गहतराजको छ ।
सिनेमाका गीतमा थोमस एन्ड्रियुज, देवनजली जोशी, सौरभ दास, मिना निरौला, सपनकुमार राईको स्वर रहेको छ । युग भुसाल र शिखर सन्तोषले संगीत भरेका छन् । सनेमाका निर्माता डा. भोला रिजाल हुन् ।
Related News
सम्बन्धित समाचार
फिल्म रहरले ‘ईश्वर’ मा झण्डै २ करोड लगानी
‘मिरा स्याडो अफ अ रेनबो’ प्रदर्शन
‘पुजार सार्की’ का कलाकार पोखरामा
‘पुजार सार्की’ का कलाकारले पोखराका दर्शक भेट्दै
भजन शिरोमणिको जीवनीमा आधारित चलचित्रको ट्रेलर सार्वजनिक
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१