पोखरा । जातीय विभेदविरुद्ध कथावस्तु बोकेको फिल्म ‘पुजार सार्की’ तेस्रो सातामा प्रदर्शन भइरहँदा कलाकार आइतबार पोखरा आएका छन् । कास्कीकोटमा छायांकन भएको दिनेश राउत निर्देशित यो फिल्मका मुख्य कलाकारमध्ये आर्यल सिग्देल, अञ्जना बराइलीले पोखरेली दर्शकसँग प्रतिक्रिया लिएका छन् ।
सभागृह चोकस्थित मिड टाउन पुगेका कलाकारलाई एक्कासि देख्दा दर्शक उत्साहित देखिन्थे । उनीहरुले फिल्म राम्रो बनेको प्रतिक्रिया दिँदै कलाकारसँग सेल्फी लिएका छन् ।
फिल्म पोस्टरको पेन्सिल स्केच गरेका पोखरेली उत्सव नेपालीले फ्रेमसहितको चित्ताकर्षक स्केच कलाकारलाई हस्तान्तरण गरे । यो स्केचलाई धेरैले मन पराएका छन् ।
निर्देशक राउतले फिल्मले ६ करोडभन्दा बढीको कारोबार गरिसकेको दाबी गरे । उनले जातीय विभेदविरुद्ध बनेको ‘पुजार सार्की’ लाई रुचाइदिएकोमा खुसी लागेको बताए ।
नायक सिग्देल दर्शकसँग भेट्दा क्यारेक्टर ओरियन्टेड पर्फमेन्स देख्न पाएको भन्दै प्रतिक्रिया मिलेको बताउँछन् । अभिनेत्री बराइलीले ‘मैया’ पात्रलाई धेरैले मन पराएकोमा उत्साहित रहेको बताइन् । फिल्ममा आउनुको कारण खुलाउँदै उनले भनिन्, ‘फिल्म मेरो सपना हो, यो बाहेक अर्को क्षेत्रमा केही गर्न सक्छु भन्ने लाग्दैन । त्यही भएर यहाँ छु ।’
मिडिया संयोजक जीवन पराजुलीले यो फिल्म सबै वर्गको फिल्म हो भने । ‘यसअघि आफूले गरेका फिल्ममा लक्षित कुनै वर्ग हुन्थ्यो, त्यसलाई टार्गेट गरेर प्रचार गरिन्थ्यो, अहिले पुजार सार्की सबै वर्गको फिल्म भएकोले त्यही अनुसार प्रचार छ,’ पराजुलीले भने । विभिन्न हल पुग्दा कहिल्यै फिल्म हेर्न हल नछिरेका पनि यसपालि आएको उनले बताए ।
गत १० जेठमा रिलिज भएको यो फिल्मलाई दर्शकले अत्यधिक रुचाएका छन् । सुवास भुसालको निर्माण तथा विकास सुवेदीको कथामा निर्मित फिल्ममा प्रदीप खड्का, पल शाह, परीक्षा लिम्बु लगायत कलाकारको पनि प्रमुख भूमिका छ ।
तस्बिरहरुः परिचय र इभेन्ट पोखरा ।
Related News
सम्बन्धित समाचार
रविलाई फेरि अदालत उपस्थित गराइँदै
हिमाली सांस्कृतिक परिवारलाई सिद्धि गौचन पुरस्कार
को होला मिस पोखरा ?
जेठोबुढो जोगाउँदै पोखरा महानगर
नेसपाले नाम फेर्ने, महाधिवेशन माघमा
hero news full width
मुख्य समाचार
विदेश छोडेर कागती खेती
नेपाल समाजवादी पार्टीको महाधिवेशन आगामी माघमा काठमाडौंमा हुने
कार्तिक ६, २०८१पाेखरामा रास्वपाको मंगलबार पनि विरोध प्रदर्शन (फोटो फिचर)
कार्तिक ६, २०८१पोखराको सहिदचोकमा पेट्रोल पम्प निर्माणमा अन्तरिम आदेश
कार्तिक ६, २०८१रवि हिरासतमा, समर्थक सडकमा
कार्तिक ६, २०८१अग्रगामी वैकल्पिक शक्ति निर्माण गर्छौं: डा. भट्टराई
कार्तिक ६, २०८१