‘पुजार सार्की’ का कलाकारले पोखराका दर्शक भेट्दै

आदर्श समाज सम्वाददाता
जेठ २७, २०८१
447645072_446748931428498_2261719228103950759_n

पोखरा । रिलिजको १८औँ दिनमा आइतबार फिल्म ‘पुजार सार्की’ कलाकार पोखरा आएका छन् । सभागृहकचोकस्थित मिड टाउन सिनेमा हलमा फिल्मको मध्यान्तरमा करिब ३ बजे उनीहरुले दर्शकको प्रतिक्रिया लिने छन् ।

कलाकार आर्यन सिग्देल र अन्जना बराइली साथमा निर्देशक दिनेश राउतले दर्शक भेट्ने कार्यक्रम रहेको सो फिल्ममा मिडिया संयोजक जीवन पराजुलीले बताए । दर्शकलाई प्रत्यक्ष भेटी फिल्मबारे प्रतिक्रिया लिने बताइएको छ । कलाकार आउने भएपछि दर्शक पनि उत्साहित देखिएको सिनेमा हल स्रोतले जनाएको छ ।

पुजार सार्की टिम शनिबार चितवन पुगेर दर्शक भेटेको थियो ।

गत १० जेठमा रिलिज भएको यो फिल्मलाई दर्शकले अत्यधिक रुचाएका छन् । सुवास भुसालले निर्माण गरेको र विकास सुवेदीले लेखेको यो फिल्ममा प्रदीप खड्का, पल शाह, परीक्षा लिम्बु लगायतका कलाकारहरूको पनि प्रमुख भूमिका छ । जातीय विभेदविरुद्ध बोल्ने यो फिल्म कास्कीको कास्कीकोटमा सुटिङ भएको थियो ।

Related News

सम्बन्धित समाचार

hero news full width