पोखरा । पोखरा १७ मा गठबन्धनतर्फका उम्मेदवार घरदैलो गर्दै आफ्नो पक्षमा मत मागेका छन् । आगामी ५ वर्षमा जनअपेक्षाअनुसार काम गरेर वडालाई व्यवस्थित र नमूना बनाउने उनीहरुले मतदातासमक्ष प्रतिबद्धतासमेत जनाएका छन् ।

‘हामीप्रति मतदाताले ठूलो आशा अनि भरोषा देखाएका छन्,’ कांग्रेसतर्फबाट वडाध्यक्षका उम्मेदवार देवराज आचार्यले भने ।

गठबन्धनको तर्फबाट युवा जोश र जाँगरसहितका शिक्षित उम्मेदवार आसन्न निर्वाचनमा उठेकाले पनि यो समूहसँग जनअपेक्षा बढेको आचार्यको बुझाइ छ ।

घरदैलोमा वडा सदस्यका उम्मेदवार रञ्जिता सुवेदी, शोभा विश्वकर्मा, गोविन्द बराल, बिक्रम भण्डारी छन् । उनीहरुले पछिल्लो पटक राष्ट्रबैंकचोक, ड्यामसाइड, स्याउली बजार र बिरौटाको मूख्य बजार क्षेत्रमा घरदैलो गरेका छन् ।