पोखरा । आसन्न चुनावका लागि पोखरा ६ मा नेकपा एमालेको घरदैलो जारी छ ।

वडाध्यक्षका उम्मेदवार विष्णुबहादुर भट्टराई, सदस्यका उम्मेदवार कार्यकर्ताहरु बुधबार लेकसाइडका विभिन्न स्थानमा घरदैलो गरेका हुन् । घरदैलोक्रममा ज्येष्ठ नागरिकले उम्मेदवार भट्टराईलाई चुनाव जित्ने आशीर्वाद दिंदै विजयी भएपछि नामजस्तै काम गर्न आग्रह गरे ।

उनीहरुले हल्लनचोक, सेन्टर प्वाइन्ट, बाराहीघाट तथा भित्री बाटोहरुमा पनि मतदाताको शुभकामना लिन पुगेका थिए । घरदैलोमा हिंडेका उम्मेदवारसँग विदेशी पर्यटक पनि रमाएका थिए । उनीहरुसमेत उम्मेदवारसँग फोटो खिचाउन लालायित देखिन्थे । वडाध्यक्षका उम्मेदवार भट्टराईले मतदाताको उत्साहले आफूलाई ठूलो हौसला मिलेको बताए ।