पोखरा । पोखरा १० मा नेपाली कांग्रेसतर्फबाट वडाध्यक्षको उम्मेदवारी दिएका राजेश गुरुङसहितका उम्मेदवारले घरदैलो जारी राखेका छन् ।

उम्मदेवारको टोली वडा १० को शिवचोक, जनप्रिय टोल, बेथाने टोल, नहर मार्ग, सृष्टि टोल र लखन टोल पुगेको थियो । ‘गएकोे निर्वाचनमा जितेको कांग्रेस र कांग्रेसबाट निर्वाचित जनप्रतिनिधिले गरेको कामको प्रशंसाले पनि मतदाता हामीप्रति अति सकारात्मक छन्’ वडा अध्यक्षका उम्मेदवार राजेश गुरुङले भने, ‘मतदाताको विश्वासलाई धरासायी बनाउनु हुदैन, हामीले जित्नै पर्छ र जित्छौं पनि ।’

अघिल्लो निर्वाचनमा निर्वाचित कांग्रेसको जनप्रतिनिधिले कहिल्यै जनतालाई धोका हुने काम नगरेको र वडाको सुशासन तथा विकासमा क्रियाशील भएकोले पनि वडा १० को वडावासीको साथ र समर्थन कांग्रेसको नेतृत्वप्रति रहेको कांग्रेस वडा १० कावा सभापति दीपक थापा बताउँछन् ।

स्थानीय निकायको यो निर्वाचनमा कांग्रेसका राजेश गुरुङको नेतृत्वमा सदस्यमा परमेश्वरबहादुर कार्की, नरदेवी गुरुङ, पूर्णचन्द्र न्यौपाने र सुनीमाया नेपाली चुनावी मैदानमा छन् ।