घरदैलोसँगै मतदाताको समस्या बुझ्दै उम्मेदवार

आदर्श समाज सम्वाददाता
वैशाख १९, २०७९
congress pokhara 1

पोखरा । स्थानीय तह निर्वाचन नजिकिएसँगै पोखरा वडा १ मा नेपाली कांग्रेसतर्फका उम्मेदवारले घरदैलो तीव्र पारेका छन् । उनीहरुले स्थानीय मतदाताले आफ्नो क्षेत्रमा भोग्नुपरेका समस्या, वडाका सेवासुविधा सहज र जनमुखी कसरी बनाउन सकिन्छ भनी सुझावसमेत संकलन गरेका छन्।

घरदैलोमा वडामा निर्वाचित हुने प्रतिनिधिले प्राथमिकतामा राख्नुपर्ने काम के–के हुन् भनी मतदातासँग मत माग्नुका साथै सुझाव संकलन गरिएको थियो । आफ्नौ घरदैलोमा कांग्रेसका उम्मेदवार देख्दा मतदातासमेत उत्साहित देखिन्थे।

मतदाताले जीतको आशीर्वाद दिनुका साथै उम्मेदवारले पनि मतदाताको गुनासो, समस्या सुनी समाधानमा सक्दो गर्ने प्रतिबद्धता गरेका थिए।

पोखरा १ वडाध्यक्षमा कांग्रेसबाट सीता गुरुङ चुनावी मैदानमा छिन् । सदस्यका सुनिता कुँवर नेपाली, पार्वती खनाल पोख्रेल, मेघबहादुर गुरुङ र रामजीप्रसाद पौडेल रहेका छन् । अध्यक्ष उम्मेदवार सीता गुरुङले वडालाई पोखराको विकास, सुशासन र अन्य कामले महानगरकै १ नम्बरको वडा बनाउने बताइन् । ‘हाम्रो काम भनेको स्थानीय जनताकै सेवामा खटिने हो । वडाले प्रदान गर्ने सेवा सहज बनाउने हो । जसमा हाम्रो टिमले काम गर्छ,’ उनले प्रतिबद्धता व्यक्त गरिन्।

Related News

सम्बन्धित समाचार

hero news full width

trending post

ट्रेन्डिङ्ग