१८ महिने बालिका करणी अभियोगमा २ पक्राउ

रासस
फागुन २९, २०७८

मोरङ । सुन्दरहरैचा नगरपालिका–७ की १८ महिनाकी बालिका करणी गरी हत्या गरेको अभियोगमा दुई जनालाई प्रहरीले प्रक्राउ गरी आज सार्वजनिक गरेको छ ।

जिल्ला प्रहरी कार्यालयमा आयोजित पत्रकार सम्मेलनमा निज अवोध बालिकालाई यहीँ फागुन २७ गते अपहरणपछि करणी गरी हत्या गर्नेमा सोही नगरपालिका बस्ने २८ वर्षीय मिथुन चौधरी र २५ वर्षीय अजय चौधरी रहेका छन् । निजले बालिकालाई फागुन २७ गते मोरङको बेलवारी–८ बाट खेल्दै गरेको अवस्थामा ‘चोकोफन चकलेट’ दिई ललाइफकाइ अपहरण गरी पीडितको घरबाट १५० मिटर उत्तर पश्चिम दिशाको वयरघारीमा करणी गरी वियरको बोतल तथा ढुङ्गा प्रहार गरी हत्या गरेको कार्यालयका प्रमुख एवं प्रहरी उपरीक्षक जनार्दन जिसीले बताउनुभयो ।

अभियुक्तलाई प्रहरीले शारीरिक र प्राविधिक अनुसन्धानबाट हत्याको घटना भएको १२ घण्टामा पक्राउ गरेको उपरीक्षक जिसीले जानकारी दिनुभयो । उनीहरूलाई हत्यापश्चात एक पसलमा मदिरा सेवन गरी मामा घरमा गएर बसिरहेको अवस्थामा पक्राउ गरेको प्रहरीले जनाएको छ । आरोपी अजय चौधरी दुई वर्ष अगाडि दुई वर्षीया बालिकाको अपहरण मुद्दामा कारागार चलान भई गएको मङ्सिर १८ गते अदालतको फैसलाबाट रिहा भएका थिए ।

बालिकाको शव विभत्स अवस्थामा फेला परेको उपरीक्षक जिसीले बताउनुभयो । अभियुक्तलाई पुर्पक्षका लागि पाँच दिन अदालतबाट म्याद थप गरिएको छ भने अपहरण, जबरजस्तीकरणी र हत्याको आरोपमा आजीवन कारावासको माग गरिएको प्रहरीले जनाएको छ ।

Related News

सम्बन्धित समाचार

  • पर्यटकलाई दुख दिने ९ जना पक्राउ

    आदर्श समाज सम्वाददाता फागुन १६, २०८०
    पोखरा ।  पोखरामा पर्यटकलाई सास्ती दिने ९ जनालाई कास्की प्रहरीले पक्राउ गरेको छ । मंगलबार पोखरा पृृथ्वीचोक, मुस्ताङचोक क्षेत्रबाट उनीहरुलाई…
  • कल बाइपासको धन्दामा संलग्न २ पक्राउ

    आदर्श समाज सम्वाददाता फागुन १२, २०८०
    पोखरा ।  ‘विदेशबाट आएको कल वा मेसेज आउँदा नेपालको नम्बर देखिएमा निशुल्क नम्बर १८८ मा टिपाई सहयोग गरिदिनुहुन अनुरोध छ…
  • अवैध सामानसहित पोखराबाट एक जना पक्राउ

    आदर्श समाज सम्वाददाता फागुन १२, २०८०
    पोखरा ।  पोखराबाट अवैध सामानसहित १ जना पक्राउ परेका छन् । कास्कीको माछापुच्छ«े गाउँपालिका–३ घाचोक घर भई पोखरा ४ बाग्लुङ…
  • ३ जनाको हत्या गरी आत्महत्या !

    आदर्श समाज सम्वाददाता फागुन ९, २०८०
    काठमाडौं । काठमाडौ‌को नागार्जुन नगरपालिका-६ भैरबटोलमा एकै परिवारका तीन जनाको आज हत्या भएको छ । सोलखुम्बुको दूधकुण्ड घर भई नागार्जुन…
  • वडाध्यक्ष सुवेदी रिहालगत्तै फेरि पक्राउ

    आदर्श समाज सम्वाददाता फागुन ८, २०८०
    पोखरा । पोखरा महानगरपालिका वडा २१ का वडाध्यक्ष दीपकप्रसाद सुवेदी मंगलबार धरौटीमा रिहा भएलगत्तै पुनः पक्राउ परेका छन् । उनलाई…

hero news full width