दमौली । व्यास नगरपालिकाले एक साताको लागि लकडाउन गर्ने भएको छ । समुदायस्तरमा कोरोनाको उच्च जोखिम देखिएसँगै सोमबार दिउँसोको १२ बजेदेखि लकडाउन गरिने भएको छ ।
आइतबार नगरपालिकामा सर्वपक्षीय बैठकको भेलाले नगरपालिका एक साताको लागि लकडाउन गर्ने निर्णय गरेको हो । व्यास १, भादगाउँकी ६९ वर्षीय वृद्धमा कोरोना संक्रमण पुष्टि भएपछि परिवारका सदस्यको परीक्षणका क्रममा थप पाँचजनामा कोरोना संक्रमण देखिएको हो । एक साता लकडाउन गर्ने निर्णय गरेको नगरप्रमुख बैकुण्ठ न्यौपानेले जानकारी दिए ।
उनले भने, “ केही दिनअघि छिमेकी भानु नगरपालिकामा कोरोना सामुदायस्तरमा देखिएपछि यस पालिकामा पनि जोखिममा रह्यो । त्यसपछि यही पालिकामा पनि समुदायस्तरमा कोरोना देखिएपछि जोखिम न्यूनीकरण गर्न लकडाउन गर्ने निर्णय गरेका हौं । ” गत चैत ११ देखि जारी गरिएको लकडाउन असारमा खुल्नासाथ बजारमा भीडभाड बढ्नाले कोरोनाको जोखिम निम्त्याएको उनले बताए । लकडाउन अवधिमा नगरभित्र स्वास्थ्य सेवा र सरसफाइ बाहेक अन्य सेवा पूर्ण रुपमा बन्द गरिने उनले बताए ।
उनले थपे, “लकडाउन अवधिमा समुदाय स्बाब संकलनलाई पनि तीव्रता दिइने छ । कन्टयाक्ट टे«सिङबाट स्वाब संकलन गरी जोखिम कम गर्ने छौं । ” लकडाउन पालना गर्दै सबैलाई घरमै बस्न नगरप्रमुख न्यौपानेले आग्रह गरे ।
यस्तै नगरभित्रका सबै टोल विकास संस्थाहरुले निगरानी गरी शङ्कास्पद अवस्था देखिएमा तत्काल नगरपालिकाको स्वास्थ्य शाखामा सूचना दिन आग्रह गरिएको छ ।
यसैबीच, आँबुखैरेनी गाँउपालिकाले पनि एक साता अत्यावश्यक सेवा बाहेक अन्य सेवाहरु बन्द गर्ने भएको छ । गाउँपालिकाको छिमेकी पालिकाहरुमा समुदायस्तरमा कोरोनाको जोखिम बढेको भन्दै गाँउपालिकाले पनि एक साताका लागि अत्यावश्यक सेवा मात्र संचालन गर्ने निर्णय भएको गाउँपालिका अध्यक्ष गिरबहादुर थापाले बताए ।
Related News
सम्बन्धित समाचार
कोरोनाको नयाँ भेरियन्ट : संक्रामक तर घातक कम
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१