पोखरा । नेपालमा गएको २४ घण्टामा ५ सय २५ जना कोरोना संक्रमित थपिएका छन् । यो सँगै संक्रमितको संख्या २४ हजार ९ सय ९७ जना पुगेको छ । तीमध्ये सक्रिय संक्रमितको संख्या ८ हजार २५ रहेको छ ।
स्वास्थ्य तथा जनसंख्या मन्त्रालयले बिहीबार नियमित प्रेस ब्रिफिङमा दिएको जानकारी अनुसार देशका ३८ प्रयोगशालामा भएको परीक्षणमा ५ सय २५ जना संक्रमित थपिएका हुन् ।
मन्त्रालयका प्रवक्ता प्राडा जागेश्वर गौतमका अनुसार गएको २४ घण्टामा ९ हजार ८ सय ५९ जनाको पीसीआर परीक्षण गरिएकोमा सो संख्यामा संक्रमित थप भएका हुन् ।
यस्तै, पछिल्लो २४ घण्टामा थप १ सय ९ जना कोरोना संक्रमित उपचारपछि निको भएर घर फर्केका छन् । योसँगै कोरोना संक्रमण मुक्त हुनको संख्या १६ हजार ८ सय ३७ पुगेको छ ।
नेपालमा अहिलेसम्म कोरोना संक्रमणबाट ९५ जनाको मृत्यु भैसकेको मन्त्रालयले जनाएको छ । पछिल्लो २४ घण्टामा ४ जनाको मृत्यु भएको हो ।
महोत्तरीको मटिहानीका ४५ वर्षीय पुरुषको रामजानकी अस्पतालमा मृत्यु भएको मन्त्रालयका प्रवक्ता गौतमले जानकारी दिए । उनका अनुसार धनुषाको मिथिलाका ८५ वर्षीया महिलाको बीपी कोइराला स्वास्थ्य विज्ञान प्रतिष्ठानमा, अछामको रामारोशनका १८ वर्षीय पुरुषको पाटन स्वास्थ्य विज्ञान प्रतिष्ठान ललितपुरमा र मोरङको विराटनगरका ५७ वर्षीय पुरुषको कोशी अस्पताल विराटनगरमा निधन भएको हो ।
बिहीबार राष्ट्रिय अद्यावधिक विवरण सार्वजनिक गर्दै प्रवक्ता गौतमले मृतकमध्ये ७३ पुरुष र २२ महिला रहेका जानकारी दिए ।
देशभरका क्वारेन्टिनमा १४ हजार ७ सय ६९ जना रहेका छन् । ५ सयभन्दा बढी सक्रिय संक्रमित रहेका जिल्लामा पर्सा, रौतहट, महोत्तरी र काठमाडौं रहेका छन् ।
संखुवासभा, मनाङ, मुस्ताङ, डोल्पा र हुम्ला जिल्लामा भने संक्रमित शून्य छन् ।
गण्डकीमा ४ संक्रमित थप
गण्डकी प्रदेशमा बिहीबार ४ जना पुरुष संक्रमित थपिएका छन् । तीमध्ये कास्की, लमजुङ, पर्वत र नवलपरासी (बर्दघाट सुस्ता पूर्व) का गरी १–१ जना छन् ।
प्रदेश स्वास्थ्य निर्देशनालयले बिहीबार प्रेस विज्ञप्ति जारी गरी क्षयरोग उपचार केन्द्र पोखरामा भएको परीक्षणमा पोखरा वडा २६ का ४९ वर्षीय, लमजुङ सुन्दरबजारका ३२ वर्षीय, पर्वत पैयूँ वडा ७ का २० वर्षीय र नवलपरासी (बर्दघाट सुस्ता पूर्व) का २५ वर्षीय पुरुषमा कोभिड–१९ संक्रमण देखिएको जनाएको हो ।
निर्देशनालयका निर्देशक डा. विनोदबिन्दु शर्माका अनुसार योसँगै प्रदेशमा कुल संक्रमित संख्या १ हजार ६ सय ६० पुगेको छ । मृत्यु हुनेको संख्या ५ रहेको छ ।
प्रदेशमा ३१ हजार ४ सय ७६ जनाको स्वाब संकलन गरिएकोमा २९ हजार ८ सय १६ मा संक्रमण देखिएको थिएन । संंक्रमित १ हजार १ सय ६० मध्ये १ हजार ४ सय ९३ निको भइ घर फर्केका छन् ।
Related News
सम्बन्धित समाचार
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
कोरोनाको उद्गमस्थल चीनको वुहानमा फेरि लकडाउन
hero news full width
मुख्य समाचार
पर्वत र बागलुङका सिडिओ फेरिए
जनप्रिय क्याम्पस प्रमुखमा रमेशबहादुर खड्का
जेठ ४, २०८१धानको लोपोन्मुख प्रजाति संरक्षण गरिँदै
जेठ ४, २०८१गण्डकीमा थुप्रिए रुग्ण र समस्याग्रस्त योजना
जेठ ४, २०८१सराङकोटमा सहिद स्मृति भवन निर्माण
जेठ ३, २०८१पोखराका स्पामा बालिकालाई लगाइन्छ यौनजन्य कार्यमा, ६ जनाको उद्धार
जेठ २, २०८१