काठमाडौं । नेपालमा एकै दिन ४ सय ६४ जनामा कोरोना भाइरस संक्रमण पुष्टि भएको छ । गएको २४ घण्टामा थप ४ सय ६४ जना संक्रमित थपिएको शुक्रबार स्वास्थ्य तथा जनसंख्या मन्त्रालयको नियमित प्रेस ब्रिफिङमा जनायो ।
मन्त्रालयका प्रवक्ता प्राडा जागेश्वर गौतमले देशभरका प्रयोगशालामा गरिएको परीक्षणमा थप संक्रमितसहित कुल संक्रमितको संख्या २२ हजार २ सय १४ पुगेको जानकारी दिए । तीमध्ये सक्रिय संक्रमितको संख्या ६ हजार ३ सय ३० रहेको छ ।
यस्तै, ४ सय २५ जना पछिल्लो २४ घण्टामा निको भइ घर फर्केका छन् । कुल निको हुने १५ हजार ८ सय १४ जना पुगेका छन् । प्रवक्ता गौतमका अनुसार अहिले देशभरि विभिन्न स्थानमा १० हजार २ सय ५ जना क्वारन्टिन बसेका छन् । गएको २४ घण्टामा देशभर कोरोनाबाट ५ जनाको मृत्यु भएको छ । हालसम्म कुल ७० जनाको मृत्यु भयो ।
यसैबीच, संक्रमण दर पुनः बढ्न थालेपछि काठमाडौं उपत्यकाका ३ वटै जिल्ला प्रशासन कार्यालयबाट हुने अत्यावश्यक बाहेकका अन्य कामहरू आइतबारदेखि बन्द हुने भएका छन् । ती जिल्लाका प्रमुख जिल्ला अधिकारीहरूको शुक्रवार बसेको बैठककले उपत्यकामा रहेका ३ वटै जिल्ला प्रशासन कार्यालयहरूमा अत्यावश्यक सेवाहरू बाहेक अन्य सेवा बन्द गर्ने निर्णय गरिएको हो ।
यता, पोखरामा एकपछि अर्को कोरोना संक्रमित थपिदै गएको छ । शुक्रबार १० जनामा संक्रमण देखा परेको प्रदेश स्वास्थ्य निर्देशनालयले जनाएको हो ।
स्वास्थ्य निर्देशक डा.विनोदबिन्दु शर्माका अनुसार पोखरा १९ मा ६ जना, वडा १५ र वडा ३१ मा एक एक जनामा संक्रमण देखा परेको हो । तीमध्ये ४–४ जना पुरुष र महिला छन् ।
क्षयरोग उपचार केन्द्र पोखरामा गरिएको पीसीआर परीक्षणमा पोखरा १९ का वर्ष ५८, ६८ र ८८ का ३ जना महिलामा कोरोना पुष्टि भएको हो । वडा १९ मै वर्ष ५७ का एक जना पुरुष तथा वर्ष ६० का २ जना पुरुषमा कोरोना देखिएको छ ।
यस्तै, वडा १५ मा वर्ष ३२ की महिला र वडा ३२ मा वर्ष १९ का पुरुषमा कोभिड–१९ देखिएको जनाइएको छ ।
पोखरामा शुक्रबार बिहान वडा २ र ८ मा गरी २ जनामा कोरोना संक्रमण देखा परेको जनाइएको थियो । बिहीबार पोखरा ८ मा एकै परिवारमा थप ४ जनामा कोरोना देखिएपछि त्यस क्षेत्रमा सतर्कता अपनाइएको छ ।
गण्डकीमा हालसम्म कोरोना संक्रमितको संख्या १ हजार ५ सय ८७ पुगेको छ । तीमध्ये १ हजार ३ सय ८३ जना निको भएका छन् । ४ जनाको मृत्यु भएको छ ।
यता, सरकारले प्रभावकारी कदम चालेकोले कोरोना संक्रमित बढ्न नपाएको दाबी गरेको छ । कोभिड–१९ को रोकथाम र नियन्त्रणमा सरकारले प्रभावकारी भूमिका नखेलेको भए साउन २५ सम्म ९१ हजार सक्रिय सङ्क्रमित हुनसक्ने आँकलन थियो । स्वास्थ्य मन्त्रालयले खराब अवस्थामा साउन २५ गतेसम्म सक्रिय सङ्क्रमित ९१ हजार र मध्यम अवस्थामा भदौ २ गतेसम्म ३९ हजार हुन सक्ने अनुमान गरेको थियो । तर सरकारले खेलेको प्रभावकारी कदमका कारण त्यति ठूलो संख्यामा सङ्क्रमित हुन नपाएको दाबी गर्दै शुक्रबारसम्म ६ हजार ३ सय ३० जना सक्रिय सङ्क्रमित रहेको बताइएको छ ।
नेपालमा पहिलोपटक माघ ९ गते चीनको वुहानबाट आएका विद्यार्थीमा सङ्क्रमण देखिएको थियो । हाल कोरोना संक्रमण जोखिम न्यूनीकरणका लागि दुई दर्जन बढी जिल्लामा ‘लकडाउन’ गरिएको छ ।
Related News
सम्बन्धित समाचार
कोभिडबाट एकको मृत्यु, १०६ संक्रमित थपिए
कोरोना भाइरसबाट आज एक जनाको निधन
गण्डकीका ३ सहित मुलुकभरका १३ जिल्लामा कोरोनाको शून्य संक्रमण
कास्कीमा २ सय बढी संक्रमित
कोरोनाको उद्गमस्थल चीनको वुहानमा फेरि लकडाउन
hero news full width
मुख्य समाचार
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१