विश्वमा कोभिड–१९ नपुगेको अब कुनै देश रहेन । हाम्रो मुलुक पनि यतिबेला कोभिड–१९ बाट आक्रान्त बनेको छ । नेपालमा कोरोनाको दोस्रो भेरियन्ट सुरु भएपश्चात् कोभिडबाट प्रभावित हुने नागरिकको संख्या ह्वात्तै बढेको छ । आजसम्मको विश्व स्वास्थ्य संगठनको तथ्यांक हेर्दा कोभिडका कारण विश्वभरमा १७ करोड ७० लाखभन्दा बढी मानिसहरु संक्रमित हुन पुगेका छन् । झण्डै ३८ लाख ६६ हजार मानिसको ज्यान गयो ।
नेपालको हकमा संक्रमितको संख्या ६ लाख १७ हजारभन्दा बढी छ भने ज्यान गुमाउनेहरुको संख्या ८ हजार ६ सय ४१ पुगिसकेको छ । यतिबेला विश्व एउटा भाइरसको त्रासदीले मानवलाई दिएको पीडा र यसबाट सिर्जित आर्थिक सामाजिक असरबाट मुक्ति पाउने अवसरको खोजीमा छ ।
रोटरी इन्टरनेसनल डिस्ट्रिक्ट ३२९२ नेपाल भुटानले गत वर्ष नेपालमा कोभिडविरुद्धको अभियानमा खेलेको भूमिका प्रसंशनीय रह्यो । कोभिड–१९ को दोस्रो भेरियन्ट सुरु भएयता रोटरी डिस्ट्रिक्ट ३२९२ अन्तर्गतका १४५ रोटरी क्लबका झण्डै ६ हजार रोटरियनहरु यसविरुद्ध जनचेतना जगाउने, स्वास्थ्य सामग्री वितरण गर्ने एवं अक्सिजन प्लान्ट स्थापना गर्ने जस्ता आधारभूत सेवा व्यवस्थापनमा जुटिरहेका छन् ।
‘स्वार्थभन्दा सेवा माथि’ को मुल मर्मलाई आत्मसात् गरी यो वर्ष रोटरीले नेपालमा कोभिड–१९ र समुदायको समग्र स्वास्थ्यसँग सम्बन्धित साना तथा ठूला परियोजना सञ्चालन गरी यसको जोखिम र त्रासदी कम गर्न प्रयत्नशील छ ।
अस्पतालमा अक्सिजन प्लान्ट स्थापना
रोटरी क्लब अफ काकरभित्ताको सक्रियतामा झापाका ८ ओटै क्लबहरुले मेचीनगरसहितको सहयोगमा मेचीनगरअन्तर्गत आम्दा अस्पताल धुलाबारीमा १ करोड २० लाखको लागतमा अक्सिजन प्लान्ट स्थापना हुने भएको छ । प्रतिघन्टा ४० सिलिन्डर अक्सिजन भर्ने क्षमताको उक्त प्लान्टको स्थापना द्रुत गतिमा भइरहेको क्लबले जनाएको छ । रोटरी क्लब अफ सुरुंगााले आफ्नो समन्वयमा झापा जिल्लामा सञ्चालित ‘एकका लागि एक अभियान’ अन्तर्गत उक्त अक्सिजन बैंक स्थापनार्थ ३ लाख २० हजार सहयोग सम्बन्धित अस्पताललाई हस्तान्तरण गरेको छ ।
रोटरी क्लब अफ बिर्तामोड मिडटाउनले एकका लागि एक अभियानलाई १५ लाख १५ हजार सहयोग गरेको छ । अक्सिजन सिलिन्डर बैंक स्थपना गर्न अभियानले सुरु गरेको ‘१ व्यक्ति १ सिलिन्डर’ अभियानअन्तर्गत क्लबले सो रकम प्रदान गरेको हो । चीनबाट ५ सय थान अक्सिजन सिलिन्डर ल्याउने योजनाबमोजिम पहिलो चरणमा १ सय २० थान सिलिन्डर आएको र स्थानीय अस्पताललाई वितरण गरिसकेको क्लबले जनाएको छ ।
कोभिड टेलिमेडिसिन तथा हेल्थ डेस्क
रोटरी क्लब अफ धरान घोपाले कोभिड संक्रमित बिरामीहरुका लागि स्वास्थ्यकर्मीको सहयोगमा टेलिमेडिसिन सेवा सञ्चालनमा ल्याएको छ । करिब २ लाख रुपयाँको उक्त सेवा कार्यक्रममार्फत संक्रमणको लक्षण देखिएका दुर्गम भेगका बिरामीलाई समेत लाभ पुगेको क्लबले जनाएको छ ।
रोटरी क्लब अफ रत्ननगरले स्थानीय संघ संस्था सँग सहकार्य गर्दै चितवनको खैरहनीमा कोभिड प्रभावित नागरिकहरुको सहयोगार्थ ‘खैरहनी हेल्थ डेस्क’ सञ्चालन गरेको छ । कोरोनाको लक्षण देखिएका मानिसले उक्त डेस्कबाट दैनिक सेवा प्राप्त गरिरहेको जानकारी क्लबबाट प्राप्त भएको छ ।
संक्रमितको घरमै स्वास्थ्य सामग्री
रोटरी क्लब अफ दाङले घोराही उपमहानगरपालिकासँग सहकार्य गरी कोरोना संक्रमितको घरैमा पुगी स्वास्थ्य सामग्री वितरण गरेको छ । वडाका जनप्रतिनिधि, सहरी स्वास्थ्य केन्द्रका स्वास्थ्यकर्मीसहित रोटरी क्लबका पदाधिकारीहरुको सहभागितामा लक्षणसहितका संक्रमितको घरमा औषधी तथा स्वास्थ्य सामग्री वितरण गरेको छ ।
संक्रमितलाई अस्पतालसम्म जान सहजताका लागि अटो एम्बुलेन्स सञ्चालन र होम आइसोलेसनमा बसेका बिरामीहरुलाई अक्सिजन आपूर्ति गर्दै आएको क्लबले जनाएको छ ।
स्वाब कलेक्सन सेवा सञ्चालन
रोटरी क्लब अफ विराटनगरले विराटनगर नगरपालिका र हुलास मोटर्ससँगको सहकार्यमा वृद्ववृद्वा, शारीरिक अपांगता र अशक्तहरुका लागि घरघरमा गएर स्वाब कलेक्सन गर्न विराटनगरमा इलेक्ट्रिक भ्यान सञ्चालन गरेको छ । २ लाख रुपैयाँको यो परियोजनाबाट हालसम्म २ हजारभन्दा बढी मानिस लाभान्वित भइसकेका छन् ।
अस्पताललाई अक्सिजन सिलिन्डर, कन्सन्टे्टर तथा स्वास्थ्य सामग्री
रोटरी क्लब अफ नारायणगढले चितवन माडीस्थित बघोडा अस्पताललाई ५ लाख २५ हजार बराबरको ठूलो क्षमता भएको ५ वोटा अक्सिजन सिलिन्डर प्रदान गरेको छ । रोटरी क्लब अफ सैनामैनाले सैनामैना नगरपालिकामा सञ्चालित सैनामैना कोभिड हस्पिटलका लागि ५ थान अक्सिजन सिलिन्डर तथा २ थान अक्सिजन कन्सन्ट्रेटर प्रदान गरेको छ ।
रोटरी क्लब अफ विराटनगर फ्युजनले रंगेली अस्पताललाई ७ लाख रुपयाँ बराबरको ३१ थान ग्यास सिलिन्डर हस्तान्तरण गरेको छ । निकट भविष्यमा १ लाख बराबरको एन्टिजेन्ट किट्स प्रदान गर्ने योजना रहेको क्लबका प्रेसिडेन्टबाट जानकारी प्राप्त भएको छ ।
रोटरी डिस्ट्रिक्ट ३२९२ जोन ६ अन्तर्गतका रोटरी क्लबहरु क्रमशः रोटरी क्लब अफ वागमती काठमान्डु, कान्तिपुर काठमान्डु, काठमान्डु डाउन टाउन, काठमान्डु मेट्रो र त्रिपुरेश्वरले अग्रपंििक्तमा काम गर्ने स्वास्थ्यकर्मीका लागि कोभिड–१९ को जोखिमबाट जोगाउन संयुक्तरुपमा ललितपुरस्थित पाटन हस्पिटललाई ८५ हजारको फेससिल्ड, मास्क र ग्लोभ्ससहितको स्वास्थ्य किट्स हस्तान्तरण गरे ।
रोटरी क्लब अफ दाङले १५ लाख रुपैयाँ बराबरको अक्सिजन कन्सन्ट्रेटर, पिपिइ सेट, पल्स अक्सिमिटरलगायतको सामग्रीहरु राप्ती स्वास्थ्य विज्ञान प्रतिष्ठान घोराही, बेलझुण्डी कोरोना अस्पताल तथा शान्तिनगर गाउँपालिकालाई वितरण गरेको छ ।
रोटरीले क्याथल्याब स्थापना, अक्सिजन प्लान्ट स्थापना, कोभिड टेलिमेडिसिन सेवा, भेन्टिलेटर, सिटीस्क्यान मेसिनका साथै स्वास्थ्य सुरक्षा सामग्री सहयोग गरेको छ
रोटरी क्लब अफ वानेश्वरले शारदा मावि तिलगंगामा रहेको कोभिड–१९ आइसोलेसन सेन्टरलाई अक्सिजन कन्सन्ट्रेटर प्रदान गरेको छ ।
रोटरी क्कब अफ चितवनले भक्तपुर अस्पताललाई १ लाख ७४ हजार २ सय बराबरको पिपिइ, सर्जिकल मास्क, एन ५ मास्क तथा रत्ननगर टाँडीलाई ५५ हजारको स्वास्थ्य किट्स हस्तान्तरण गरेको छ ।
रोटरी क्लब अफ पाटनले नेपाल हृदय रोग निवारण प्रतिष्ठानसँग सहकार्य गरी कोरोना महामारीविरुद्ध खटिएका ‘फ्रन्टलाइनर’ लाई स्वास्थ्य सामग्री वितरण गरेको छ । शुक्रराज ट्रपिकल तथा सरुवा रोग अस्पताल, वीर अस्पताल मुटु विभाग, सिभिल अस्पताल, ख्वपा अस्पताल, ललितपुर हार्ट क्लिनिकलगायत अन्य ८ ओटा स्वास्थ्य संस्थालाई २० लाख बराबरको पिपिइ, मास्कलगायत स्वास्थ्य सुरक्षा सामग्री हस्तान्तरण गरेको छ ।
क्लबले ४ सय स्वास्थ्यकर्मीलाई ड्राइफुड प्याकेट र सिभिल अस्पतालमा कार्यरत कोभिड १९ बिरामीलाई ४५ दिन सम्म निशुल्क खानाको व्यवस्था पनि गरेको छ ।
मेची प्रादेशिक अस्पताल भद्रपुरलाई झापा र मोरङका १० वटा रोटरी क्लबले संयुक्तरुपमा पिसिआर परीक्षणका लागि आवश्यक पर्ने किट अस्पताल सञ्चालक समितिका अध्यक्ष सोमनाथ पार्तेललाइ प्रदान गरे । उक्त अवसरमा ५ लाख बराबरको ५ सय थान किट पनि अस्पताललाई हस्तान्तरण गरिएको थियो ।
रोटरी क्लब अफ सैनामैनाले सैनामैना नगरपालिकाका सबै विद्यालयलाई ४ लाख १२ हजार बराबरको औषधीसहितको ‘फस्ट एड वक्स’ प्रदान गरेको छ ।
रोटरी क्लब अफ वीरगंज मेट्रोपोलिसले नारायणी अस्पतालका स्वास्थ्यकर्मीहरुको कोभिडविरुद्ध जोखिम कम गर्न १५ हजार रुपैयाँ बराबरका स्वास्थ्य सामग्री प्रदान गरेको छ ।
रोटरी क्लब अफ पोखरा फिस्टेलले पोखरा स्वास्थ्य विज्ञान प्रतिष्ठान र सरुवा तथा संक्रमित रोग रोकथाम अस्पताल लेखनाथलाई १२ लाख बराबरको सामग्री प्रदान गरेको छ ।
रोटरी क्लब अफ पोखराले आफ्नो क्लब स्थापनाको अवसरमा ३ करोड ८७ लाख रुपैयाँ बराबरका अक्सिजन कन्सन्ट्रेटर, अक्सिजन सिलिन्डर, अक्सिमिटर, थर्मोगन, माक्स, सेनिटाइजर, पिपिइ सेटलगायत वितरण गरेको क्लबले जनाएको छ ।
रोटरी क्लब अफ धनगढीले १ करोड १० लाखको लागतमा बाँके बर्दियालगायत सुदुर पश्चिमका सबै अस्पतालमा १०लिटर क्षमताका १ सय थान अक्सिजन कन्सन्ट्रेटर वितरण गरेको छ ।
हाइजेनिक किड्स तथ डस्टबिन वितरण
रोटरी क्लब अफ गोरखाले गोरखा जिल्लाका ५ वटा विद्यालयमा कोभिडको जोखिमबाट शिक्षक विद्यार्थीलाई सुरक्षित राख्न साढे २ लाख बराबरको स्वास्थ्य सामग्री वितरण गरेको छ ।
रोटरी मनिपाल कोभिड–१९ सेन्टर तथा अक्सिजन बैक स्थापना
पोखरास्थित ७ वटा रोटरी क्लबहरुले र जोन ४ अन्तर्गतका सबै रोट्रर्याक्ट क्लबद्वारा मनिपाल टिचिङ हस्पिटलमा १ सय ४० बेड क्षमताको रोटरी मनिपाल कोभिड सेन्टर तथा अक्सिजन बैंक स्थापना गरेका छन् । उक्त समग्र प्रोजेक्टका लागि करिब ५० लाख खर्च हुने संयोजक मीनु श्रेष्ठ कुँवरले बताइन् ।
आइसोलेसन केन्द्र तथा आइसियु सेवा
रोटरी क्लब अफ पश्चिम नवलपरासीले पृथ्वीचन्द्र अस्पताल परासीमा क्लबका सदस्यहरुको व्यक्तिगत खर्चमा ४ बेडको आइसियु सेवा सञ्चालन गरेको छ ।
रोटरी क्लब अफ चितवनले सामुदायिक हस्पिटलको रुपमा सञ्चालित मुग्लिङ हाइवे हस्पिटललाई १० थान बेड, ४० थान एन्टिजन किटसहित स्वास्थ्य सामग्री हस्तान्तरण गरेको छ । रोटरी क्लब अफ चितवनका अध्यक्ष रोसन पियाले करिब २ लाख ५१ हजार ५ सय बराबरको स्वास्थ्य सामग्री इच्छाकामना गाउँपालिका ५ का अध्यक्षलाई हस्तान्तरण गरेका हुन् ।
रोटरी क्लब अफ भादगाउँले नुवाकोटको लिखु गाउँपालिका ६ छहरेका सामुदायिक अस्पताललाई ९ लाखको रुपैयाँको लागतमा १० बेडको अक्सिजन कन्टेनरसहितको आइसोलेसन वार्ड स्थापना गरेको अस्पतालले जनाएको छ ।
ललितपुरस्थित रोटरी क्लबको सञ्जाल नेटवर्क अफ रोटरी क्लबस् अफ ललितपुर (एनआरसिएल) ललितपुरको बागडोलमा पूर्ण सुविधाको आइसोलेसन केन्द्र सञ्चालन गरेको छ । केन्द्रका लागि मासिक ३० लाखभन्दा बढी खर्च लाग्ने गरेको छ ।
सुरक्षाकर्मीलाई स्वास्थ्य सुरक्षा सामग्री
रोटरी क्लब अफ विराटनगरले फ्रन्टलाइनमा खट्नुपर्ने विराटनगर प्रहरी फोर्सलाई कोभिड–१९ को जोखिमबाट सुरक्षित राख्नका लागि ३० हजार वरावरको ३०० फेस शिल्ड सहित एन–९५ मास्क वितरण गरेको छ । प्रहरीले महामारिको समयमा भएको यो सहयोगको प्रसंशा गरेको छ । रोटरी क्लब अफ विराटनगर सेन्ट्रलले विराटनगर प्रहरीलाई कोभिड १९ को जोखिमबाट सुरक्षित हुनका लागि इलेक्ट्रोनिक केटल, फेस सिल्ड, मास्क, सेनिटिइजर, पन्जा आदि पर्सनल प्रोटेक्टिभ इक्युपमेन्ट हस्तान्तरण गरेको छ ।
खाद्यान्न बैंक तथा खाना वितरण
रोटरी क्लब अफ सेन्ट्रल लुम्बिनीले फुड बैंक स्थापना गरी दैनिक ज्यालादारी, विपन्न परिवार तथा असहाय नागरिकका लागि खाद्यान्न तथा मास्क वितरण गरेको छ । २०७८ १६ जेठसम्ममा ५ लाख १२ हजार बराबरका खाद्य सामग्री ३ सय २ घरका १ हजार ९ सय ५३ नागारिकलाई वितरण गरेको कुरा क्लबका प्रेसिडेन्टले जानकारी दिए । रोटरी क्लब अफ बिराटनगर सेन्ट्रलले मुसहर बस्तीमा ६० हजार बराबरको खाद्यान्न वितरण गरेको छ ।
रोटरी क्लब अफ विराटनगरले ज्यालादारी मजदुर र मानव सेवा आश्रम एवं विराटेश्वर वृद्वाश्रमका वृद्ववृद्वाका लागि १ लाख ५ हजार बराबरको ३ हजार ७ सय ५० केजी चामल र अन्य खाद्यवस्तु वितरण गरेको छ ।
रोटरी इक्लबले हिटेरी फाउन्डेसनसँग सहकार्य गर्दै कोभिड १९ को दोस्रो भेरियन्ट सुरु भएयता लगनखेल ललितपुरमा संकटमा परेका करिब १ सय जनालाई दैनिक खाना उपलब्ध गराउँदै आएको छ । हालसम्म करिब ६ लाख रुपयाँ खर्च भएको क्लबले जनाएको छ ।
रोटरी क्लब अफ दाङले दैनिकी सञ्चालनमा आवश्यक पर्ने १ लाख ३५ हजार बराबरको खाद्य सामग्री दाङस्थित मानव कल्याण सेवा केन्द्रलाई प्रदान गरेको छ ।
रोटरी ग्लोबल ग्रान्ट स्वास्थ्य परियोजना
रोटरी इन्टरनेसनल डिस्ट्रिक्ट ३२९२ अन्तर्गतका क्लबहरुले रोटरीको ७ कार्यक्षेत्रको परिधी भित्र रहि समुदायलाई सेवा प्रदान गरिरहेका छन ।
कोभिड–१९ भेन्टिलेटर जडान परियोजना
रोटरी क्लब अफ चितवनले कोभिड–१९ विरुद्धको अभियानअन्तर्गत चितवन मेडिकल कलेजलाई ५ लाख ९७ हजार युएस डलर बराबरको भेन्टिलेटर प्रदान गरेको छ । रोटरी क्लब अफ पाल्पा लुम्बिनीले २ लाख २० हजार ३ सय ३० युएस डलरको ग्लोबल ग्रान्ट परियोजनाअन्तर्गत लुम्बिनी मेडिकल कलेज एन्ड टिचिङ हस्पिटल तानसेनलाई स्वास्थ्य किट्ससहित ११ वटा भेन्टिलेटर प्रदान गरेको छ । निकट भविष्यमा हेमोडायलोसिस मेसिन प्रदान गर्ने योजना रहेको क्लबले जनाएको छ ।
कोभिड–१९ स्वास्थ्य सामग्री प्रदान
समुदायलाई कोभिड–१९ को संक्रमणबाट सुरक्षित राख्नका लागि रोटरी क्लब अफ विराटनगरको अग्रसरता रोटरी क्लब अफ विराटनगर र रोटरी क्कब अफ विराटनागर फ्यूजनको सहभागितामा अमेरिकी डलर ८८ हजार लागतमा ग्लोबल ग्रान्ट प्रोजेक्ट सञ्चालन भएको छ । उक्त योजनाअन्तर्गत विराटनगर नगरपालिकामार्फत धरानस्थित बिपी कोइराला स्वास्थ्य विज्ञान प्रतिष्ठान र कोभिड–१९ हस्पिटल विराटनगरलाई पिसिआर मेसिन, आरएनए एक्स्ट्रयाक्टर मेसिन, भेन्टिलेटर, दराजसहितको कम्प्लिट हस्पिटल बेड, इन्सिनेरेटर, स्वास्थ्य किट्स प्रदान गरिएको थियो ।
कोभिड–१९ पिसिआर किट्स वितरण
रोटरी क्लब अफ कान्तिपुर काठमान्डुले ८३ हजार ८९ युएस डलर लागतको ग्लोबल ग्रान्ट परियोजनामार्फत टिचिङ हस्पिटल महाराजगंजमा ४ हजार ८० थान र पाटन हस्पिटलमा २ हजार ७ सय ८३ थान गरी जम्मा ६ हजार ८ सय ६३ थान आरटी पिसिआर एवं एक्सट्रयाक्सन किट्स वितरण गरेको छ ।
सिटीस्क्यान मेसिन जडान
रोटरी क्लब अफ सेन्ट्रल बुटवलले गौतम बुध्द सामुदायिक हार्ट हस्पिटलमा बुटवलमा ६ लाख ५ हजारको लागतमा सिटीस्क्यान मेसिन जडान गरेको छ । रोटरी क्लब अफ राजधानी र रोटरी क्लब अफ काठमान्डु मिडटाउनले ३ लाख ४५ हजार लागतमा मनिहर्ष डायग्नोस्टिक सेन्टरमा सिटिस्क्यान मेसिन जडान गरेको छ ।
अक्सिजन बैंक स्थापना
एनआरसियल जीवनको आसा मिसनअन्तर्गत रोटरी कलब अफ यालाले १ करोडको ग्लोबल ग्रान्ट सञ्चालन गरी हाल बागडोलस्थित आइसोलेसन केन्द्र स्थापना भएको वृद्वाश्रमको घरमा प्रतिदिन ५० सिलिन्डर अक्सिजन उत्पादन क्षमता भएको अक्सिजन बैंक सञ्चालन गर्ने लक्ष्यसहित प्रक्रिया अगाडि बढाएको क्लबले जनाएको छ ।
डायलोसिस मेसिन जडान
रोटरी क्लब अफ सेन्ट्रल बुटवल र रोटरी क्लब अफ वालिङले वालिङ स्वास्थ्य केन्द्रमा ४ लाख ६० हजारको लागतमा डायलनेसिस मेसिन जडान गरेको छ । रोटरी क्लब अफ सेन्ट्रल बुटवलले पाल्पा डायलोसिस सेन्टर, लमही डायलोसिस सेन्टर र जिबिसी हार्ट हस्पिटल बुटवलमा ५ लाख ६० हजारको ग्लोबल ग्रान्ट परियोजना सञ्चालन गरी डायलोसिस मेसिन जडान गरेको क्लबले जनाएको छ ।
युएसजी तथा इसिजी मेसिन हस्तान्तरण
रोटरी क्लब अफ जावलाखेलले ४५ हजार युएस डलरको ग्लोबल ग्रान्ट परियोजना अन्तर्गत गोकर्णेश्वर नगरपालिकास्थित गोकर्ण प्राथमिक अस्पताललाई अल्ट्रासाउन्ड एवं इसिजी मेसिन हस्तान्तरण गरेको छ । सिन्धुपाल्चोकको बलेफी, पर्वतको पैयुँ, धादिङको बैरेनी र रुपन्देहीको धकधही प्राथमिक अस्पताललाई पनि युएसजी र इसिजी मेसिन प्रदान गर्ने योजना रहेको क्लबले जनाएको छ ।
क्याथल्याब स्थापना
रोटरी क्लब अफ बुटवल सेन्ट्रल र रोटरी क्लब अफ बुटवलले गौतम बुध्द सामुदायिक हार्ट हस्पिटल बुटवलमा ६ लाख १५ हजार युएस डलरको लागतमा क्याथ ल्याब स्थापना गरेको छ ।
पोखरास्थित सबै रोटरी क्लबसमेत रोटरी क्लब अफ पोखराले गण्डकी हस्पिटल पोखरामा ४ लाख १० हजार युएस डलर लागतमा क्याथल्याब स्थापना गरेको छ ।
उल्लेखित योजनाहरुको विश्लेषण, अध्ययन र हालसम्म विभिन्न स्रोतबाट डिस्ट्रिक्ट अफिसमा प्राप्त हुन आएका जानकारीसमेतको आधारमा यो वर्ष रोटरीले नेपालमा करिब ८५ करोड रुपैयाँभन्दा बढीको साना तथा ठूला परियोजना सञ्चालन गरी समग्र स्वास्थ्य र कोभिड–१९ को जोखिम र त्रासदी कम गर्न प्रयत्नशील रहेको पाइयो ।
डिस्ट्रिक्ट ३२९२ अन्तर्गतका क्लबहरु कोभिड–१९ विरुद्धको अभियानलाई तीव्र बनाई समुदायलाई कोरोना जोखिमबाट जोगाउन आवश्यकता अनुसार थप आन्तरिक योजना र ठूला ग्लोबल ग्रान्ट परियोजनासमेत सञ्चालनको तयारीमा छन् ।
(बराल डिस्ट्रिक्ट पब्लिक इमेज कमिटी अध्यक्ष हुन् ।)
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
राप्रपाले साथ नदिने भएपछि अधिकारी सरकार संकटमा, अब के होला ?
लाटोकोसेरो संरक्षक राजु आचार्यलाई बेलायतमा अवार्ड
वैशाख २०, २०८१पाेखरामा कालो धुँवा फाल्ने गाडीका चालक कारवाहीमा
वैशाख २०, २०८१मजदुरलाई छैन मजदुर दिवस रौनक
वैशाख २०, २०८१गण्डकीमा संविधान भर्सेज सर्वोच्च
वैशाख २०, २०८१पोखराको अमरसिंहको बिजुली पसलमा आगलागी, १ करोडको क्षति
वैशाख २०, २०८१