“मैले देख्या टिचर”, एक विद्यार्थी ।
“मैले त देखिन टिचर”, अर्को बिद्यार्थी ।
“आवाज काटिएर आएको छ” वीचैमा अर्को बिद्याथीले थपे ।
“मेरो होमओर्क आयो टिचर” अर्कोले प्रश्न गर्यो ।
“हिजोको कक्षामा म बस्न पाइन बत्ति गयो । आज फेरी दोहोर्याईदिनु है टिचरै”, अर्को बिद्यार्थीको गुनासो थियो ।
बीचैमा अभिभावक बोले “टिचर हजुरको मोवाइल नम्बर दिनुहोस् न, कक्षा सकिए पछि हजुरसंग कुरा गर्नु छ ।”
यी वा यस्तै बिषयहरु अनलाईन कक्षामा दिनहुँ आजभोली नियमित आउने गर्दछन् । एक घण्टाको अनलाईन कक्षामा कसको जिज्ञास मेटाउने र कसरी प्रभावकारी ढंगले पढाई संचालन गर्ने शिक्षकहरुलाई चुनौतिको बिषय बनेको छ । गत चैत्र महिना देखि लाखौ बिद्यार्थीहरुले बिद्यालयमा गएर पढ्न पाएका छैनन् । कोरोना भाईरसका पढाई अनिश्चित वनेको छ । बिद्यार्थीहरुले पढ्ने अवसर गुमाएका छन् । बिद्यालय संचालन गर्न सरकारले भाद्र देखि तयार गरे पनि कोरोनाको संक्रमण समुदायमा फैलन थाले पछि उक्त निर्णयवाट सरकार पछि हटेको छ । लाखौं बिद्यार्थीहरुको पढाई अझै अनिश्चित वन्न थालेको छ । कतिपय समुदायका सरकारी र नीजि बिद्यालयहरु अझै क्यारेन्टिरहरु वनाईएका छन् । केही क्यारेन्टिनहरु भने स्थानीय सरकारले हटाई सकेको छ । अनिश्चितता बढेसंग केही सरकारी र नीजि बिद्यालयहरुले अनलाईनवाट कक्षाहरु सचालन गर्न थालेका छन् । शहरी क्षेत्र र इन्टरनेटको पहुँच भएका अभिभावकहरुले आफ्ना छोराछोरीहरुलाई अनलाई कक्षामा भर्ना गराएका छन् । कक्षा संचालन भए पनि बिभिन्न प्राविधि पक्षका कारण त्यस्ता कक्षाहरु अझै प्रभावकारीरुपमा संचालन हुन सकेका छैनन् । आफु एक अभिभावकका नाताले आफुले देखेर भोगेको अनुभवहरुलाई यस आलेखमा समावेश गर्ने प्रयास गरिएको छ । यस आलेखमा अनलाईन कक्षामा के कस्ता समस्याहरु छन् । ती समस्याहरुको व्यवस्थापनका लागि बिद्यार्थी, अभिभावक, सरकार, शिक्षक र बिद्यालय व्यवस्थापकको के भूमिका हुन सक्छ भन्नेमा केन्द्रीत छ ।
भरखरै सरकारले केही रेडियो र टेलिभिजनहरुमा मार्फत कक्षाहरु संचालन गर्न थालेको छ । सवै बिद्यार्थीहरु त्यस्ता कक्षाहरुको पहुँचमा छैनन् । नेपालका प्रायः सबै कलेज र बिद्यालयहरुमा कसरी अनलाईवाट कक्षाहरु संचालन गर्ने भन्ने रणनीति छैन ।
अनलाइन कक्षाको मुख्य आवश्यकता इन्टरनेट हो । नेपालको हरेक समुदायका व्यक्तिहरुमा इन्टरनेट पहुँच छैन् । हालै गरिएको एक अध्ययानका अनुसार नेपालमा कुल जनसंख्याको ५६ प्रतिशत व्यक्तिहरु मात्र इन्टरनेटको पहुँचमा छन् भने जम्मा १३ प्रतिशत बिद्यालयहरु इन्टरनेटवाट कक्षा संचालन गर्न सक्षम छन् । इन्टरनेट पँहुच भए पनि इन्टेनेटमा आउने उतर चढावले कक्षामा समस्या आउन थालेको छ । बन्दा बन्दीको समय पछि इन्टरनेट चलाउनेको संख्या बढेको थियो । त्यो सामाजिक संञ्जाल मात्र । इन्टरनेट प्रदायकहरुले सामाजिक सञ्जालहरु चलाउन बिशेष प्याकेजहरु उपलव्ध गराएका छन् । पढाईका लागि पुरा भिडियो हेरेर गर्न मिल्ने सस्तो र सुलभ दरमा कुनै प्याकेज छैन । उदाहरणका लागि एक जुम मिटिङका लागि मात्र ५ सय एमबी देखि २ जीवी चाहिन्छ । शहरी क्षेत्रवाहेकका अन्य क्षेत्रमा यस्ता प्याकेज लिन सम्भव छैन् । वन्दाबन्दी लगत्तै अधिकांश बिद्यार्थीहरु गाउँमा छन् । गाउँमा यस्ता प्याकेजहरु लिन सम्भावना छैन ।
इन्टरनेट सुविधा भए पनि अर्को समस्या भनेको प्रविधिको उपलव्धता नहुनु हो । हरेक घरमा पढ्नका लागि ल्यापटप, स्मार्ट फोन उपलव्ध छैन् । भए पनि एक दुई । त्यस्ता साधनहरु परिवारका जेष्ठ सदस्यहरुले काम वा आफ्नो सजिलोका लागि लिएका हुन्छन् । पढ्नका लागि भने व्यवस्था गरेका हुदैनन् । वन्दाबन्दीको समय भन्दा पहिले कक्षा १२ पास नगरि मोवाइल दिनु हुदैन भन्ने मान्यता थियो । छोराछोरी बिग्रन्छन् भन्ने सोच थियो । तर कोरोना भाईरसका कारण तीन/ चार बर्षका नानीबाबु देखि कलेजमा पढ्ने बिद्यार्थीको हात हातमा मोवाइल र ल्यापटप छ । अभिभावकले प्रयोग नगरेर भए पनि छोराछोरीलाई मोवाइल र ल्यापटप उपलव्ध गराएका छन् । एकै परिवारमा तीन भन्दा बढी छोराछोरी भएका घरहरुमा भने पूर्णरुपमा अनलाईन कक्षामा सहभागी हुन पाएका छैनन् । यिनै प्राविधिक कारणले गर्दा अनलाईन कक्षा संचालन गरेका बिद्यालयहरुले ५० प्रतिशत भन्दा पनि कम बिद्याथीहरुलाई अनलाइनमा सकेका छन् ।
त्यसै गरी शिक्षकहरुलाई परम्परागत विधिवाट नयाँ प्रविधिमा आफुलाई अभ्यस्त बनाउन कठिन भएको छ । यो अर्को समस्या हो । वनाईको बिषयहरु पनि प्रविधि युक्त छैनन् । शिक्षकहरुलाई अनलाईवाट प्रभावकारी ढंगले कसरी कक्षा संचालन गर्ने भन्ने ज्ञान पनि छैन् । बन्दाबन्दीका कारण उनीहरुले क्षमता बृद्धिका तालिमहरुमा सहभागी हुन सकेका छैनन् । कतिपय शिक्षकहरु इमेल कसरी हेर्ने, कसरी पठाउने, गुगल क्लासमा कसरी गृहकार्यहरु दिने भन्नेमा पूर्ण अनभिज्ञ छन् । त्यही माथि अधिकांश शिक्षकहरुको आफ्नो ल्यापटप छैन । बिद्यालयहरुले ल्यापटप किनेर दिनसक्ने अवस्था छैन् । मोवालवाट कक्षा चलाउन सम्भावना छैन । पूर्वतयारी विना संचालन गरिएको अनलाईन कक्षाले दीर्घकालीनरुपमा शिक्षामा नकारात्मक असर पार्न सक्ने देखिन्छ ।
अभिभावकको पक्षवाट हेर्दा, कोरोना भाईरसका कारण धेरै अभिभावकहरुले आफ्नो आम्दानीको श्रोत गुमाएका छन् । देशको आम्दानीको मुख्य श्रोत बैदेशिक रोजगार हो । रेमिटेन्सले देशको अर्थतन्त्रमा थप टेवा पुगेको थियो । कामका लागि विदेशीने परिवारका छोराछोरीको पठाईमा थप टेवा मिलेको थियो । तर विस्तारै आम्दानी गुम्न थालेको छ । व्यापार व्यवसाय बन्द छ । त्यसैले गर्दा नियमित इन्टरनेटको खर्च व्यवस्था गरेर पढाईलाई निरन्तरता दिने सम्भावना कम छ । अनलाईन कक्षामा जोडिएका अभिभावकहरुले आफ्नो छोराछोरीलाई पूर्णरुपमा एक्लै छाड्न सक्ने अवस्था छैन् । साना नानीबाबुको पढाईका लागि दिनभरसंगै बस्नु पर्ने हुन्छ । सधै छोराछोरीको पढाईका लागि घरमै बसीरहने सम्भावना कम छ । त्यसले तल्लो तह देखि माथिल्लो तहसम्म पढाईलाई निरन्तता गराउन अभिभावकहरुलाई कठिन भएको छ ।
नेपाल सरकारले कोरोना भाईरससंग कसरी जुध्ने र पढाईलाई कसरी सँगै लैजाने भन्ने रणनीति वनाउन सकेको छैन । कोरोना भाइरसको संक्रमण अझै बढीरहेको छ । अन्योल र अनिश्चितता थपिएको छ । कहिले बिद्यालय खोल्ने ? कसैसंग पनि यसको उत्तर छैन् । भरखरै सरकारले केही रेडियो र टेलिभिजनहरुमा मार्फत कक्षाहरु संचालन गर्न थालेको छ । सवै बिद्यार्थीहरु त्यस्ता कक्षाहरुको पहुँचमा छैनन् । नेपालका प्रायः सबै कलेज र बिद्यालयहरुमा कसरी अनलाईवाट कक्षाहरु संचालन गर्ने भन्ने रणनीति छैन । शिक्षकहरु पनि अनलाईवाट कक्षा संचालन गर्न योग्य छैनन् । एक अनुसन्धानका अनुसार सावजनिक बिद्यालयका शिक्षकहरु एक प्रतिशतले पनि अनलाईनबाट पढाउन योग्य छैनन् । यही अपरिचित प्रविधि सवैका लागि वाधक वनेको छ । तथ्यांक विभागका अनुसार नेपालमा ६९.९४ प्रतिशत मात्र साक्षर छन् । त्यसमध्ये धेरै व्यक्तिलाई कम्प्युटर सम्बन्धी ज्ञान छैन ।
संकटकै कारण शिक्षालाई निरन्तरता दिन बिद्यालय, शिक्षक, अभिभावक सवै पक्षमा समस्याका पोकाहरु थुप्रा छन् । संकट लामो समय सम्म रहिरहन सक्ने भएकाले अनलाईन र अफलाइनको प्रविधि युक्त शिक्षाको विकास गराइनु अनिवार्य आवश्यकता भएको छ । तर सरकारसंग प्रष्ट नीति र रणनीति छैन । कति दिन सम्म बिद्यालय बन्द गरिरहने ? त्यसले अन्तिम विकल्प भनेको अनलाईन कक्षा हो । अनलाईन कक्षाका पनि आफ्नै फाइदा र बेफाइदाहरु छन् । तर पनि अनलाईनलाईनै अगाडि बढाउनु पर्ने बाध्यता छ । त्यसको लागि सरकार, स्थानीय निकाय, संघ संस्था, अन्तराष्ट्रिय निकायको ध्यान जानु पर्ने छ । इन्टरनेट पहुँच, अनलाईन शिक्षाको अभाव, प्रविधिसंग मिल्दो दक्ष जनशक्तिको अभाव मुख्य समस्याहरु हुन् । यस्ता समस्याहरुलाई ध्यान दिई अगाडि बढेमा बिद्यार्थी, अभिभावक, बिद्यालय व्यवस्थापनमा देखिएको निराशापनमा केहीहद सम्म भए पनि राहत हुनेछ । अतिविपन्न वर्गलाई शिक्षा सम्बन्धी इन्टरनेट प्याकेजहरु सस्तो र सुलभ वनाईनु पर्छ । अनलाईन कक्षालाई अझै प्रभावकारीरुपमा अगाडि बढाउन निम्न कार्यहरु गर्न सकिन्छ ।
सरकार, स्थानीय निकाय, बिद्यालयको भूमिका :
१) प्रविधिसंग मिल्दो कोषहरु तयार पारी लागु गर्न सहयोग गर्ने ।
२) शिक्षकहरुलाई प्रविधिमा दक्ष बनाउन सहयोग गर्ने ।
३) शिक्षकहरुले पाउने सेवा सुविधामा कटौटी नगर्ने ।
४) अनलाईन कक्षाका नियमहरु वनाउने । नियमहरुलाई कडाईका साथ लागु गर्ने ।
५) विद्यालयवाटनै अनलाईन कक्षाहरु संचालन गर्ने वाताबरण तयार गर्ने ।
६) अभिभावकहरुको प्रतिकृयाहरु लिने ।
७) परीक्षाहरु संचालनको परम्परागत विधि परिर्वतन गर्ने । हरेक बिद्यार्थीको क्षमता मूल्यांकन गर्ने ( बोल्ने, लेख्ने, सहभागिता, कक्षामा उपस्थिति आदि)
८) अतिविपन्न वर्गका छात्रछात्राहरुलाई इन्टरनेट र स्मार्ट मोवाइलका प्याकेजका लागि समन्यव गरिदिने ।
शिक्षकको भूमिका :
१) अनलाई कक्षा संचालन पूर्व तयारी गर्ने ।
२) कक्षाहरु बढी अन्र्तक्रियात्मक बनाउने । बिद्यार्थी नियन्त्रणमा बढी ध्यान दिने ।
३) बिद्यार्थीको अवलोकन गर्ने सीप र प्रतिविम्वन गर्ने सीपको विकास गर्ने । बिद्यार्र्थीको मनोबिज्ञानलाई ध्यान दिने ।
४) हरेक साताको अन्तिम दिन होमवर्क दिने । होमवर्क एक साता पछि बुझाउने । विद्यार्थीको मूल्यांकन गर्ने आधारहरु होमवर्क, कक्षामा सहभागीता, उनले दिने तर्क र अनलाई कक्षाको उपस्थितिलाई आधार मान्ने ।
अभिभावकको भूमिका :
१) अनलाइन कक्षामा छोरोछोरीलाई भर्ना गराउने ।
२) इन्टरनेट र मोवाइलको समस्या भएमा बिद्यालयसंग सम्पर्क राख्ने ।
३) छोरोछारीको पढाइ, होमवर्कमा अनुगमन गर्ने ।
४) बिद्यालयका शिक्षकहरुसंग नियमित सम्पर्कमा रहिरहने ।
५) अनलाइन सम्भव नभए अफलाइनमा छोराछोरीलाई प्रेरणा दिने ।
बिद्यार्थीहरुको भूमिका :
१) अनलाइन कक्षामा ध्यानदिएर सहभागी हुने ।
२) अनलाईन कक्षाका नीति नियमहरु पालना गर्ने ।
३) कक्षा कार्य र गृहकार्यहरु रुचीपूर्वक गर्ने आदि ।
Related News
सम्बन्धित समाचार
‘स्व’ को खोजीमा प्रतीक्षा
गण्डकीमा विपद् जोखिमको अवस्था, पूर्वतयारी र न्यूनीकरण
नमच्चिने पिङको सय झड्का (हास्यव्यङ्ग्य निबन्ध)
बालकथा : मौकाको साटो
बुद्ध जयन्ती – एक चर्चा बुद्धशिक्षाको
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१