त्यस दिन बिहान उठ्दा मेरो मनमा एउटा भिन्नै किसिमको उत्सुकता थियो । मलाई थाहा थियो त्यो दिन सामान्य हुने छैन । यही कुराले मेरो मन खुलदुल भएको थियो । पठनपाठन नभएको दिन पारेर मेरो विद्यालय (पोखरा सेकेन्डरी स्कुल बगर) ले हामी कक्षा ११ मा अध्ययनरत व्यवस्थापन संकायका विद्यार्थी लक्षित गर्दै अवलोकन भ्रमणको आयोजना गरेको थियो ।
कक्षा ११ मा अध्ययन गर्दैगर्दा पहिलोपटक किताबका विषयवस्तुभन्दा अलग्गै व्यावहारिक ज्ञान प्राप्त गर्ने जाँगर र जोश मेरो भित्री मनमा उत्पन्न भएको थियो । त्यही उत्सुकता र जाँगरलाई कायम राख्दै म करिब ११ः३० को समयमा विद्यालय पुगें । करिब १२ बजेको समयमा हाम्रो विद्यालयका प्रधानाध्यापक नारायण न्यौपानेले सबैलाई एकै ठाउँमा भेला गराई भ्रमणको समयमा अपनाउनुपर्ने आचरण र सावधानीकबारे निर्देशन दिनुभयो । उहाँले आदर्श समाजले लगभग ३ दशकदेखि हाम्रो भेगमा प्रेस र प्रेस स्वतन्त्रताको क्षेत्रमा अतुलनीय कार्य गरेको हुँदा हामी उक्त कार्यालयमा पत्रपत्रिकाबारे बुझ्न र आदर्श समाजलाई बधाई दिने छौं भन्नु भयो । त्यसपछि हामी सम्पूर्ण विद्यार्थीहरु र हाम्रा आदरणीय गुरुहरु नारायण न्यौपाने, शिव त्रिपाठी, र रमेश ढकालसहित गण्डकी प्रदेशको पुरानो तथा लोकप्रिय राष्ट्रिय दैनिकको न्युरोड स्थित कार्यालयतर्फ लाग्यौं ।
कार्यालयमा पुग्ने बित्तिकै हाम्रो भेट आदर्श समाजका प्रधान सम्पादक वरिष्ठ पत्रकार कृष्णप्रसाद बास्तोलासँग भयो । आराम गर्नुपर्ने उमेरको भए तापनि हामीलाई देख्ना साथ युवाजस्तै जोश र जाँगरका साथ उत्साहित भएर हामीलाई मिठो बोलीले स्वागत गर्नुभयो । उहाँको यो उत्सुकता देखेर म उहाँबाट एकदमै प्रभावित भएँ । उहाँले हामीलाई आदर्श समाजमा ‘कसरी समाचार लेखिन्छ,’ समाचार छनोट विधि र कार्यालयका कार्य विधिबारे चर्चा गर्नुभयोे । उहाँले हामीलाई प्रेसको मुख्य आम्दानीको स्रोत नै प्रचारप्रसार रहेको कुरा पनि जानकारी गराउनुभयो । उहाँले हामीलाई कार्यालयका सबै क्षेत्र देखाउँदै समाचार संकलनदेखि प्रकाशन सम्मको कार्यालयमा हुने विधिबारे बेलिबिस्तार लगाउनुभयो । केही समय प्रेस स्वतन्त्रता र प्रेसको महत्वबारे पनि कुराकानी भयो ।
कार्यालय अवलोकनको कार्य समाप्त गरेपछि हामी विद्यार्थी एवं गुरुहरुले मिलेर केही सामूहिक तस्बिरहरु लियौं । त्यसपछि हामीले कार्यालयबाट बिदा मागेर मुख्य सम्पादक बास्तोलाज्यू कै साथमा चाउथेस्थित आदर्श समाजको छापाखाना अवलोकन गर्न अघि बढ्यौं । छापाखानाको लागि अघि बढ्दै गर्दा मेरो ध्यान पृथ्वीचोकको अस्तव्यस्त जीवन, अव्यवस्थित ट्राफिक जाम र प्रदूषणतर्फ गयो । त्यस्तो ट्राफिक र प्रदूषणलाई देख्दा हाम्रो समाजमा दिगो र व्यवस्थित विकास पूर्णरुपले नभएको महसुस मैले गरेँ ।
हामी दुई बजे छापाखानामा पुग्यौं । छापाखाना खोल्ने समय नभए तापनि उहाँहरुले हाम्रा लागि भनी छापाखाना खोलिदिनुभयो । छापाखानामा त्यस समयमा सानातिना कार्यहरु मात्र भइरहेका थिए । हाम्रा लागि भनेर छापाखाना खोली दिनुभएकोमा उहाँहरुप्रति हामी अत्यन्त आभारी थियौं । छापाखाना अत्यन्त ठूलो होला, कर्मचारीहरु धेरै होलान् भन्ने मेरो सोचाइ छापाखाना अवलोकन गर्दा भिन्न रहेको अनुभूति गरें । कर्मचारी थोरै रहे पनि समाजमा ठूलो प्रभाव पर्न पार्न सकेको आदर्श समाजको छापाखाना देखेर म अत्यन्त प्रभावित भएँ । अवलोकन कार्य समाप्त भएपछि हामीले आदर्श कम्प्लेक्समा सानो भेलाको आयोजना गर्यौं ।
प्रधान सम्पादक बास्तोलाले समाचार संकलनदेखि प्रकाशनसम्मको विधि, प्रेस स्वतन्त्रता र प्रेसको महत्वबारे बेलिबिस्तार लगाउनुभयो
भेलामा प्रधान सम्पादक बास्तोलाज्यूले आफ्नो मन्तव्य राख्नुभयो । उहाँले हामीलाई प्रेसको महत्व, कार्य र अन्य महत्वपूर्ण कुराका बारे जानकारी दिनुभयो । उहाँले प्रेस भनेको समाजको अभिन्न अंग भएकाले मानव जातिलाई महत्वपूर्ण सूचना सम्प्रेषण गर्ने काम गर्ने उल्लेख गर्नुभयो । प्रेसले समाजको उन्नति र प्रगतिमा अत्यन्त ठूलो भूमिका खेलेको सुनाउनुभयो । समाजमा रहेका कुसंस्कार र कुरीतिलाई अन्त्य गर्न र न्यायको स्थापना गर्नका लागि प्रेस महत्वपूर्ण हुन्छ भन्नुभयो । प्रेसले सबल र सक्षम राष्ट्रको निर्माणमा ठूलो योगदान दिएको भन्दै सबैको पहुँचमा सम्पूर्ण सूचनाहरु व्यक्तिगत रुपमा नपुग्ने भएकाले वा सम्भव नभएकाले त्यसलाई सम्भव बनाउनका लागि प्रेसको स्थापना भएको कुरा बताउनु भयो । त्यसैगरी लोकतन्त्रको सही कार्यान्वयन र जनप्रतिनिधिलाई जनता, समाज र राष्ट्रप्रति कर्तव्यबोध, जवाफदेहिता र जिम्मेवारीको बोध गराउन प्रेस महत्वपूर्ण छ भन्ने कुरामा प्रकाश पार्नुभयो ।
यसै क्रममा उहाँले आफू युवा हुँदा आफूले कविता यात्रा र पत्रिका प्रकाशन यात्रा बारे जानकारी दिनुभयो । उहाँले जीवनमा चाहेको कुरा हासिल गर्न इच्छा शक्तिको विकास गर्ने प्रेरणा दिनुभयो । जसबाट म एकदमै प्रभावित भएँ ।
यस भ्रमण र सम्पादकको कुरालाई विचार गर्दा मलाई प्रेसले गरिरहेको कार्य अत्यन्त महत्वपूर्ण र प्रेरणादायी लाग्यो । समाजमा शक्तिशाली व्यक्तित्वका बारेमा गलत कार्यको चर्चा गर्दा पत्रकारमाथि आउने व्यक्तिगत जोखिम रहँदारहँदै पनि समाजको हितका लागि प्रेम र सद्भावको भावना राख्ने प्रत्रकारहरुबाट म अत्यन्त प्रभावित भएँ ।
अन्तिममा प्रधानाध्यापकले कविता वाचन र मन्तव्यको लागि सबैलाई एक ठाउँमा भेला हुन लगाउनु भयो । गुरु शिव त्रिपाठीलगायत अमृत बास्तोला, सुविन नेपाली र समीक्षा पौडेल र कृष्णप्रसाद बास्तोलाले राष्ट्रभक्ति र राष्ट्र प्रेममा आधारित आआफ्ना रचनाहरु प्रस्तुत गर्नुभयो । त्यसपछि कार्यक्रमको समापन भयो । हामीले आदर्श कम्प्लेक्समा रहेको छापाखानाबाट बिदा माग्यौं । फर्कने क्रममा हामीले २७ वर्षमा प्रवेश गर्दै गरेको आदर्श समाज अनि यसका प्रमुख सारथि कृष्णप्रसाद बास्तोला ज्यूलाई शुभकामना दियौं ।
किताबका पानाभन्दा पर वास्तविक जीवन र संसारलाई हेर्न र बुझ्न यस्ता यात्राहरु अत्यन्त महत्वपूर्ण रहन्छन् । मानवले आफ्नो जीवनमात्र नभई अरूको जीवन र उनीहरुका जीवनका भोगाइलाई पनि हेरेर प्रेरणा लिन सक्नुपर्छ । किताबबाट प्राप्त गर्ने ज्ञानभन्दा प्रत्यक्षरुपमा देखेर भोगेर वा अनुभवबाट प्राप्त गरेको ज्ञान बढी प्रभावकारी हुन्छ भन्ने कुरा मैले यस सानो तर अत्यन्त महत्वपूर्ण यात्राबाट प्राप्त गरें । कसैको जीवनका अनुभूतिबाट प्रेरणा प्राप्त गरेकोमा यस यात्राबाट म अत्यन्त सन्तुष्ट थिएँ ।
Related News
सम्बन्धित समाचार
कास्की कांग्रेसको शिखर पुरूषको अवसान
जून ओर्लेको रात र त्यसको आलोक
नयाँ बिहानी: आदर्श समाजको २९ औं वर्ष
गण्डकी प्रदेश प्रशिक्षण प्रतिष्ठानका ४ वर्ष र आगामी कार्यदिशा
राणा कालमै हलो जोत्ने क्रान्तिकारी पं. मुक्तिनाथ
hero news full width
मुख्य समाचार
कास्कीमा एसइई उत्तरपुस्तिका परीक्षण रोकियो
गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१