देशमा प्रतिपक्ष पार्टीले समेत सरकारको चर्को विरोध गर्न विषयवस्तु नपाउदाँ नेकपा वरिष्ठहरु नै ओली सरकारका लोकप्रियतामा प्रहार गर्न थालेका छन् । यो समय सरकार परिवर्तनका नारा लगाउनेहरु जनमत विरोधी हुन् ।
शत्रुसँग त म आफैसँग लड्न सक्छु तर मलाई आफनै सँग जोगाउ भन्ने उक्ति अहिले सरकारका प्रधानमन्त्री समेत रहेका नेकपाका अध्यक्ष केपी शर्मा ओलीमाथि लागु भएको छ । यो उक्ति आम व्यक्तिमा लागु भएता पनि सवैसाधारणको वढो चासो रहेको विषयमा धेरै पर्नु अस्वाभाविक होईन । विषयवस्तुको उठान सामरिक महत्वका लागि हुनुपर्दछ, त्यसले नै सकारात्मक पक्षको पक्षपोषण गर्दछ । व्यक्तिको व्यक्तिगत जीवन भएता पनि त्यो व्यक्तिगत जीवन प्रतिष्ठाका अगाडि छाँया वनिदिन्छ । जुन जिम्मेवारी वोधले समाज रुपान्तरणमा महत्वपूर्ण मूमिका खेल्नुपर्दछ । जिम्मेवारी वोध विनाको प्रतिष्ठाले व्यक्ति आर्थिक रुपमा त सवल वन्ला नै तर समाजिक र वैचारिक रुपमा समाज र देशप्रति जिम्मेवार हुन सक्दैनन । जुन नेपालको राजनीतिमा प्रति प्रकटरुपमा सतहमा देखिन्छ ।
राजनीतिको मुख्य सार के हो भन्ने वुझन नसक्नेहरु नेपालका राजनीतिमा वेग्रल्ती पाउन सकिन्छ । राजनीतिकोे सार भन्दा पनि साधनका रुपमा प्रयोग गर्नेहरु राजनीतिका केन्द्रभागमा वसेर जनताका परिवर्तनका निम्ति लडेका दावी गर्नेहरुका भीडमा आम जनताहरु पछाडि लागिरहेका छन् । विषयवस्तुको गाम्भिर्यता भन्दा हनुमानगिरी, चाकडी, चाप्लुसीमा आफनो जीवन सुरक्षित गर्नेहरुका लामो लर्कोमा आफनो भूमिका र जिम्मेवारीको मुल्यांकन गर्ने दुस्साहस नै गर्देनन् । चेतनाविहिनताको पराकाष्टा समाजमा हरेक विषयमा मात्र होईन राजनीतिमा पनि उल्लेख्य मात्रामा देख्न सकिन्छ ।
राजनीति आफैमा पुर्ण होईन, यसको सकारात्मक कार्यन्वयनले नै यसको महत्व पुष्टि गर्दछ । त्यसका लागि राजनीति व्यक्तिका लागि होईन, समाज र देश रुपान्तरणका लागि मुख्य ध्येय वन्नुपर्दछ । केपी शर्मा ओलीको नेतृत्वमा भएको चुनावमा नेकपा देशको नै सवैभन्दा ठूलोे पार्टी वन्यो । देशको नै ठूलोे जनमत हासिल गर्न ओलीको जतिको भूमिका अन्य नेताहरुको छैन । ओलीको राष्ट्रवादी अडान, भारतीय नाकावन्दीको सामना र निरन्तर लामो समयदेखिको समाज परिवर्तनका लागि ओलीको योगदानको कारण नै नेकपा पहिलो पार्टी वन्न सफल भयो । भलै अन्य नेताहरुको पनि आफनो आफनो भूमिका रहयो । तर पनि नेतृत्वमा रहेको ओलीको भूमिका नै प्रधान वनिदियो । सरकार गठन भए देखि आम नेपाली जनताहरु देशमा सम्वृद्धि आउनेमा विश्वस्त थिए । स्थिर सरकार र ओली सरकारले नै देशका मुहार फेर्ने आशामा वसेका जनताहरुमा नैराश्यता तव छायो । जव ओली सरकार माथि आफनै पार्टीका शिर्ष नेताहरुवाट असहयोग हुन थाल्यो । त्यसको कोपोभाजनमा परेका सरकार लाई असफल पार्न पार्टीभित्रका नेताहरु अग्रसर हुन थाले । जसरी हुन्छ ओली सरकारलाई असफल वनाएर शासन सत्ता आफनो हातमा लिन खोज्नेहरु जुर्मुराए । राजनीति व्यक्तिको शक्तिमा निहित हुन थाल्यो । सरकारलाई सहयोग भन्दा पनि आफु नै सर्वश्रेष्ठ हो भन्ने होडले जनतावाट तिरस्कृतहरु नै लागिदिए । स्थिर सरकारले नै परिवर्तन गर्ने आशामा रमेका जनताहरु पार्टीभित्रका फोहरी खेल देखेर राजनीति र यसका कुशल खेलाडीहरुप्रति नै नकारात्मक भाव पैदा भयो ।
सरकारलाई सहयोग गरेर देश र जनताको परिवर्तन भन्दा पनि आफुमा शक्ति केन्द्रित निहित स्वार्थमा जुर्मुराएकाहरुको रवैयाले सरकार फेरि पनि परिवर्तन हुने हो कि भन्ने शंका उत्पन्न हुन थालेको छ । कोही व्यक्ति सरकारको प्रमुख हुनका लागि जनताले यो जनमत दिएको भन्ने समेत हेक्का नराख्नेहरु जसरी पनि शक्ति र सत्तामा पुग्ने ध्येयले गरिएको तिकडमले अन्तत कसैलाई पनि राम्रो गर्दैन । विगतमा शक्ति र सत्तामा रहेर पनि आम जनताका परिवर्तनका खातिर केहि गर्न नसकेका हरु लोकतन्त्र र परिवर्तनका नारा उचालेर जनमत विभाजन गर्न सकिन्छ भन्ने सपना कसैले पनि नपाल्दा नै हुन्छ, किनकी नेकपालाई ठूलोे जनमत सीमित नेताले मात्र हैन, जनता र सच्चा कार्यकर्ताले दिएका हुन् र त्यसको नेतृत्व ओलीले गरेका हुन् । जुन एकमात्र सत्य हो । ओलीप्रतिको जनविश्वासले नै नेकपा आज सवैभन्दा ठूलोे पार्टी भएको हो । ओली प्रतिको धोका भनेको आम नेपाली प्रतिको धोका हो । लोकतन्त्रमा जनता नै सर्वशक्तिमान हुन्छन् । आम जनतामा ओली प्रति जुन भरोसा रहेको छ, त्यो आड र भरोशा अन्य नेतामा कदापी छैन । जनमतको कदर नहुनु भनेको लोकतन्त्रको वर्खिलाप शिवाय अन्य केहि हुदैन । जनमतको भावना विपरित गएर गरिने दुष्कर्म लोकतन्त्र होईन । शव्द होईन व्यवहार नै लोकतन्त्रको जननी, स्वतन्त्रता, स्वाभिमान र राष्ट्रियता जनताको मेरुदण्ड हो । जुन ओलीको नेतृत्वमा मात्र सम्भव छ । जसको नेतृत्वमा जनताले दुई तिहाईको वहुमत दियो, उसैको नेतृत्वमा देश चल्नुपर्दछ भन्ने आम भावना नेपाली जनताहरुको हो भन्ने नेकपाका वरिष्ठहरुले भुल्नु हुदैन । सरकार वन्ने र ढल्ने रवैया वनाउने हो भने एक्काईसौं शताव्दीका जनता टुलुटुल हेरेर वस्न सक्दैनन् । अहिलेको सन्र्दभमा ओलीको विकल्पमा अन्य हुन सक्दैन । नेकपाको सचिवालयको निर्णय भन्दा पनि जनताको निर्णय सर्वोपरि हो र जनता अहिले ओलीको नेतृत्व चाहन्छ, नकि शक्ति र स्वार्थका भाईरसहरुको नेतृत्व । देश विश्वव्यापी महामारीले गुज्रिरहदाँ ओली सरकारले चालेको कदमलाई विश्वले नै मानिरहेको सन्दर्भमा यो वा त्यो वहानामा ओली सरकारको विकल्प मान्य हुन सक्दैन । ओलीका कमि कमजोरी होलान् तर अन्यका तुलनामा ओली राजनेता नै हुन । देशमा अस्थिरताको खोलो वनाउने खेलमा लाग्नेहरुलाई जनताले नजिकवाट नियालिसकेका छन् । त्यसैको विकल्पमा आएको जनमत ओलीको सहज नेतृत्वका लागि हो । ओलीको लोकप्रियतामा आफनो भविश्य अन्धकार देख्नेहरु नै सरकारका खेदो खन्न उद्दत वन्नु अहिलेको समयमा कदापी सान्र्दभिक मान्न सकिदैन ।
देशमा प्रतिपक्ष पार्टीले समेत सरकारको चर्को विरोध गर्न विषयवस्तु नपाउदाँ नेकपा वरिष्ठहरु नै ओली सरकारका लोकप्रियतामा प्रहार गर्न थालेका छन् । यो समय सरकार परिवर्तनका नारा लगाउनेहरु जनमत विरोधी हुन् । नैतिकता माथि प्रश्नचिन्ह लगाउनेहरु विगतका आफनो ईतिहास हेर्ने दुस्साहस गर्दा हुन्छ । ओलीमा कमजोरी अवश्य छ, तर राष्ट्रियता, जनजिविका, स्वतन्त्रता र सार्वभौमसत्तामा अडिग छन् । जुन आम नेपाली जनता चाहन्छन् । राजनीतिका मुख्य सार नै देश र जनताप्रति उत्तरदायित्व वहन गर्नु हुन् । जुन वहन गर्न ओली सक्षम छन् र गरिरहेका छन् । राष्ट्रिय तथा अन्तर्राष्ट्रिय क्षेत्रमा समेत केन्द्रभागमा रहेका ओली नेपालभित्रका यो अन्र्तद्धन्द्धमा फसिरहन सक्दैनन् । ओलीको आत्माविश्वासले मृत्यृलाई त जित्न सक्छन् भने देशलाई कमजोर र अस्थिरता तर्फ उन्मुख गराउने शक्ति र स्वार्थका भरौटेहरु त केही पनि हैनन् । अध्यारो कुनामा रहेर ओलीको विकल्प खोज्नेहरुले ओलीको त्यो ज्वाज्यलताको रिस नगरेको राम्रो । राजनीतिको सार भन्दा वाहिर गएर गरिएको तिकडमले आफुलाई त सिध्याउँछ नै देश र जनताका लागि पनि राम्रो गर्दैन ।
वक्स १
ओलीमा कमजोरी अवश्य छ, तर राष्ट्रियता, जनजिविका, स्वतन्त्रता र सार्वभौमसत्तामा अडिग छन् । जुन आम नेपाली जनता चाहन्छन् । राजनीतिका मुख्य सार नै देश र जनताप्रति उत्तरदायित्व वहन गर्नु हुन् । जुन वहन गर्न ओली सक्षम छन् र गरिरहेका छन् । नैतिकता माथि प्रश्नचिन्ह लगाउनेहरु विगतका आफनो ईतिहास हेर्ने दुस्साहस गर्दा हुन्छ ।
वक्स २
ओलीको आत्माविश्वासले मृत्यृलाई त जित्न सक्छन् भने देशलाई कमजोर र अस्थिरता तर्फ उन्मुख गराउने शक्ति र स्वार्थका भरौटेहरु त केही पनि हैनन । अध्यारो कुनामा रहेर ओलीको विकल्प खोज्नेहरुले ओलीको त्यो ज्वाज्यलताको रिस नगरेको राम्रो ।
वक्स ३
नेकपालाई ठूलोे जनमत सीमित नेताले मात्र हैन, सच्चा कार्यकर्ता र जनताले दिएका हुन र त्यसको नेतृत्व ओलीले गरेका हुन् । जुन एकमात्र सत्य हो । ओलीप्रतिको जनविश्वासले नै नेकपा आज सवैभन्दा ठूलोे पार्टी भएको हो । ओली प्रतिको धोका भनेको आम नेपाली र लोकतन्त्रप्रतिको धोका हो ।
Related News
सम्बन्धित समाचार
‘स्व’ को खोजीमा प्रतीक्षा
गण्डकीमा विपद् जोखिमको अवस्था, पूर्वतयारी र न्यूनीकरण
नमच्चिने पिङको सय झड्का (हास्यव्यङ्ग्य निबन्ध)
बालकथा : मौकाको साटो
बुद्ध जयन्ती – एक चर्चा बुद्धशिक्षाको
hero news full width
मुख्य समाचार
रेवान पोखरामा विश्वराज
कर्जा विस्तार हुनेगरी मौद्रिक नीति ल्यायौंः गभर्नर अधिकारी
श्रावण ११, २०८१गायक तथा गीतकार एलपी जोशी रहेनन्
श्रावण ११, २०८१आज मौद्रिक नीति सार्वजनिक हुँदै
श्रावण ११, २०८१पोखराको गन्नीलाई रनिङ सिल्ड
श्रावण १०, २०८१लीलादेवी बनिन् पहिलो महिला मुख्यसचिव
श्रावण १०, २०८१