अमेरिकामा रहेर लामो समयदेखि सक्रिय पत्रकारिता गरिरहेका पत्रकार सतिश चापागाईं म्यूजिक भिडियोमार्फत उदाएका छन्। उनको शब्द तथा अभिनयमा ‘तिम्रो मन कोमल’ गीत श्रोता–दर्शकमाझ आएको छ।

रामकृष्ण ढकालको गायन एवं आलोक श्रीको निर्देशन र संगीतमा सजिएको यो गीत अहिले चर्चित बन्दैछ। पहिलो मिस नेपाल यूनिभर्स नग्मा श्रेष्ठ गीतमा चापागाईंको प्रेमिकाको रुपमा गीतमा अभिनय गरेकी छन्। नेप्लिज डायस्पोरा अनलाइन पत्रिकाका सम्पादक समेत रहेका चापागाईंको प्रेमिकाको सुन्दरताको बयान गरिएको सो गीतको शब्द मर्मस्पर्शी छ।

सानैदेखि साहित्य, संगीत र पत्रकारितामा रुची भएका चापागाईं लामो समय पाल्पाको तानसेनलाई कार्यक्षेत्र बनाएर पत्रकारिता गरेका थिए। उनी नेपाल प्रेस युनियन पाल्पाको पूर्व सभापति पनि हुन्।

यस वर्षको दसैंमा अमेरिकाबाट नेपाल फर्केका उनले भिडियो सुटिङ गरेका हुन्।