जोजिजू म्यूजिकल जर्नीमा स्रष्टा सम्मान

आदर्श समाज सम्वाददाता
असाेज १३, २०७६
jojiju_Fotor

जोजिजू म्यूजिकल जर्नी–२०७६ मा स्रष्टा सम्मान गरिएको छ।

जोजिजू म्यूजिक सेन्टर म्यूजिक स्कुल पोखराद्वारा आयोजित उक्त कार्यक्रममा संस्कृतिकर्मी कृष्णबहादुर श्रेष्ठ र पत्रकार कृष्णप्रसाद बास्तोलालाई सम्मान गरिएको हो।

कार्यक्रमका प्रमुख अतिथि गण्डकी प्रदेश सभाका सभामुख नेत्रनाथ अधिकारी, वरिष्ठ साहित्यकार सरुभक्त, तीर्थ श्रेष्ठ, सेन्टरका प्रबन्ध निदेर्शक विनित जोजिजू, कार्यक्रम संयोजक सानु जोजिजूले सम्मानपत्र, दोसल्ला र टीका प्रदान गरी सम्मान गरेका थिए।

सोही समारोहबीच बाल कलाकार उत्प्रेम जोजिजूलाई उनको जन्म दिनको अवसर पारी शुभकामनासहित सम्मान गरिएको थियो।

त्यस अवसरमा प्रमुख अतिथि सभामुख अधिकारीले सबैलाई मन्त्रमुग्ध पार्ने शक्ति संगीतमा रहेको बताउँदै यसको विकासमा जोजिजू परिवारको योगदान प्रशंसनीय रहेको बताए।

हाम्रो देश विविध संस्कृतिले धनी भएको उल्लेख गर्दै उनले संस्कृति नै हाम्रो पहिचान भएको र यसको संरक्षण गर्नुपर्नेमा जोड दिए।

संस्कृतिकर्मी तीर्थ श्रेष्ठले नेपाली संगीत पश्चिमा संगीतबाट आक्रान्त भएको र नेपाली संगीतलाई बचाउन कडा अभियान आवश्यक भएको बताए।

सम्मानित स्रष्टा कृष्णबहादुर श्रेष्ठले संगीतका क्षेत्रमा लाग्नेहरुलाई उपयुक्त वातावरण बनाउन आफूले सघाउँदै आएको बताए।

अर्का सम्मानित पत्रकार कृष्णप्रसाद बास्तोलाले कलाकारले संगीतका माध्यम र पत्रकारले कलमका माध्यमबाट समाजलाई सुसूचित र आनन्दित बनाउन पर्नेमा जोड दिए।

कार्यक्रमका अध्यक्ष तथा जोजिजू म्यूजिक सेन्टरका प्रबन्ध निदेर्शक विनित जोजिजूले सेन्टरले विगत १६ वर्षदेखि निरन्तर संगीत क्षेत्रमा योगदान दिँदै आएको बताए।

कार्यक्रममा प्राप्ति तुलाचनको प्रस्तुति, विकास मगरको क्यारिकेचर रहेको थियो।

कार्यक्रममा दशैं पर्वलाई लक्षित गरी मालाश्री धुन प्रस्तुत गरिएको थियो। भायोलिनमा सानो जोजिजू, गितारमा नेसन पुन, प्रदीप ठकुरी, की–बोर्डमा करण तामाङ, प्याडमा विमल गायक, तवलामा उत्प्रेम जोजिजू थिए। कार्यक्रममा हिमाली सांस्कृतिक परिवार, सुस्मिता डान्स सेन्टर, हामोर्निक ग्रुप लगायतको सहयोग रहेको जनाइएको छ।

सेन्टरका व्यवस्थापक एवम् कार्यक्रम संयोजक सानु जोजिजूको स्वागत मन्तव्य रहेको सो कार्यक्रमको सञ्चालन सञ्चारकर्मी सन्तोष बस्यालले गरेका थिए।

Related News

सम्बन्धित समाचार

  • पूर्व बैंकर सञ्जीवको ‘छोटु’ सार्वजनिक

    आदर्श समाज सम्वाददाता असार ३, २०८१
    चितवन । कृषि विकास बैंकका सञ्चालक समिति सदस्य सञ्जीव पौडेलको संस्मरणात्मक कृति ‘छोटु’ सार्वजनिक भएको छ । निर्वाचन आयोगका प्रमुख…
  • एसइई डान्स च्याम्पियनसिप उपाधि सृष्टिलाई

    आदर्श समाज सम्वाददाता जेठ २६, २०८१
    पोखरा । गण्डकी प्रदेशस्तरीय एसइई डान्स च्याम्पियनसिप उपाधि सृष्टि गुरुङले जितेकी छन् । यस्तै, प्रतिष्ठा कार्की दोस्रो र नीलकसना श्रेष्ठ…
  • सुमिनाको ‘बागी स्त्रीको आत्मकथा’ बारे परिचर्चा

    आदर्श समाज सम्वाददाता जेठ २६, २०८१
    पोखरा । र्‍यान्डम रिडर्स सोसाइटीले शनिबार सुमिनाको कविता सङ्ग्रह ‘बागी स्त्रीको आत्मकथा’ बारे परिचर्चा गरेको छ । पत्रकार रीना थापा…
  • पुतलीबजारमा साहित्यिक गोष्ठी

    आदर्श समाज सम्वाददाता जेठ २२, २०८१
    स्याङ्जा । पुतलीबजार प्रज्ञा प्रतिष्ठान स्याङ्जाले साहित्यिक गोष्ठी सम्पन्न गरेको छ । सो अवसरमा गण्डकी प्रदेशस्तरीय कविता प्रतियोगितासहित स्रष्टा सम्मान…
  • मौलिकता बिर्सेर बनाइयो नमूना गन्धर्वघर   

    आदर्श समाज सम्वाददाता जेठ १८, २०८१
    गण्डकी ।  कुनै समय घुमाउने (गोलो घर) नै लोपोन्मुख गन्धर्व जातिको परम्परागत बासथलो थियो । ढुङ्गा, माटो र काठले ती…

hero news full width