चलचित्र ‘प्रेम संसार’को पहिलो गीत सार्वजनिक भएको छ। चलचित्रको ‘सुनैना सुनैना’ बोलको पहिलो गीत सार्वजनिक गरिएको हो। गीतमा अञ्जु पन्त र राजेश पायल राईले स्वर भरेका छन्। गीतमा अर्जुन पोखरेलको शब्द र संगीत रहेको छ। गीतको भिडियोमा अभिनेता प्रेम सोनी गहतराज र अभिनेत्री आयुष्मा कार्कीको रोमान्टिक फिचर्ड रहेको छ।

राम गौतमले चलचित्रमा निर्देशन गरेका छन्। प्रेमबहादुर सुनार (गहतराज) को कथा लेखन रहेको चलचित्रको निर्माता पनि उनै प्रेमबहादुर रहेका छन्। उत्तम केसी र देविन गहतराज कार्यकारी निर्माताको रुपमा रहेको चलचित्रमा कमल सुनार र सीता सुनार समेत निर्माताको रुपमा रहेका छन्।

फिल्ममा अर्जुन पोखरेल र बीबी अनुरागीको संगीत रहेको छ। शंखर महर्जनको द्वन्द्व निर्देशन रहेको चलचित्रमा एकेन्द्र सारा शंकर र राम गौतमले कोरियोग्राफी गरेका छन्। दीपेन्द्र बस्न्यातले चलचित्रको छायांकन गरेका हुन्।

फिल्ममा प्रेम सोनी, कविता नेपाली, आयुष्मा कार्की, मोनिका दाहाल, विविशा पाण्डे, राम गौतम, अर्जुन पौडेल, करण पौडेल, सुनिल बिक, यमबहादुर बिक, विजय सुनार, टंक मरासैनी, किशोर पाण्डे लगायत कलाकारको अभिनय छ। फिल्म मंसिर १३ देखि प्रर्दशनमा आउने छ।