विराट आदर्श साहित्यिक मञ्च, विराटनगरको प्रस्तुतिमा पोखरा थिएटरमा नाटक ‘मुनामदन’ मञ्चन हुँदैछ।

साउन १० देखि साउन १८ सम्म नाटक मञ्चनका लागि कलाकारसहित १५ सदस्यीय टिम पोखरा आइसकेको छ। उनीहरु यतिखेर गैह्रापाटनस्थित पोखरा थियटरको गन्धर्व हलमा रिहर्सलमा ब्यस्त छन्।

महाकवि लक्ष्मीप्रसाद देवकोटाको खण्डकाव्य मुनामदनमा आधारित सो नाटकमा सरु कटुवाल, लकेश दंगोल, अनु श्रेष्ठ, निराशा ढुंगेल, सन्देश बाराकोटी, नवराज नेपाल, मिलन चाम्लिङ, नवराज गिरी, एन्जल बस्नेत, नुना कट्टेल र आशुतोष कोइरालाको भूमिका रहेको छ।

नाटक निदेर्शन सविन कट्टेलले गर्दैछन्। नाटकको नाट्य रुपान्तरण कटुवाल दीपकले गरेका हुन्। विवेक आचार्य र नगेन्द्र खड्काले व्यवस्थापकको जिम्मा पाएका छन्। नाटक हरेक साँझ ५ बजे मञ्चन हुनेछ। शनिवार दिउँसो १ बजे तथा बुकिङ मार्फत अतिरिक्त शो हुनेछ।

नाटक हेर्न ३ सय र ५ सय रुपैयाँको टिकट काट्नुपनेर्छ। विद्यार्थीलाई सहुलियतवापत २ सय रुपैयाँ शुल्क लाग्नेछ। पोखरेली दर्शकको माया र साथ पाउनेमा आफू आशावादी भएको नाटकका निदेर्शक सविन कट्टेलले बताए। यसअघि यो नाटक विराटनगर र काठमाडौमा मञ्चन भइसकेको मञ्च अध्यक्ष कटुवाल दीपकले जानकारी दिए।