गायिका थापा सम्मानित

आदर्श समाज सम्वाददाता
श्रावण ५, २०७६
20190720_093740_Fotor

गयिका अजुदा थापालाई सम्मान गर्दै गण्डकी प्रदेशका आर्थिक मामिला तथा योजना मन्त्री किरण गुरुङ । तस्वीर : आदर्श समाज

दार्जलिङमा जन्म भै पोखरालाई कर्म क्षेत्र बनाएकी गायिका अजुदा थापा अर्जुन नेपाली स्मृति संगीत पुरस्कार–२०७५ बाट सम्मानित भएकी छन् ।

उनलाई सम्मानपत्र, दोसल्ला र नगद १५ हजार एक रुपैयाँ प्रदान गरी पोखरामा शनिवार सम्मान गरियो ।

त्यस अवसरमा प्रमुख अतिथि गण्डकी प्रदेशका आर्थिक मामिला तथा योजनामन्त्री किरण गुरुङले साहित्य, संगीत र कला नभए मानव जीवन निरस हुने बताए ।

उनले भने संस्कृति हाम्रो पहिचान हो, सभ्यता हो ।

गण्डकी प्रज्ञा प्रतिष्ठान स्थापना गर्ने प्रक्रियाअघि बढिसकेको बताउँदै मन्त्री गुरुङले साहित्य र संगीतको विकासका लागि योगदान पुग्ने विश्वास व्यक्त गरे ।

पोखरा–२ का वडाध्यक्ष रामेश्वर मल्लले संगीत प्रशिक्षण केन्द्र पोखराको विकासका लागि वडाबाट पनि सहयोग हुँदै आएको उल्लेख गर्दै पोखरामा संगीत विश्वविद्यालय आवश्यक रहेको बताए ।

पूर्व सभासद् शारदा पौडेलले सम्मानले संगीत क्षेत्रमा जागरण आउने धारणा राखिन् ।

संस्कृतिकर्मी तीर्थ श्रेष्ठले अर्जुन नेपालीले वामपन्थी आन्दोलन र नेपाली संगीत क्षेत्रमा पुर्याएको योगदानको चर्चा हुन नसकेको उल्लेख गर्दै भने– उनी पोखराका एकमात्र कुशल भ्वायलिन वादक थिए ।

प्रतिभा चयन समितिका संयोजकसमेत रहेका श्रेष्ठले सम्मानित प्रतिभा लोकप्रिय गायिकाका रुपमा स्थापित भएको बताए ।

सम्मानित अजुदा थापाले पुरस्कारले आफूलाई धेरै गीत गाउन हौसला थपेको बताइन् । साथै उनले त्यस अवसरमा कहाँबाट आयौ तिमी बोलको गीत पनि प्रस्तुत गरेकी थिइन् ।

पूर्व सम्मानित संस्था हिमाली सांस्कृतिक परिवारका अध्यक्ष मेनकाजी गुरुङले स्व. अर्जुन नेपालीले संगीतको साधना हरेक दिन गर्नुपर्छ भन्नुभएको आफ्नो स्मरणमा सधैं रहेको बताए ।

संगीत प्रशिक्षण केन्द्र पोखराका कार्यवाहक अध्यक्ष माधव पराजुलीको अध्यक्षतामा भएको सो कार्यक्रममा निवर्तमान अध्यक्ष सुरेन्द्रमान बिजुक्छेले स्वागत मन्तव्य राखेका थिए ।

कार्यक्रमको सञ्चालन महासचिव महोदत्त काफ्लेले गरेका थिए ।

Related News

सम्बन्धित समाचार

  • पूर्व बैंकर सञ्जीवको ‘छोटु’ सार्वजनिक

    आदर्श समाज सम्वाददाता असार ३, २०८१
    चितवन । कृषि विकास बैंकका सञ्चालक समिति सदस्य सञ्जीव पौडेलको संस्मरणात्मक कृति ‘छोटु’ सार्वजनिक भएको छ । निर्वाचन आयोगका प्रमुख…
  • एसइई डान्स च्याम्पियनसिप उपाधि सृष्टिलाई

    आदर्श समाज सम्वाददाता जेठ २६, २०८१
    पोखरा । गण्डकी प्रदेशस्तरीय एसइई डान्स च्याम्पियनसिप उपाधि सृष्टि गुरुङले जितेकी छन् । यस्तै, प्रतिष्ठा कार्की दोस्रो र नीलकसना श्रेष्ठ…
  • सुमिनाको ‘बागी स्त्रीको आत्मकथा’ बारे परिचर्चा

    आदर्श समाज सम्वाददाता जेठ २६, २०८१
    पोखरा । र्‍यान्डम रिडर्स सोसाइटीले शनिबार सुमिनाको कविता सङ्ग्रह ‘बागी स्त्रीको आत्मकथा’ बारे परिचर्चा गरेको छ । पत्रकार रीना थापा…
  • पुतलीबजारमा साहित्यिक गोष्ठी

    आदर्श समाज सम्वाददाता जेठ २२, २०८१
    स्याङ्जा । पुतलीबजार प्रज्ञा प्रतिष्ठान स्याङ्जाले साहित्यिक गोष्ठी सम्पन्न गरेको छ । सो अवसरमा गण्डकी प्रदेशस्तरीय कविता प्रतियोगितासहित स्रष्टा सम्मान…
  • मौलिकता बिर्सेर बनाइयो नमूना गन्धर्वघर   

    आदर्श समाज सम्वाददाता जेठ १८, २०८१
    गण्डकी ।  कुनै समय घुमाउने (गोलो घर) नै लोपोन्मुख गन्धर्व जातिको परम्परागत बासथलो थियो । ढुङ्गा, माटो र काठले ती…

hero news full width