लेखनाथमा कष्टम हायरिङ सेन्टर

सामूहिक खेती प्रणालीमा जोड दिउँ : प्रमुख जिसी

आदर्श समाज सम्वाददाता
जेठ २६, २०७६
kirsha aujar 25_Fotor

पोखरा महानगरपालिका प्रमुख मानबहादुर जिसीले परम्परागत खेती गर्ने प्रचलनमा सुधार गर्दै व्यावसायिक खेतीमा जोड दिएका छन्।

पोखरा महानगरपालिकाको सहयोगमा लेखनाथ सामूदायिक कृषि सहकारीद्वारा संचालनमा ल्याइएको कष्टम हायरिङ सेन्टर (कृषि औजार भाडाकक्ष) शनिवार उद्घाटन गर्दै उनले सो कुरामा जोड दिएका हुन्।

उनले कृषिलाई हेर्नलायक बनाउन नमुना खेती प्रणालीबाट उत्पादकत्व वृद्धि गरी सामूहिक खेती प्रणालीमा जानुपर्ने बताए। ‘अबको कृषि भनेको निर्वाहमुखी नभई व्यावसायिक तरिकाले उत्पादित कृषि वस्तुमा आत्मनिर्भर हुने गरी कसरी उत्पादकत्व बढाउन सकिन्छ भनेबारे योजना बनाए महानगर हातेमालो गर्न तयार छ, ’ उनले भने।

लेखनाथ सामुदायिक कृषि सहकारी संस्था अध्यक्ष मेजर रामप्रसाद गुरुङको अध्यक्षतामा भएको सो कार्यक्रममा पोखरा महानगरपालिका कृषि महाशाखा प्रमुख मनोहर कडरियाले जग्गा ब्यवस्थापनदेखि अन्नबाली नभित्राउँदासम्म यहाँबाट सेवा पाउन सकिने बताए।

वडाध्यक्ष पूर्णकुमार गुरुङले सहकारीले उत्पादनमुखी क्षेत्रमा लगानी बढाउनु पर्ने सुझाव राखेका थिए।

कार्यक्रममा सम्पूर्ण सहकारीतर्फबाट क्षेत्रशक्ति बचत तथा ऋण सहकारी संस्था अध्यक्ष ईन्द्रबहादुर थापा र कृषि सञ्जाल अध्यक्ष दयाराम तिवारी लगायतले मानवस्वाथ्यमा असर नपुग्ने गरी उत्पादित वस्तुको बजारीकरणमा कुनै समस्या नरहेको बताए।

कार्यक्रममा संस्थाका व्यवस्थापक शंकरप्रसाद पौडेलले कृषि औजारको उपयोगिता र संचालनका कार्यविधिबारेमा जानकारी गराएका थिए।

कार्यक्रम संचालन सचिव कृष्णप्रसाद तिवारीले गरेका थिए।

संस्थाले पहिलो चरणमा जोत्ने ट्याक्टर २ वटा, ढुवानीको लागि ट्रली, बोलेरो जिप, धान तथा गहुँ चुट्ने थेसर, आलु लगाउने मेसि, जग्गा सम्याउने मेसिन व्यवस्था गरेको छ।

Related News

सम्बन्धित समाचार

  • गण्डकीको खर्च ६६ प्रतिशत, एकै दिन २ अर्ब निकासा

    धनबहादुर गुरुङ असार ३१, २०८१
    पोखरा ।  आर्थिक वर्ष २०८०/०८१ को सोमबार अन्तिम दिन । सरकारी क्षेत्रबाट हुने आर्थिक वर्षका कामकारवाही सोमबारदेखि नै सकिन्छ ।…
  • विदेशी मुद्रा सञ्चिति बढ्यो

    आदर्श समाज सम्वाददाता असार २६, २०८१
    पोखरा । मुलुकको विदेशी मुद्रा सञ्चिति ११ महिनामा ३ अर्ब १ करोड डलरले वृद्धि भएको छ । २०८० असार मसान्तमा…
  • पाेखरामा इलेक्ट्रिक स्कुटर ‘ग्यारो डिटी–६०’ सार्वजनिक

    आदर्श समाज सम्वाददाता असार १८, २०८१
    पोखरा । पोखरामा इलेक्ट्रिक स्कुटर ‘ग्यारो डिटी–६०’ सार्वजनिक भएको छ । क्लासिक ह्वील्स एक्सपोर्ट एन्ड इम्पोर्टले मंगलबार नयाँबजारस्थित सोरुपमा एक…
  • गण्डकीको बजेट बहुमतले पारित

    आदर्श समाज सम्वाददाता असार १७, २०८१
    पोखरा । गण्डकी प्रदेशको आगामी वर्षको बजेट बहुमतले पारित भएको छ । असार १ गते अर्थमन्त्री डा. टकराज गुरुङले पेस…
  • इ–ड्राइभको गण्डकीमा सेवा विस्तार

    आदर्श समाज सम्वाददाता असार १५, २०८१
    पोखरा । इ–ड्राइभ गण्डकी नेपाल र इ–ड्राइभ नेपालले सहकार्यमा राइड शेयरिङ एप ‘इ–ड्राइभ नेपाल’ सञ्चालनमा आएको छ । प्रविधिको प्रयोगमा…

hero news full width