प्रदेश ५ ले मनायो गणतन्त्र दिवस

आदर्श समाज सम्वाददाता
जेठ १५, २०७६
1 (10)

बुटवल,१५ जेठ । गणतन्त्र दिवशका अवसरमा प्रदेश ५ को राजधानी बुटवलमा प्रभातफेरी तथा गणतन्त्र दिवस मनाइएको छ ।

बुटवलको राजमार्ग चौराहबाट सुरु भएको बाजागाजा झाँकी सहितको प्रभातफेरी विशेष समारोहस्थल बुटवल मण्डपमा पुगि समापन भएको थियो । प्रदेश ५ का बिभिन्न संस्कृति झल्कने ३१ वटा झाँकी प्रर्दशन गरिएको थियो । उत्कृष्ट झाँकीलाई नगद सहित पुरस्कृत गरिएको थियो ।

उत्कृष्ट झाँकीलाई प्रदेश ५ का प्रदेश प्रमुख उमाकान्त झा र मुख्यमन्त्री शंकर पोखरेलले पुरस्कार तथा प्रमाण पत्र बितरण गरेका थिए । गणतन्त्र दिवसको कार्यक्रमलाई सम्बोधन गर्दै मुख्यमन्त्री पोखरेलले गणतन्त्र स्थापना गरिबी अशिक्षालाई निवारण गरी समृद्ध राष्ट बनाउन मात्र बाँकी रहेको बताएका छन् । उनले सरकार, राजनीतिक दल, संघ, संस्था र नागरिकहरु एकमत भई समृद्धिको कार्यमा लाग्नु अहिलेको आवश्यकता रहेको औल्याए ।

उनले प्रदेश सरकार स्थापना भएकोे एक वर्षमा जनताले प्रदेश सरकार खोज्ने अवस्थामा पु¥याएको र अव योजनाबद्ध बिकास गरी समृद्ध नेपाल बनाउने अभियानको सुरुवात भएको बताए । त्यही अनुसार काम गर्यौ, प्रदेशको आवधिक योजना पनि बनायौ , अव त्यही आवधिक योजनाका आधारमा समृद्ध प्रदेश बनाउने गरी काम गछौ र यो प्रदेश समृद्ध हुँदा अन्य प्रदेशले पनि सिक्ने छन् र नेपाल नै समृद्ध बन्ने छ ।

मुख्यमन्त्री पोखरेलले अहिले पनि बजेट खर्च गर्ने , आर्थिक बृद्धिदर बढाउने प्रदेशमा ५ नम्वर प्रदेश अन्य प्रदेशको तुलनामा अघि रहेको बताए । दुई अंकको आर्थिक बृद्धिदर पहिला हासिल गर्ने प्रदेश पनि यही नै हुने उनको दावी छ ।

समारोहमा बोल्दै बुटवल उपमहानगर पालिकाका प्रमुख शिवराज सुबेदीले नेपालको संघीयता नौलो र आफनै देशको मौलिकतामा आधारित भएकाले सबैले समृद्ध राष्ट बनाएर यसबाट लाभ लिनु पर्ने बताए ।

Related News

सम्बन्धित समाचार

hero news full width