टीभीएस अपाचे पोखरा स्पोर्टस् अवार्डबारे खेलकुदकर्मीसँग छलफल

आदर्श समाज सम्वाददाता
जेठ ११, २०७६
nsjf gandaki logo (1) (1)

पोखरा, ११ जेठ । टीभीएस अपाचे चौथो पोखरा स्पोर्टस अवार्ड–२०७५ को मिति नजिकिँदा नेपाल खेलकुद पत्रकार मञ्चले विहीवार खेलकुदकर्मीसँग छलफल गरेको छ ।

पोखरा रंगशालामा भएको छलफलमा विभिन्न खेलकुद संघका पदाधिकारी तथा सदस्यको सहभागिता थियो । सहभागीले स्पोर्ट्स अवार्डले खेल र खेलाडीको विकासमा सघाउ पु¥याएको भन्दै यसको निष्पक्षता र पारदर्शीताको खाँचो औल्याए । उनीहरुले अवार्ड कार्यक्रमलाई सभ्य र भव्य रुपमा सम्पन्न पार्न आ आफ्नो स्थानबाट सहयोग गर्ने प्रतिबद्धता समेत जनाए ।

कार्यक्रममा जिल्ला खेलकुद विकास समितिका कार्यालय प्रमुख प्रकाश बराल, भलिबल संघका अध्यक्ष भीम पराजुली, कास्की जिल्ला आर्चरी संघका योगेन्द्र शेरचन, कास्की जिल्ला टेवल टेनिस संघका अध्यक्ष उत्तम जोशी, बास्केटबल संघका जिल्ला अध्यक्ष ध्वजकुमार गुरुङ, क्रिकेट संघका जिल्ला अध्यक्ष सञ्जयकान्त सिग्देल, नेपाल स्क्वायस ¥याकेट संघका पुष्प श्रेष्ठले सुझाव दिएका थिए ।

त्यस्तै, ह्याण्डबल संघ कास्कीका उपाध्यक्ष पुष्पा श्रेष्ठ, कास्की जिल्ला लनटेनिसका सचिव नवीन चालिसे, कास्की जिल्ला तेक्वान्दो संघका सदस्य सुनबहादुर लामा, बक्सिङ संघका अध्यक्ष बुद्ध गुमाजु, शारीरिक सुगठन संघका अध्यक्ष राजकुमार थापा, भारोत्तोलन संघका राजन बड्गामी, क्युकोसियन कराँतेका उपाध्यक्ष दानबहादुर क्षेत्री, जुडोका रवि चौधरी, एथलेटिक्स संघका सचिव श्याम श्रेष्ठलगायतले विभिन्न सल्लाह सुझाव दिएका थिए ।

कार्यक्रममा मञ्च अध्यक्ष एकराज गिरी, मञ्चका पूर्व अध्यक्ष एवं सल्लाहकार विनोद लामिछाने, महासचिव विजय नेपाल, कोषाध्यक्ष शशीकुमार पौडेलले सल्लाह सुझावलाई आत्मसात गर्दै अघि बढ्ने प्रतिबद्धता व्यक्त गरे । कार्यक्रमको संयोजन जिल्ला खेलकुद विकास समितिले गरेको हो ।

समृद्धिका लागि खेलकुद मूलमन्त्रका साथ पोखरा सभागृहमा जेठ २४ मा हुने चौथो संस्करणको स्पार्टस् अवार्डमा यसपालि ८ विधामा अवार्ड वितरण गरिनेछ । वर्ष खेलाडी पुरुषलाई टीभीएस अपाचे मोटरसाइकल र वर्ष खेलाडी महिलालाई विगो स्कूटरसहित अवार्ड प्रदान गर्नेछ । सोको प्रायोजन बतास ब्रदर्श प्रालिले गरेको छ ।

Related News

सम्बन्धित समाचार

  • ‘खेल्छ गण्डकी’ बाट महिला खेलाडी तयार गरिने

    आदर्श समाज सम्वाददाता जेठ २२, २०८०
    पोखरा । प्रदेश खेलकुद परिषद गण्डकीले ‘खेल्छ गण्डकी’ कार्यक्रम मार्फत् महिला भलिबल खेलाडी उत्पादन गर्ने भएको छ । परिषदको आव…
  • मेयर कपको उपाधि वडा नम्बर २ लाई

    आदर्श समाज सम्वाददाता जेठ २२, २०८०
    लमजुङ । लमजुङको जिल्ला सदरमुकाम बेसीसहरमा सञ्चालित तेस्रो बेसीसहर मेयर कप सम्पन्न भएको छ । बेसीशहर नगरपालिकाको खेलकुद विकास समितिले…
  • देश्ना चन्द कपमा ‘केआइइसी बुन’ च्याम्पियन

    आदर्श समाज सम्वाददाता जेठ २२, २०८०
    पोखरा । नयाँ गल्ली क्लबको आयोजनामा सम्पन्न तेस्रो देशना चन्द स्मृति नयाँ गल्ली कप सेभेन ए साइड फुटबल प्रतियोगितामा केआइइसी…
  • ठेलोमा पर्वतको वर्चश्व

    आदर्श समाज सम्वाददाता जेठ २१, २०८०
    पोखरा । गण्डकी प्रदेशस्तरीय परम्परागत ठेलो प्रतियोगितामा पर्वतले उपाधिमा कब्जा जमाएको छ । पहिलो, दोस्रो र तेस्रो तिनै स्थानमा पर्वत…
  • कास्की जिल्ला बक्सिङ संघमा सुमन

    आदर्श समाज सम्वाददाता जेठ २०, २०८०
    पोखरा। कास्की जिल्ला बक्सिङ संघको पाँचौ अधिवेशनले सुमन श्रेष्ठको अध्यक्षतामा नयाँ कार्य समिति सर्वसम्मत चयन गरेको छ । संघको प्रथम…

hero news full width